ILP endik tu mawh nge?

YMA Sub-Headquarters, Lunglei hmalaknain tun hnai khan Lunglei khawpuia YMA branch 20-te chuan an huamchhunga hnam dang, Inner Line Permit (ILP) nei lo dap rûnpui an nei a, ILP nei lo leh thi tawh hnam dang mi 186 an hmu chhuak.

Mizoram hi danpui hmanga hung bîk kan ni a, tribal ni lote an lo luha min chimral mai lohna tur leh kawng hrang hranga kan inhungna atan ILP hi siam a ni. Chuti ni lo se kan chhehvela hnam dang Vai kan tihte hi Mizoram chhunga lo luh a, sumdawnna nghet dina awm hlen duh deuh vek an ni hial ang. ILP nei lo tán Mizorama luh phal a ni lo a, in leh ram neih phal a ni lo a, sumdawn pawh phalsak an ni lo.

Heti taka kan himna tura ṭangkai ILP kan nei chung hian ILP nei lo an duhthalin an lo lut reng thei a, ILP lem siamna hialte a awm ṭhin a, ILP chungchangah hian sorkar hi tun aia a ṭan hret a ngai a ni. ILP nei leh nei lo endik hna hi tlawmngai pawl hrang hrangin an thawk ṭhin a ni ta ber a, sorkar hian a mawhah la se a ṭha ngawt mai.

Engpawhnise, ILP hi kan himna tura pawimawh tak a nih avang hian tun aia uluk zawka endik ṭhin ni rawh rawh se.