ROTEKAWLA SUM TUAK

Kawmchar lam tukverh biang vuanin Rotekawla chu a inngaih­tuah vang vang a. Pu Ramthanga’n, “Ka lawipui ki lehlam bung hi Aizawl i kaih thlen phawt chuan cheng s^ngthum ka pe ang che,” a tih ri chu a bengah a ri nawn tlut tlut a. Cheng s^ngthum chu tlem lo tak a ni. A vawksa azawnga chh<t pawhin vawksa Kg 10 lai a lei theih a. A zu ang zawnga chh<t phei chuan... Rotekawla tan chuan chil tiput satliah lova tifar tluk tluk tham a ni tlat. 

Zan thla eng riai ruai hnuaiah chuan Pu Ramthanga in chu a pan chhar chhar a. In chhunga a va luh chuan Pu Ramthanga chuan vawkchaw so ri burh burh bulah ai^wt a lo tah mek a. Rotekawla a hmuh chuan aw han thian khurh a. A ai^wt tah lai tah zawm pah chuan, “Kibuli chu i kai peih dawn ta em?” a lo ti bung vut a. Rotekawla chuan a chhang mai lo. Tualbung vaihlo tui a ah chu a han phawrh a, meilingah muangchangin a han nawr kai te te a, “A kawlh lo maw?” a han ti a. Pu Ramthanga chuan, “Kawlh tawh lo,” a ti mai a. An ngawi leh vang vang a.

Pu Ramthanga chuan, “Thakthing vengah, Pu Hrangliana kawtah i va thlung ang. Tu pawh zawt la a in chu an hrilh thei vek ang che; khawlaia uicho pawhin an hria ang. I hlawh tur pawh a lo pe ang che; s^ngthum ka tih kha,” a ti leh nghut a. An ngawi leh vang vang a. Zanah chuan Rotekawla chuan mut hmunah a han ngaihtuah ṭhin a, ni khat thilthua cheng s^ngthum han hlawh lawih mai chu ṭha dawn hian a hre khawp a. A hahthlak tur lam reng reng a ngaihtuah tawh lo va. A muhil tur han maimitchhing te chuan a mitthla-ah pawisa hlir a hmu a, a muhil hleithei lo.

A tuk zingah chuan leilung lan hma-in Rotekawla leh Pu Ramthanga chu lawipui thlungin an buai hle tawh a. Rotekawla chuan a rawksai te tak t> chungah chuan ^wtin vawkt> a phur a, a kut lehlamin meichher a keng a, lehlamin lawipui hrui a vuan a, a tum ram lam pan tur chuan lawipui chu a han pawt her a; mi zawng zawng la mut reh vek lai chuan Aizawl lam pan chuan an chhuak ta a.

Sialsuk leh Aizawl inkar hi ke ngata kal chuan patling chak pangngai tan ni khat ban tawk vela ngaih a ni a. A chhuak hma bawk a, lawipui a kal ṭhat duh phawt chuan tlai dar thum velah Aizawl chu luh hman a inbeisei a. A tukah chuan pawisa ak ṭe ṭaw chungin Sialkhawpui chu a han lawi lut leh ang a, lal ang chuan lut hauh lo mah se la, hmuhsitawm lutuk chuan a lut bik hauh lo ang le!

A lawipui kaih manah s^ngthum a han hlawh phawt ang a, a vawkte phurh chu a lo berah cheng sangnga chuan hralh thei ngei turah a inngai a. A haw huna a nu lo thinur tur te chu a ngaihtuah buai vak duh lo. A nu chuan a hahpui ve em em a, a ṭhang thei chuang si lo va. Hah thlawnna mai niin a hria a. A han ngaihtuah chian phei chuan a nu chu a hahdam ta hle dawn hian a hria a, a tana thil ṭha tak ti-ah a inngai ta deuh reuh a, vawkte hralh ru turah pawh a inngai tawh meuh lo.

Chutiang vela vawkte leh lawipui ringawt a rilrua a awm lai chuan leilung a lo lang uau uau tawh a, a lawipui kaih a kal duh bawk a, Hmuifang tlang lawn liamin, Lallianvunga hmun an thleng deuh der tawh a. Chuta ṭang chuan hla taka Aizawl khawpui lo lang pe ut chu a han thlir a, Aizawl a thlen huna a pawisa hmuh tur chuan a rilru a kap a, a helhhawlh nasa lutuk chu a lungphu a rang a, a han chawl leh rih a.

Sateek daia chaw a fak lai te chuan Rotekawla suangtuahna khawvel chu thil hlimawm lam hlir hian a khat a. A rilru chuan, “Tu tu nge zu ka khilai ang? Roṭhuama khan a khuai hual lakna-ah mi hruai duh lo vei a, a hre ve khawp ang le! Zarbela lah, ka buh hralh ruk ka nu a lo hrilh khanglang a, keima thar vek tho a nia, duh leh ka bar anga, duh leh ka hralh anga, ani lo sawi tur a awm lo. Mi rawn tlawn leh hawrh hawrh anga, a hawi kawkva ve khawp ang,” a ti a, ani leh ni lo angin a han nui deuh sak a.

Chutih lai chuan a bula a lawipui thlun chuan a chaw ei lai chu a rawn hnim thut mai a, a phu nasa lutuk chuan a vawkte ^wt chu a tlawh lum a. Thlang lam kham awih vak lovah chuan a ng>k thla rawng rawng mai a. Rotekawla chuan a chaw fak lai leh lawipui pawh chu a ngaihtuah hman tawh lo, chak fahranin vawkte lum chu a um thla a, a zu man ṭep tih chuan a hmanhmawh lutukin hrui duk a pal a, chiang fahran hian a tlu a, vawkte hnungah chuan a lum thla ve ta a. A inman ding mai thei tawh si lo, a chang leh vawkte chu a han lum pel thla ṭhin. Vawkte ṭe ri nen, Rotekawla au ri nen, an thawm chauh lo hre tan chuan ramhuai inbihruksiak thawm emaw tih mai te pawh awl tak tur a ni.

A tawp a tawpah chuan Rotekawla chu aidu hungah a inman tang thei hr^m a, a vawkte pawh chu a chhak deuh hnahthial buk karah chuan hruiin a lo bat tang a. Harsa takin vawkte ^wt nen khamah chuan a vak chho va, a thaw huam huam mai a. Kawngpui a han chhuah chuan a chau lutuk chu mut hnawk mai hi a duh a. Mahse, han mu ngawt chi aw zawng a ni lo. An lum buai vel lai chuan a lawipui chu a lo tal chhuak daih chu niin. Rotekawla chu mangang zet hian a han hawi kual a, an lo kalna lam kawng kawia lawipui kal liam tur mawng bial mup chu a va hmu hman hram a. A vawkte pawm lai chu a theh thla tawp a, chak fahranin lawipui kal liamna lamah chuan a tlan let ve nghal a. Vanneihthlak takin kawi hnihna-ah chuan a va man leh hr^m a. A mangang hman ngei mai.

Chutianga an han buai deuh laih bak chu harsatna dang em em nei lovin an kal zel a. Tlai dar 3:30 velah chuan Kulikawn an lut phei ve ta ruau ruau mai a; Rotekawla chu a thaw huai huai a. A pawisa ngah hun hnai tawh tak chu ngaihtuahin, miin a lawipui kaih an lo en duh em em mai pawh chu a ngaihsak lo va. Kibuli lah chu mihring tam leh motor tam tak hmu ṭhang lo a nih avangin a boruak tawn thar chuan a tiph^wkl>k hle tih a hriat a, a ph$t dut dut a, a ke a per leh ut ut ṭhin a. A vawkte phurh lah chu a hma zawnga ngawi vei ran si kha, khawpui boruak han tem chu a ph<r ve nge ni, a chiauhiar ta riau leh nghal a.

Kulikawn kawngpui lun lai an lut phei ṭan a, Kibuli chu kaih a sak sawt ta riau mai a. Motor tlan velin an rawn sut thawi deuh thuak thuak chang te chuan a phu zuk a, a tal leh phut phut ṭhin a. A hmel leh hawiher han en pawhin a awm a nuam lovin a thawm hriatte chuan a tithlabar viau mai tih hai rual a ni lo. A kaitupa chuan a kaihna hrui chu nghet takin a vuan a, tumruh hmel takin hma lam a panpui ngauh ngauh zel a. City bus stand bul an thlen chuan sikul naupang ṭhahnem tham tak leh mi dang eng emaw zat hi bus ch^ngin an lo ding ṭhup mai a, tlangval zakzum lo ve tak Rotekawla meuh pawhin chulai han pal tlang chu a ch^k bik lo ngang mai a, helna tur eih a awm bawk si lo.

A insehruh a, zak awm lo takin lawipui chu a kai phei zel a. Mi tamna zawn tak maiah chuan Kibuli chu a hawi vual vual a, a ding ta to mai a. Rotekawla chuan pawh kal ngial a han tum a, lungpui kaih tum ang hlauh hian a nghet mup mai si. A hnung lamah a phei a, a mawngah chuan a han nam ṭang ṭang a, Kibuli chu kal tum awm angin a la lang chuang lo. Chutah, a ding kak ṭuih ṭuih a, a mei a k^n a, Rotekawla chu a mangang takzet ta. City bus ch^nga lo ding ṭhupte chu an lo nui ṭhe ṭhaw hlawm a ni tih a hre reng a, mahse, an lam chu a hawi ngam eih tawh lo.

Rotekawla mangang thlantui a bawl ṭuam ṭuam tawh lai chuan lawipui mawng chu a rawn kau phuau phuau a, han hupsak ngawt chi a ni si lo, mangang zet hian a lo thlir a, a lo chhuak tur lah chu a t> chhe lo tih a hriat reng mai si. Tlanchhiatsan daih mai a ch^kawm a, mahse, a tlanchhiatsan vaih chuan a pawisa hlawh tur a ch^n vek bakah, Pu Ramthanga thinur hmaisen a tawng dawn tih a hre ve ran mai bawk si. Tihngaihna dang awm hek lo, beidawng taka kawng dawm chungin lawipui mawng aṭanga thil lo chhuak tur chu a lo thlir ngawih ngawih ringawt a.

Chutah a lo chhuak ta le! Rotekawla beisei aia lian fe mai a ni lehnghal a. Kawngpui fai ṭha laiah chuan chhung rual chaw bel tia zet tur hi a inhung ta hn<r mai a. A khu vung vung a, lawipui lah chuan a mei a vai ang turh turh a. Rotekawla chu mangang takin a hawi kual a, an piah deuh dawr kawta lehkhakhawng bawm ruak let reng chu hmanhmawh takin a va la a, City bus park-na tura lawipui ek tharlam tak in park hn<r mai chu ruh tumin a han kun a, a hnunga a vawkte phurh chu a tukkhum lamah a lo liam thla a, kawngpuiah chuan a tla thla dawp mai a. A hmaa an lo lum dun chiam tawhna lamah khan a ^wt kha a lo chhe ve deuh a ni ch>k ang chu, chutia a tla thla mangang han tal velah chuan a lo put chhuak zawk a. Lawipui ek ruh tuma buai mek chuan a lawipui ek pawh ngaihsak hman lo chuan a vawkte chhuak chu a han zuan nghal pawp mai a, a la man ṭhelh zui leh nghal a!

Kawngkam lehlam panin vawkte chu ngek ruai ruai chungin a tlan phei a, Rotekawla chuan chak fahranin a um phei ve nghal bawk a. Kawng sira motor lo ding hnuaiah chuan vawkte chu a tlan lut a, a bul vel dawr aṭang te chuan an thawm hriain mi an lo chhuak sup sup a, han puih tum awm hmel erawh tu mah an awm lo va, puih han beisei chi pawh a ni lo.

Motor hnuai aṭanga a lo tlan chhuah beiseiin a bih kual zak zak a, a lo chhuak ṭha duh si lo. Motor bula tiang lo awm remchang chu a chhar a, a han hawlh rawk rawk a, chutah le, rin loh lamah chuan chak deuh mai hian a lo dawk chhuak leh zawk a, rang zetin a’n dive phei ve nghal zawk a, mahse, a mana man hman chi rual a ni lo. Dawr leh dawr inkar chep lamah chuan a tlan liam a, um zui a tum lai tak chuan kawngpui lama mi ṭhenkhat au tuar tuar chu a hria a, a va hawi phei nak chuan a lawipui kaih chu a lo vir vut vut a, a hawina lama mite chu an lo tlanchhia a, a ṭhenin tiang nen an lo dang a, an ri teng tung mai.

Hmanhmawh takin lawipui awmna lamah chuan a tlan phei nghal a, a thleng phei ṭep tih chuan City bus a lo tlan a, lawipui chuan a hlau nasa ta mai a. Mei tikawh vu chung leh dak uau chungin Mission Veng lam kawngpuiah chuan a tlan ding chho ta luah luah mai a. Vawkte nge ka um ang lawipui tiin rei lo t> chu a han inngaihtuah zawk a, lawipui um chu tihmakmawh ni zawkin a hria a. Hmanhmawh takin a um chho ta a. Mipui chuan manganpui tak, nuihza bawk si hian an thlir liam hlawm a. 

Pu Ramthanga tapchhaka ṭhu bu l^k l^k chungin Rotekawla chuan, “Ka piana hnu lamah khatiang em ema zah leh hah kha ka la nei ngai lo. I lawipui ek chhuah hun dik loh vang leh a ektum len lutuk vang a ni. Ka vawkte a bo phah bawk. Cheng zahnih tal mi belh loh chuan ka lungawi dawn lo,” a ti bai bai a. Pu Ramthanga chuan nui tut tut chunga Rotekawla en pahin, “Ni ang hmiang, i vawkte bo chu cheng zahnih chuan ka ral ve mawlh ang che,” a ti a. A nui kuk kuk a.