Fur atana inbuatsaih

May thlà kan lo chuang kai leh ta a, furpui kan thleng leh hnai ṭan tawh. Kum tinin ruah tui tlak tamlaiin Mizoramah chhiatna hrang hrang a thleng ṭhin a, pumpelh theih loh tam tak zingah fimkhur avanga pumpelh theih a awm ṭhin.

Furlai hi lei a min nasat hunlai a ni a, hei hi ven theih chin a awm a, ven theih loh a awm bawk. Mi tam tak chuan an ram lei min hlauhawmna hi a ven hunlaiin an veng lo ṭhin a, harsatna a thlen hnu leh a sawt tawh vak loh hnuah an harh chhuak fo.

Tui luanna tur fel taka lo siam lawk te, furpui a thlen tak tak hmaa khuh hul ṭhatte a pawimawh em em a, tun hi inbuatsaihna hun ṭha a ni ang.

Kan ram leilung, sik leh sâ bakah ruah tui tlak dan en hian furin a ken tel chhiatna ṭhenkhat hi chu pumpelh rual a ni lo; nimahsela inbuatsaihna leh inruahmanna ṭha tak nen chuan pumpelh theih chin a awm ṭhin.

Mimal kan in­buatsaih rual hian khawtlang leh sorkar pawhin ṭan a lâk ve a ngai a, kan rama chhiatna thleng kan tih ṭhen­khat hi chu fimkhur tawk loh vang a ni fo a, pumpelh theih chin tam tak a awm.