Sorkar sum pûk

Mizoram sorkar chuan Open Market Borrowing (OMB) hmangin loan cheng vbc. 80 a pûk leh dâwn a, sorkar kum kal mek 2023-24 chhungin ṭum thum a pûkna tur a ni.

Mizoram sorkar hian sum a pûk ṭhin a, heng sum pûkte hi sorkarin a mamawh vanga pûk a ni a, pûk lo thei lo dinhmunah kan ding tihna pawh a ni ang. Sum pûk hi a pawnga taka pûk fo tur a ni hran lo a, chutihlaiin kan sum pûk hmanna lam hi kan chhût ngun erawh a ṭul hle a ni.

Mizoram sorkar hian sum a pûk nasat em em lai hian tunlai hian SEDP hi a sem chhuak ve reng thung a, a pawisa pûk a hmanna lam hi an uluk hle a ngai a ni. Sum neih loh vanga kan pûk mêk lai leh hun rei tak chhung sorkar hnathawk hlawh pawh a huna an pek theih loh laia pawisa sem a la kalpui reng mai hi a inhmeh lo hle a ni.

Mizoram sorkar tan pawisa lakluhna a awm loh chuan sum pûk mai loh chu tih theih a awm lo a, sum pûktu lamin a sem reng mai erawh thil inhmeh lo tak a ni.