I HUMHALH ANG U

“Leilung leh a chhunga thil awm zawng zawng hi Lalpa ta a ni a, khawvel leh a chhunga chengte nen hian,” tih Sam 24:1-ah kan hmu. Ram leilung, thing leh mau, lui leh a chhunga awmte ven him hi Pathian Thu aṭanga bul nghet tak nei, mihring zahawmna nena inrem leh Kristiante mawhphurhna a ni. Kristian thlir dan aṭang chuan, thilsiamte enkawl hi thil pawimawh leh ṭha satliah mai ni lovin, engkim Siamtu, kan Pathianin tih tur min pek kan hlenna leh, amah kan chawimawina pawimawh tak a ni. Kristianten khawvel hmun hma kan ven him hian, mihring chaknaa he leilung hi chhandam tum kan ni lo va; Pathian thilsiamte chungah ‘rinawm taka enkawltu’ nihna kan lantir zawk a ni.