Zirlaite leh ruihhlo

‘Survey Report on Children and Drugs in Mizoram 2022’ nchu tun hnai khan tlangzarh a ni a, tleirawl/rawlthar kum-18 hnuailamte ruihhlo leh a kaihhnawih chungchanga an dinhmun zir chianniin High School leh Higher Secondary School zirlai 4,513 zinga mi 68-in heroin (No. 4) an ti ṭhin tih hmuh chhuah a ni.

He zirchianaa an hmuh chhuah pakhat chu a kum telin ruihhlo ti ṭhin hi an kum a naupang tawlh tawlh tih a ni bawk a, tun ang zela kan kal chuan kan ram dinhmun hi a ṭha lo takzet a ni.

Zu khap leh zu zawrh chungchangah inhnialna nasa tak a awm tawh a, politics nen kaih kawp a nih tawh avangin he inhnialnaah hi chuan ṭan lam a inang thei tak tak lo. Ruihlo do chungchangah hi chuan kan zavaiin kan ṭan lam a inang a, ruihhlo tihtawp kan duh vek a, kan titawp thei si lo hi a manganthlak hle a ni.

Tuna kan ram dinhkun thlir hian ram hruaitu tan chuan mut mawh hnar mawha neih a hun tawh a, tuna kan ruihhlo do dan pawnlang tak leh a enkawlnaa sum kan dah tlem tham tak hmang hi chuan kan inchhanchhuak zo lo tih a lang reng a ni.

Kan sorkar hian tihtakzeta ruihhlo a do a hun tawh a, ruihhlo do tur chuan smuggling dangte nen khawng taka a do kawp ngam a ngai a; kawng thuhmun aṭanga smuggling thil lo lut hi do kawp ngam loh chuan kan zirlaite tan pawha hmuh theihin ruihhlo hi a zalen reng dawn niin a lang.