Health Care chungchanga CM leh Health Minister thu

Health Minister chuan sorkar laipuia Finance Secretary chu tun hnai khan a dawr a, Mizoram State Health Care Scheme (MSHCS)-a sum harsatna awm mek chungchang a thlen a; Asian Development Bank (ADB) loan beisei mekah Finance Ministry lama chinfel ngai la awmte a sawi lang.

Hetihlai hian Chief Minister chuan Assembly House-ah Health Care-a sum awm chu damlo apiangin chhungkaw khat tana cheng nuai hnih thlenga an hman tur a awm thu leh, chu chu SEDP-ah an bilh tel thu a lo sawi tawh.

SEDP hnuaiah chhungkaw tin tana hman theih cheng nuai hnih thlenga dah a nih lai hian MSHCS-ah damlo mangangte bill hi cheng nuai 6800 chuang lai sorkarin a batsak a, chumi piah lamah Health Minister chuan MSHCS chungchanga sum harsatna chu hotu sangte hnenah a thlen bawk a ni.

Chief Minister-in SEDP kal tlangin Assembly House-ah damlo tana sum pek tur a awm thu a sawi a, damlo pawisa chu sorkarin nuai 6800 chuang zet a batsak mêk a, Health Minister mangangin Health ministry lam dawrin MSHCS-a sum harsatna a thlen a; MSHCS chungchangah hian kan Chief Minister leh Health Minister-te thu leh hla hi a inmil chiah lo deuh a ni lo maw?