Mizorama lei chim ṭhin hi

March 27, 2023 khan Lawngtlai district-a Vaseikai leh longpuighat inkal pawhna Tuichawnglui lei a chim a, mi pahnih an hliam. He lei chim ta bul hnaiah hian lei hmanlai thlakna tura lei dawh mek chu April 6, 2022 khan a lo chim tawh bawk a ni.

Tun hnaiah Mizoramah lei chim kan hre ta zauh zauh a, ṭhenkhat chu an dawh lai mek chimte a ni a, thi leh hliamte pawh an awm ṭhin. October 31, 2014 khan Lengpui kawnga Tlawng lei chu a lo chim tawh a, December 13, 2014-ah Darzokai Chhimtuipui lei a chim bawk. February 13, 2018 khan Sesawng leh Khawruhlian inkara Tuirini lei a chim a, Darlak khaw bula Teirei lui lei dawh mak chu May 28, 2020 khan a chim bawk.

Lei chim ṭhenkhat hi chu an dawhlai mek a nih avangin thil thleng palh a ni thei a, vanduai vanga thleng pawh a awm thei ang. Lei ṭhenkhat chim chhan erawh hi chu dan bawhchhiaa lirthei rit phurh chin aia tam phurin an zawh luih vangte niin a lang a, a zialo hle a ni.

Politics zawnga lei chim kalpui duhtu tan chuan aupui tur a tam hle a, tun hman deuh pawh khan MLA ṭhenkhat chuan sorkar demna remchangah hmangin lei chim hi an lo aupui chiam tawh a ni.

Mizorama lei chim chhan hi ngun taka ngaihtuah tlan a ṭha a, vawi khat mai ni loin a thleng nawn ngun ta malh malh hle a, lei pawimawh deuha a vengtu tur dah te, lei hman mekte a rinawm leh rinawm loh endik te, dan bawhchhia hremna na zawk pekte thlengin a ṭul thei a, en liam mai loh a hun tawh a ni.