Khawtlang kawng siam

Hualngohmun khawtlang chu an khaw chhunga Aizawl-Lunglei World Bank Road kawng chhe lutuk thawm ṭhain July 29, 2023 khian an hnatlang dawn a, hnatlan ní hian chawhma dar 10 aṭanga tlai dar 4 inkarah kawngpui an khâr dawn. Sorkar/PWD hmalakna a ṭhat tâwk ngai loh avangin siam ni ṭhin mah se rei a daih ngai lo tih an sawi.

Mizoramah hian kawngpui ṭha kan neih loh avangin hun rei tak kan buai tawh a, hmun tam taka kawngpui ṭha kan neih hnuah pawh a ṭha lo laiah chuan mipui pawh kan thikthu a chhe chho zel. Mipui hian kawngpui siamna tura sum dah kan hre tawh a, an siam dan leh an hmanraw hman kan hmuhin kan lung a awi lo ṭhin niin a lang.

Kan ramah hian khawtlangin kawngpui an siam thawm kan hre zauh zauh tawh a, tun hnaia Hualngohmun khawtlangin an siam ṭhat tum hi kawngpui lûn leh pawimawh tak a ni. He kawngpui sirah hian building sawi hlawh tak a awm a, he building hian vantlang kawngpui a nék lo a nih pawhin sawi hlawh tak tura a din ve reng avang hian mipui chu an lung a awi kim lo deuh a nih hmel a; kawngpui chhia nen inzawmna a nei lo a nih pawhin sawi zawm rem tura a awm avang hian a building neitute tan pawh a vanduaithlak hle a ni.

Engpawhnise, kawngpui pawimawh tak mai, Aizawl khawpui dái maia siam ṭhat hleihtheih loha a awm hi a zia lo hle mai a, sorkar pawhin ṭan la zual se, khawtlangin an siam a nih pawhin ṭha takin siam thei se a lawmawm ngawt ang.