Ram leh hnam mil zirlaibu

Mizoram Primary Teachers' Association chu tun hnai khan an inhmukhawm a, 'Primary school textbook hi Mizo ram leh hnam mila siam ni rawh se,' tiin resolution an siam.

Naupang zirlaibu hi uluk a ngai em em a, hei hian zirlaite hmalam hun thui tak a kaihruai thei a ni. Zirna chawi kan kan tih pawh hian a zilai lam hi ngaihthah palh a awm thei a, naupangin an zir tur bera hi kan thlan fimkhur a pawimawh hle ang.

India ramah kan zirlaibu nasa taka thlak danglam a ni chho mek a, naupangte rilruah sakhuana rawngkai thilte leh politics-a tute emaw hamṭhatna awm thei zawnga hmalakna a lian hle. Hetihlai hian Mizo zirlaite hi kawng hrang hrangah ven an ngai a, zirlaibu hmang pawhin Mizo hnam leh ram venhim hna hi thawh theih a ni ngei ang.

Mizoram Pri­mary Teachers' Association-in zirlaibu kal tlanga ram leh hnam humhalh duhna an nei hi thil lawmawm tak a ni a, hei hi thil tihhlawhtlin ngei chi a ni ang.