Sorkar sum enkawl

Health & Family Welfare department chuan kum 2019-2023 chhungin supplier leh contractor bill cheng vbc. 11.84 an bá. Directorate of Hospital & Medical Education-in kum 2019-2023 chhunga supplier bill an bat tlingkhawm chu cheng nuai 80.51 a ni a, Directorate of Health Services bat tlingkhawm chu cheng nuai 94.34 a ni. Zoram Medical College-in cheng vbc. 1.10 an ba mek bawk.

Mizoram sorkar hian sum leh paiah harsatna a tawk tih chu kan hre ngei a, department pakhata heti zat an bá hi chu a mak zozai hle ni. Sorkar hian tih fuh tawk loh leh teh fuh thiam loh a nei tih chu a chiang reng a, nimahsela hetiang em em hi chu thil mak tak a ni.

He sorkar hi mipui sum enkawltu leh hmangtu a ni a, a enkawl sum hi a hman thiam loh chuan sorkar awm leh turte tan phurrit a hnutchhiah thei. Tuna kan sorkar kal dan leh a sum enkawl dan thlir hi chuan kum 2023 inthlanah hian tu pawh tling se, leiba enkawl hna an thawk dawn a ni ber ang.

Hetihlai hian sorkar hnuaia department ṭhenkhat tan sum hman tur a awm ve reng tho a, leiba an neih zat pawh a inthlau hlawm hle. Sorkar sum enkawl hi thil harsa tak a ni ang tih a chiang a, sum neih loh avangin a harsa zual tih pawh a rin theih a, tuna kan ram sum enkawl dan hi chu lungawi a harsa hle a ni.