Kum tharah rilru thar

Kum 2022 kan hmang zo a, kum 2023 kan hmang chho ṭan ta. Mizorama kohhran ṭam zawk chuan vawiin hian kum thar lawmna ruai an ṭheh ang.

Kum a thar hian thil thar hranpa hi a awm vak ngai lo a, hun bi kan chhiar danah kum a inher liam a, kum thar a inher chhuak a ni mai a, thil dang zawng hi chu a ngaiin a la awm a ni ber. Mihring ni se a ngai reng kha kan ni a, kan thil neih lah a la danglam lo a, kan nihna pawh a ngai reng tiin a sawi theih.

Chutihlaiin thil thar hi kan thlentir thei a, chu chu ngaihtuahna thar, thlir dan thar leh tumna thar neih hi a ni. Mi tam tak chuan kum a tharin anmahni ngah reng kha a ṭha zawk nih tumna tak tak nen kum bul an ṭan a, an thil chin ṭha lo sim turin thutlukna an siam a, chu chu tihhlawhtlin ngei an tum a, a tawpah kum tharin mi thar a chher chhuak ta thin a ni.

He kum tharah hian mihring ngai reng mah ni ila rilru thar kan put tlat chuan chu chuan mihring tharah min chhuah ang a, kum thar duhawm tak kan hmang thei ngei ang.