Ruihhlo kawngpui Mizoram

Champhai police-te chuan tun hnai khan khan Champhai Tuipui lui bulah heroin kg. 6.83 an man a, international market-ah cheng vbc. 34.18 man a ni.

Tun ṭuma an man hi Mizorama ṭum khata heroine an man tam ber pawl niin taxi-ah ualau angreng takin an lo phur niin a lang. Mizoram hi ruihhlo tawlhna kawngpui a ni tih hai rual a ni ta lo. Tun hnaiah ruihhlo hlawm liana man a awm nual a, mi ṭhenkhat chuan raltlante an mawhpuh tak nangin raltlante tawlh ruk atana lian tham tak tak a nih hlawm avangin ruihhlo hlawm liana man a ni fo hian chhan a nei ngei ang tih a chiang.

Finfiahna awm loa mipui rinhlelh rual ṭhup chu truck liana kuhva rah tawlh ruk tihtawp a nih hnu hian ruihhlo hlawm liana man hi a tam ta viau niin a lang a, kuhva nen a inkaihhnawih lem lo pawhin a thleng indawt zut mai hian ngaihtuah a titam hle a ni.

Champhai district lam aṭanga lirthei lo chhuk aṭangin ruihhlo man a tam thar hle a, he thil hi uluk zawka chhui zui a ṭha khawp mai.

Kan ram neih­chhun ruihhlo tawlhna kawngpui a ni ta mai hi a pawi hle mai a, a lo lut tawh hnu man rêm tuma beih a ṭhat rualin Myanmar aṭanga a lo lut tur dang zawngin kan sorkar hian tun aia chak zawka ṭan a lâk a ṭul tâk meuh a ni.