Vaimim leh sorkar ruahmanna

Agriculture department chuan SEDP hnuaiah vaimim chi chhungkaw 13,596 hnenah cheng nuai 390.20 man a sem a; vaimim thar chhuahte tihral dan tur peihfel a la ni lo.

Vaimim chite hi sorkarin indirect procurement rule hmanga a phalsak angin, Agriculture department chuan National Cooperative Marketing Fede­ration of India, Madhya Pradesh aṭangin a lei a, a thlawna a sem niin chhungkaw ṭhahnem takin an ching a, vanduaithlak takin a tihralna lam ngaihtuah fel a nih loh avangin mi tam tak tán harsatna a thlen a ni.

Sorkarin Vaimim chi a sem avang hian a tihral danah mawh a phur lo a ni mai thei a, chutihlaiin chhungkaw tam tak chuan sorkar bawkin a tihral dan a ngihtuah turah an ngai a, an beisei ang a thleng ta lo.

Vaimim a ni emaw, mau leh rua a ni emaw, eng thlai leh thei pawh ni se a hralhna leh a hman zuina lamah rua­hmanna a awm loh chuan kuthnathawktute harsatna thlentu a ni ṭhin. State dang tana lian tham ni lo hi keini tán chuan buaipui tham a ni hma em em a, kuthnathawktute hian an thar chhuah hralhna leh tihralna kawngah puitu an mamawh viau a ni.

A enchhinna atana ram danga thlawhtheihna hmanga lakhuihthei thawn chhuah pawh nasa taka kan sawi a nih chuan chhungkaw tam zawkin an hlawkpui theih tur vaimim tihralna lam hi ngaihtuahpui ve theih ni se sorkar tán pawh a hmingṭhatthlak dawn a, mipui tán a ṭangkai bawk ang.