Myanmar rama tualthihna

Tun hnai khan New Siaha mi pahnih leh an lirthei khalhtu pakhat chu Siaha aṭanga hruai chhuah an nih hnuah Mizoram leh Myanmar inrina bul, Myanmar ram chhungah thia chhar an ni a, an kâng chhe hle.

Mizoram chhunga awm, Myan­mar hel nia hriat­ten an hruai chhuah hnuah thia chhar an ni zui hi a pawi hle a ni. A hruai chhuaktute tak hriat a ni lo a, rinhlelh erawh chu an nei a, a hruai chhuaktute thah a nih leh nih loh finfiahna awm lo mah se a rinhlelhawm hle bawk a ni.

Tun hnaia tualthihna thleng hi a pawi takzet a, Myanmar politics boruak avanga Mizorama raltlan an tam vanglai ni kher lo pawh ni se hetianga tualthihna hi Zohnahthlak inkarah a thleng a nih chuan a thinurthlak viau a ni.

Tunlai boruakah ngat phei chuan he tualthihna hi a demawm zual a, international boundary pela thil thleng a nih bawk si avangin Mizoram Police tán pawh chhui harsa chin a awm thei ang.

Engpawhnise he thil hi misual chetna ngei niin a lang a, misual man chhuah an nih theihna turin Myanmar lama Mizote pawh a ṭul a nih chuan pen chhuak ngam se, hetiang thil thleng râwng tak hi thleng nawn tawh suh se.