SASCI hi loan kan pûk a ni

Sorkar thuchhuah tarlan danin sorkar laipui chuan Special Assistance to States for Capital Investment (SASCI) Part-I 2023-24 aṭangin Mizoram tan cheng nuai 20,000 pek belh a nih tur thu leh pek thuai a nih tur thu Union Finance Secretary chuan a sawi.

Sorkar laipuiin state sorkar-te tan pung nei lo loan a siam a, chu chu SASCI kan tih hi a ni a, kum 50 chhunga rulh zawh tur (50 year interest free loan) a ni. Mizoram sorkar chuan he loan hi ṭhahnem tham tak a la tawh a, tunah pawh cheng nuai 20,000 kan pûk belh leh dawn niin a lang.

Sorkar laipui lamin SASCI kalpui dan turah hian ruahmanna fel tak a nei a, tawngpawng pawisa puk ni loin a hmanna tur, a ṭangkai dan tur leh a sum thawh chhuah theih dan tur (economic justification) lamte duan vek privatisation leh dis-investment atana hman pawh ṭha an ti.

Mizoramin SASCI aṭanga sum ṭhahnem tak kan dawng hi a lawmawm a, pawisa pûk Mizo mipuite budget aṭanga rulh leh tur a nih avangin a hmanna erawh fimkhur a ngai. Inthlan a hnaih tawh avangin SASCI sum hi campaign-na remchangah kan nawr liam mai ang tih a hlauhawm a; Mizo mipui tana kan sum pûk hi ṭangkai tak leh sum thawk chhuak lêt thei zawnga hman ni se, chu chu Mizoram hmangaihtu tan chuan tihmakmawh a ni ang.