AR sawn chhuah thu

Tun hnai khan Chief Minister hoin Aizawl khaw­pui laili aṭanga Assam Rifles-te insawn chhuah chungchangah Mizoram sorkar mi pawimawhte leh Assam Rifles-te an inkawm a; Assam Rifles-te la insawn chhuah theih loh chhan sawiho a ni a, rang taka hma la tura tih an ni.

Assam Rifles sawn chhuah chung­chang hi hun rei tak aṭang tawh khan sawi a ni tawh a, a tak ram a la chang thei lo. Kum 2019 khan Chief Minister chuan Assam Rifles-te insawn chhuah tur thu hi mipui hmaah a lo puang tawh a, kut beng thawm a ringin Mizo mipuite'n Assam Rifles-te chhuah hlan an nghakhlel hle tih pawh a hriat.

Khawpui laili aṭanga AR insawn chhuah tur chungchangah hian Aizawla Assam Rifles awmte lo kawm leh biak hian awmzia a nei a nih pawhin a nei thui chiam lo mai thei a, a chhuahtir tak tak theitu MHA lamah tun aia na zawka nawr a ṭha hle mai.

AR chhuah lawk loh chhanah hian state sorkar mawh­puh tur a ni lo a, state sorkarin thiam loh an nei lo a, Ministry of Home Affairs lam thiam loh a ni.

Chutiang bawkin AR hi an insawn chhuak a nih pawhin state sorkar vang a ni dawn lo a, MHA-in chhuak tura an tih tak tak hunah an chhuak chauh dawn niin a lang.