Thlir rawn hlawh tur LMC

Lunglei Municipal Council (LMC) inthlanna chu tluang taka neih zawh a ni ta a, Zoram People's Movement (ZPM) chuan ward awm zawng zawng ward 11-ah hnehna changin sorkarna an siam thei ta a ni.

Mizoramah khaw­pui pahnihin municipal body a nei dawn ta a, Aizawl Municipal Corporation (AMC) a pian hnuah LMC a piang leh ta. LMC kaihhruaitu tur inthlanna neih zawh tak kha ram pumin a ngaihven a, Lunglei enkawltu tur thlanna a nih vang piah lamah kumin kum tawpah state assembly inthlanpui a awm dawn vang pawh a ni thei ang a, ngaihven a hlawh hle a ni.

Mizorama thil thleng ngai zen zen lo thlengin inthlana seat awm zawng zawng party pakhatin an la fai vek a, a party lam an lawm viau rualin mipuiin an thlir rawn dawntih an inhriat na ṭha hle ang. An hnathawh dan emaw, an thawh loh dan thlengin chik taka endik an ni dawn a; a thlang tlingtu mipuite pawh an thlan tlinte lakah hian an thikthu a chhe ngei ang.

Mizoram sor­kar lamin LMC enkawlna tura sum awm ang angte a nihna tur angin a hun takah pe chhuak se, LMC enkawltu lamin an intiam angin sorkar ṭha siam ngei tum se, Lunglei khawpuiin a hlawkna tel ngei rawh se.