Hun puiah fimkhur ila

Mizo Kristiante hunpui ber Krismas leh Kumthar a lo thleng hnai leh ta a, Mizoram sorkar pawhin he hun atana inkaihhruaina leh inbuatsaihna hrang hrang a nei tawh. Hunpui lo thleng turah hian dan leh thupek kenkawh kawngah khauh zawka kal ni se, tiin thuneitu lam pawhin ruahmanna an siam a ni.

Kum danga hunpui kan hman ṭhin lo ang takin Covid-19 avanga inkhuahkhirhna hman mêk a ni a, khawpuiah chuan zan lamah curfew puan a ni. He hunpui lo thleng turah hian hripui hi darh leh huk thei a la ni reng a, chumi piah lamah chuan mipui an zalen ṭhin vangin thil ṭha lo tam tak thleng thei reng a ni bawk.

Hetihlai hian hunpui lo thleng tur kan hmuahnaah hian inkhuahkhirhna lam hawi zawng deuh hlira thuchhuah te, mipuite tih loh tur lam ringawt inzirtir te, harsatna thleng thei laka invenna lam hawi zawng ringawt lo deuha thuchhuah tam pawh a ṭha hle.

Krismas leh kum thar hlim taka hmang tur te, him tak leh nuam taka hun hmang tura mipuite duhsakna hlan zawnga thu chhuah tel ṭhin ni se a ṭha khawp mai.

He hunpui lo thleng tur hi hripui laka kan him theihna tur te, chetsualna leh mihring siam chawp chhiatna thleng thei laka kan himna turte in sokar leh mipui kan ṭan rual ṭhat a pawimawh hle a ni.