Sorkar sum harsatna

Sorkar laipui chuan centrally sponsored scheme (CSS) hnuaia March 31, 2022 hma lama sum an pek (release) tawhte chu a dawngtu tur department-te account (SNA)-ah July 20, 2022 hmaa pe chhuak vek turin state sorkarte a hriattir.

CSS sumte hi a hmanna tur awmsa a ni a, sorkar laipuiin pawisa a pek chhuah tawhte hi state sorkar kuta a luh hnuah state-in a hmanna turah pe chhuak nghal mai loin a mamawhna thil dangah a lo hmang pûk fo tawh ṭhin. Hei hi Mizoramah chauh ni lo state dangah pawh an kalpui ṭhin dan a ni a, chutihlaiin CSS suma innghat ang maia pawisa pe chhuak si loa lo sem kual chiam erawh thil fel lo tak a ni.

Revenue expenditure atana CSS sum pûk hi a hnuah rulh leh ṭhin a ni, rul leh thei tawh lo khawpa state pachhia nih erawh a hlauhawm ta hle. Tuna sorkar laipui ruahmanna thar hnuaiah Sorkar laipui kalphung tharah chuan CSS sum hi hman pûk theih a ni tawh dâwn lo a, thawh chhuah nei lo state tán chuan thil pawi tak a ni thei hial ang.

Engpawhnise, sorkar laipui ruahmanna siam hian kan state sorkar sum che vêl a tibuai viau dâwn niin a lang a, kan state sorkar sum dinhmun a chhezual zel ang tih a hlauhawm ta hle.