UCC leh Mizoram

India rama Uniform Civil Code (UCC) kalpui tumna awm mêk duh loin Chief Minister chuan Law Commission of India hnenah lehkha a thawn a; Mizoram Kohhran Hruaitute Committee (MKHC) leh Mizoram Presbyterian Kohhran pawhin UCC an duh loh thu hi an thawn ve bawk.

UCC hi kalpui a nih chuan hnam tenau zawk leh sakhaw tlem zawkte tana harsatna lian tak thlentir theitu a ni dawn a, Mizote tán thil hlauhawm tak a ni thei ang. Tuna an duan danah hi chuan sakhaw hrang hrang intluktlanna lam hawi aiin sakhaw lian zawkte tih dan anga ṭi ve tura mi tlem zawkte hrût rual tumna a ang ber.

Mizoram Legislative Assembly chuan UCC an duh loh thu hi resolution siamin an puang tawh a, he dan hlauhawm tak hi hman a nih chuan kan hnam tan thil hlauhawm tak a ni thei dawn tih an hria.

Hetihlai hian Citizenship Ammendment Bill buaipui lai khan sorkar laipui lamin thiam takin hmarchhak huam loin an rawn her rem a, a bill-a ṭhat lohna la ngai reng si kha min huam loh avang ringawtin kan lo pawm hial tawh kha a ni a, UCC chungchangah hian dinna nghet tak neih a ṭha hle ang.