Mau/ raw hmanga ram siam

Mizoram sorkar Horti­culture department chuan mau/ raw ṭiak cheng nuai 450.14 man a lei tawh a, khaw hrang hrangah mau/ raw ṭiak 7,16,725 sem a ni tawh.

Mizoram sorkar flagship programme a nih angin mau/ raw hmanga Mizoram economy chawi san tum a nih thu Chief Minister-in a lo sawi tawh ṭhin a ni. Hei vang hian mau/ raw ṭiak ṭhahnem tak sem chhuah a ni pawh hi a inhmeh hle. Hetihlai hian Mizoram din chhuah­pui tham tur erawh chuan tuna mau/raw ṭiak sem chhuah tawh hi a la tawk dawn lo hle mai a, hei pawh hi sorkar hian a hre ngei ang.

Mizorama mau/ raw awm sate aia hlawk zawk tura ngaih Dendrocalamus Brandisii leh Dendrocalamus Latiflorus ṭiak supply hmasak ber a ni a, hei hi supply turin mi pakhat chiahin a chhang nghe nghe a ni.

He mi hnu hian Mizoramah pawh kan hmuh theih Den­drocalamus Sikkimensis (raw-mi) supply-tu tur thlanna tender chhuah leh a ni a, hei hi chu firm paliin an chhang ta.

Mau/ raw chi supply-tu hi mi pakhat aia an tam hnu­ah pawh hian a supply hmasa bertu hian a chang chho zel tho a, mau/ raw chi kui ṭiah nachang hre hmasatute an nihlawh viau a ni.

Sorkar hian mau/ rua hmanga Mizoram econo­my siam ṭhat a tum avang hian a flagship programme hi tun aia lian zawk hian a la kalpui zel dawn niin a lang a, a rah hmuh hlan a nghahhlelhawm takzet a ni.