Mistiri rate chungchang

Central YMA chuan Mizorama cement hna ṭheka rate mumal zawka kalpui ṭha a ti a. Cement hna hrang hrangah hnam dangin an duh zat zat an inchhiar chu tihtawp tumin mitin zawm turin cement work-ah ṭheka rate an bithliah thar a, hei hi zawm turin mipuite an ngen.

Mizoram sum leh pai neih chhun ang ang state pawna a luan chhuahna lian tak pakhat chu mistiri-te hnena kan sensoah hian a ni a; tun dinhmunah hian state pachhe tak hian kan rama kan pawisa neih ang angte hian hnathawk a sing biin Mizote hian kan chawm rawn mek a ni ber mai.

Mizo zingah cement mistiri ṭha tak tak awm tawh bawk mah se kan hna neihte thawk turin an la ṭhahnem tawk lo a, loh theih lohna avangin hnam dang kan chhawr a la ngai a tih theih ang. Hetihlai hian kan hnam dang chhawrte hian an duh ang angin hnathawh rate hi an inchhiar a ni ta ber a, a chhawrtu aiin a chhawra-te hian thuneihna an nei ta zawk a ang hle.

Mistiri leh labour hlawh hi tawng­pawng tih­hniamsak theih a ni lo a, Mizo mistiri-te hlawh a nghawng thei dawn tih hriat tel a ṭha. Chutihlaiin hnam dangin Mizoram chhunga hna an thawh theih danah man sang uchuak an inchhiar ṭhin hi a fel lo a, Central YMA lam hian mistiri hlawh hi bithiah piah lamah a takin endik zui se, rualkhai zawka kal hi a ṭul khawp mai.