Inkharkhip dan thar leh Mizoram

Mizoram sorkar chuan inkhàrkhip thawh lina, May 19 aṭanga May 31 thleng awh tura kaihhruaina nimin khan a tichhuak a; biak-in, zirna-in leh infiamna hmunhmate khâr chhunzawm zel tur a ni a, dawr hmunpui (shopping mall) erawh chu dawr inkar thlâka hawn chhâwk phal a ni dawn. 

Thawhṭannia hman ṭan tur ni si, Pathianni tlai lam thlengin inkaih­hruaina hi a la chhuak hman lo a, sorkar laipui lam an ngaihchan vang niin a lang. Sorkar laipuiin lockdown inkaihhruaina Pathianni zanah a chhuah a, kan state-a kan kalpui dan nen inang lo pawh a awm.

Kan state mila thil kalpui a ṭul avangin sorkar laipui kaihhruai ang diak diaka kal a rem lo a, chutih rualin sorkar laipui lam pawhin hawn an phal tawh he lama kan ka rem tih loh a awm nual bawk. A langsar deuh zingah infiamna hmunhma khar, spa leh lumehna dawrte chu Green Zone-a awmte tana hawn phalsak ni tawh mah se Mizoramah chuan khar tur zingah a la tel a; hetihlai hian Green Zone-a awmte taxi-a chuan an phalsak zat aia tam Mizoramah chuan phalsak an ni ve thung. 

Engpawhnise kan state mila kalpui tur a nih avangin hmun danga mite min relsak ai chuan kan tana ṭha ber tur chu kan sorkar lam thuneitute hian an hre zawk turah ngai ila, kaihhruaina awm hi zawm 

ṭheuh turin mipuite'n thu i awih ang u.