Raltlan leh Mizoram

Bangladesh ram chhunga inkahna avangin Bangladesh rama Mizo hnahthlak mi 300 vel chu sahimna zawngin Mizoramah an rawn tlanchhe mek a, Central YMA chuan chhawmdawlna hna thawk turin YMA sub headquarters, group leh branch-te a ngen.

CYMA chuan raltlante hi 'dik lo taka hek' an nih thu an chhuah a, Bangladesh-ah hekna avangin an nunna a derthawng a, sahimna an rawn zawng ta niin a lang. Kan unau harsatna tawk mekte hi kan theih ang tawkin kan lo chhawmdawl tur a ni a, Mizoram hi an tan himna hmunah kan chantir a pawimawh hle a ni.

Myanmar-ah politics buaina avangin mipui nawlpui nun a him lo a, mi tam tham tak chu Mizoramah an rawn lut a, engtia rei nge an châm dawn hriat a ni lo. Hei vang hian khawtlang leh sorkar lam pawhin Myanmar aṭanga raltlan enkawl dan turah ruahmannate siamin thuchhuah hial pawh a siam tawh a ni.

Bangladesh aṭanga raltlan lo lutte dinhmun hi a khawngaihthlak hle mai a, Mizoramah thlamuang tak leh him taka an awmna tur lo buat­saih hi kan tihmakmawh a ni a; an awm zel dan tur leh kalpui zui dan turah fimkhur leh fing taka ro rel a ṭul chhunzawm zel dawn a ni.