Tun hnaia kuhva rah man pung hi

Tun hnaiah Mizoramn hmun hrang hrangah Myanmary aṭanga kuhva ro tawlh ruk man a tam hle a, Police-te bakah khawtlanga mi tlawmngai duty-te'n hmun hrang hrangah a hlawm lianin kuhva tawlh ruk hi an man nasa hle.

Tun hma deuh khan Myanmary aṭanga kuhva rah rawlh ruk hi a hluar hle a, thil pawi vaka ngaih loh ang maiin langsar taka kalpui a ni a, heng kuhva rah chhêkna tur kudamte pawh hi kawngpui sir maiah langsar tak taka sak a ni. He thil hi mi ṭhenkhat chuan sumdawnna pangngai ang maiah ngaiin a pawi tih pawh an hre vak lo niin a lang a, nimahsela, dan bawhchhiatna smuggling dik tak a nih avangin mi ṭhenkhat chuan an bansan zui.

Chhungkaw tam takin eizawnna leh hausakpuina atan an hman tawh bawk avangin tihtawp pawh a harsa hle a, Assembly House thlengin a mantu tura ngaihte pawhin 'mit kan siai' an ti hial a, social media lamah inpuhna nasa tak awmin sorkara mi challangte hming thlengin sawi lan a ni.

Kuhva rah tawlh hian nghawng na tak a neih chu Mamit leh Kolasib District lama kuthnathawktute'n rim taka an thawhrah an seng thei lo a, kuhva rah an hralh theih loh avangin an mangang hle. Hei vang hian dan bawhchhiaa kuhva rah tawlh ruk hi khawtlang duty insiamin an cháng hial a, an thil mante chu an hal ral ṭhin a ni.

Kha leh chen kuhva rah man tur a reh vang vang hnua tun hnaia Mizoram Police-in an man ta zawih zawih maite hi a mak angreng a, dan loa thil kalpui a nih avangin dan anga lo man zel mai hi a ṭul a ni.