Zu, ruihhlo leh Mizoram

Excise and Narcotics department (END) chuan kum 2022-ah March 31 thleng khan rakzu litre 22,460.070, heroin kg. 6.989 leh methamphetamine kg. 20.544 an man. END hian January 1 aṭanga March 31 thleng khan zu bilh lai ṭín 36,878, zu siamna bungbel 618, dawidim kg. 112.950, sap zu ûm 3,989, beer ûm/can 4,951, Myanmar zu (BEDC) litre 957.300, ganja kg. 69.499, khuh damdawi phial 133, Alprazolam mûm 303 leh Tramadol mûm 310 an man bawk a; ruihhlo chi hrang hrang an man kaihhnawihah hian mi 1,085 leh lirthei 32 an man tel.

Mizoramah zu khap burna dan hman mêk a ni a, chutihlai chuan pawisa nei tán chuan zu lei tur a awm reng a, zu a tam tih nemnghehna chu an man zatah hian a lang. Tun ang zela zu khap a ni chunga zu a zalen a nih chuan Mizoram hmalam dinhmun hi a ngaihtuahawm hle ang tih a hlauhawm hle a, sorkar pawh a ṭan thar a ngai hle a ni.

Tun hnaia zu zalen dan en mai hian sorkar hian zu khap burna dan a siam hi a taka a kenkawh a, mei kawha a ṭan a ṭul takzet a, dan khauh tak nei chunga zu a zalen a nih chuan a kenkawhna lamah kan zuai hle tiin a puh theih hial awm e.

He ram hi ruihhlo leh zu zalenna ram, pawisa nei tana lei tur awm rengna ram, dan lam thlira khauh taka khap nia lang si hi ngun taka ngaihtuah a ngai. Zu hi khap kan duh a nih chuan tun ang mai maia khap hi chuan kan tum a ṭhelh ang tih a hlauhawm a, kan ram hruaitute hian rorelna in sanga kan phar thluk tawh, dan khauh tak kan siam hnan tawh hi a taka kengkawh turin ṭan lâk a ngai hle a ni.