Bangladesh raltlan chungchanga kan MP-te au hla sorkar laipuiin a dawnsawn dan

Mizo hnanthlak bangladesh aṭanga raltlan Mizoram luh tumte chu ramriah dan an ni a, hemi chungchangah hian Mizoram aṭanga Lok Sabha MP leh Rajya Sabha MP kan neihte'n theihtawp an chhuah.

Kan MP-te hian Zohnahthlak raktlante dinhmun an hria a, hei hi sorkiar laipuiah an thlen tawh. Rajya Sabha MP-in Union Home Minister leh Home Secretary hnenah lehkha a ziak tawh a, Lok Sabha MP-in Union Home Secretary leh BSF Director General-te a be pawp bawk.

Kan politician-te hian Zohnahthlak unaute tan theihtawp an chhuah hi an fakawm a, an tih tur dik tak an ti a, huaisen takin ke an pen niin a lang. Hetihlai hian an thu leh hla hi sorkar laipui lam hian a ngai pawimawh tawk lo niin a lang a, hei hi a vanduaithlak takzet a ni.

Tuna rorellai MNF hi NDA-a awm niin Parliament House lamah pawh NDA (BJP) tih lam apianga ban phar ṭhin an ni a, Citizenship Ammendment Act chungchangah pawh BJP duh dana ban phar an nih a vang hian an thu leh hla hi chu sorkar laipui pawhin a ngaihven ve turah ngaih a ni a; nimahsela Bangladesh aṭanga raltlante chungchangah hian kan MP-te thu leh hla hian ngaih pawimawh a hlawh tawk lo hi a zialo hle a ni.

He thil hi political party mal anga lungawi lohna lantir loa hnam pum anga kalpui chi niin a lang a, kan aiawhte au hla sorkar laipuiin a ngai pawimawh tawk lo hi a lungawithlak loh hle a ni.