MIT IT ZAWNG

“Ka mit hmuhah vawi khat mah hetiang thil hi ti leh tawh ngai suh ang che. I ti leh a nih ngat chuan inngaihdamna a awm tawh lovang a, Pulit hnenah ka report nghal ang che,” tih ṭawngkam chang khel khawl han hriat chu thil nuam tak a ni lo tih chu sawi ngai lovin a chiang nghal reng mai. A sawitu pa leh a sawina nu dinhmun chu chhim leh hmar ang vela inhlat hi a ni a. An bula lo ding ve nih ringawt pawh ṭim uai uaina tham a ni ringawt. Lo inrawlh ve na chi lah va ni suh, ngawi renga anmahni lam thlir si lova an thu leh hla lo ngaihthlak chu, mi â nileng lo tan chuan kan tih theih awm chhun a ni mai a. Mihring hian mit it zawng apiang hlah lova dam chhung hun hman kan tum ṭhin avang hian kan khawvel a buai zo ta ṭhin a ni tih chu, chu lai hmuna thil thleng mek chuan a va ti chiang teh lul em!