Cyber crime leh Mizoram

Home Minister chuan Mizoram sorkarin cyber crime a ngaih pawuimawh thu sawiin, "Mizoram police, forensic science laboratory, digital forensics leh cyber crime lam beih letna kawngah sorkar a inbuatsaih nasa hle," a ti a, information technology a ṭhang chak ang bawkin a kaihhnawih sualna pawh a pun chak thu a sawi.

Mizote hi kan phak ang tawka internet kaihhnawioh thil hmang/khawih nasa tak kan ni a, social media hmang uar tak kan ni. Hei hian a ṭha zawng leh chhe zawngin ken tel tam tak a nei a, social media vanneihpui leh eizawnna atana chantir thiam an awmlaiin social media mualphopui a, thubuai neih phah a, sum tam tak hloh phaha tlak chhiahpuitu pawh an awm ve bawk.

Inrin lawk leh inzir lawkna pawh kan neih hman hmain information technology-in min luhchilh a, khawvel dangte nen min thlun zawm a, chumi ken tel sualna tam tak chuan min luhchilh tel ve nghal a. Social media-ah thudik lo tihdarh avanga buaina tawk tam tak an awm a, sum leh paia inbumna tawka chhiatpuitu tam tak an awm a, mi tam tak chuan tlak chhiah phahna atan an hmang hial tawh a ni.

Hei vang hian tun aia uar zawka zirtirna ṭha kan inpek a, kan inzirtir zel a pawimawh takzet a, cyber crime-in min tihbuai zel lohna tura mahni phak tawka inven a, thiam ang tawka midangte kan inzirtir zel a ṭul hle a ni.