Hmar chhak kawngpui siam

Union minister for Roads, Transport & Highways Nitin Gadkari chuan tun hnai khan hmarchhak state pariata kawng siamna tura sum ruahman a puang a, kawng siamna atan hian cheng vbc. 1,00,000 chuang hman tura ruahman a ni. Mizoram chhunga kawng siamna tur atana ruahman chu cheng vbc. 6,664 a ni.

Sorkar laipuiin hmar chhak state tana ṭanpuina tur sum ṭhahnem tak a dah hi a lawmawm takzet a, kawngpui siamna tura a sum dahte hi kanṭangkaipui dâwn hle a ni. A bikin Aizawl k haw p u i k i a n ga khawpui helna tura cheng vaibelchhe 3,000 dah hian khawpui lirthei veivahna tawt lutuk pawh a tiziaawm ngei ang tih a rin theih.

Kan sum hmuh tur hi a ṭhahnem thamin a lawmawm takzet a, chutihlaiin Arunachal Pradesh lamin vbc 44,000 an dâwn laia kan dâwn zat erawh a inthlau takzet a. Anni hi China ramria an awm vangah lo puh ta pawh ni ila a la ngaihdam theih a; amaherawhchu Tripura leh Meghalaya dâwn zatve vêl lek kan dawng erawh rualawh a nâ khawp mai.

Politics lam aṭanga kan thlir chuan MNF hi BJP nena thawk dun NEDA leh NDA mi leh sâ tho a ni a, hmar chhak state danga an thawhpuite dawn aṭanga tehin pangchang deuha dil belh leh theih ni se a ṭha ngawt mai.

Hmarchhak state-te'n sorkar laipui duhsakna kan dawng hi a lawmawm a, ṭhenawm state te dawn zat dawng ve thei lo mah ila kan dawn ang ang ṭha taka kan hman phawt chuan kan state pawhin hma a sawn ngei ang tih a rinawm.