Khawlaiah hian awm reng thei zawk ila..?

A khuhhawnna: "Khawlai" han tih maite hi mi ṭhenkhat chuan nun suakb^k bul ṭanna leh khawlohna thuam sina kan veivahna hmun ni-ah riak an chan nghal maithei e. A a dik lah a dik na laileng r>ng bawk a. V^k d>n d>n maiho nun aṭang ngawta khawvel hi thlir a awl ve viau lai te, zanv^k nun aṭanga khawlai han tehchhuah mai kan chin viau lai te hian nih danphung danglam ve daih hi khawlai hian a nei ve tho a ni a.

Khawlai hi a mak ngawt nia. Mihring hian hmakhawsang aṭangin khaw hmun tur thlirin kil tin kil tang kan dap a, tui ṭha hmun leh in hmun rem tur te; boruak thiang leh hmun him te kan zawng a, kan zuan bawk a. Kan ngaihtuah tel si lohvin thil pakhat a lo thleng a, chu chu thlanmual a ni. Thlanmual >m ni lo pawh ni se, inphumna hmun tur zawng kan dap leh tho tho a ngai fo. Chumi tih loha ngaihtuahnaa tel ve lem lo, khua kan din rual ruala lo piang chawpchilh ve tho ta ṭhina chu khawlai hi a ni.

Eng hnam pawh hian khawlai tel lovin tual kan leng thei lo va, kan nun hi khawlai nen a inzawm thuk ruih a, khawlai aṭangin hnam kalsiam a piang a, riahna'n >m chuan hmun tlawm ber nia kan hriat - khawlai aṭang hian mihring nun khaichhuahna eng 'rau thawk na zet emawte hi a thawk ve tho a - tlukchhiatna 'rau-te pawh. He khawlai aṭang hian ram hi a lo indin a, ke kan chhep chhuak a, khawlai nun ropui leh pui lo hi hnam nihphung tehna sang ber zinga mi a ni ve thei hial zawk ang em?

Keini naupangchhe ngaihdanah kha chuan kan zan pawnto-na leh kan sikul bang intawllenna hmun ber, U Ṭhuama-te kawtzawl tluka khawlai nuam leh khawvel thlakhlelhawm kha a awm lo. Chutah chuan tui dawhna hmunte kha a awm a, tui haw laia kan inkhel khu luih luihte kha tute'n emaw min han um leh deuh khut khut ṭhin a. Pa Ṭhuamluaia tractor han ding ruau maite kha 'khaw tipuitu' ang thialah kan ngai a. Feh haw leh sakawr rawn inzui dam dam te, ui nu hur inchuh insual khu leh rum rum ṭhin te kha "khawlai" vet vet deuh mai, a tluka damlai pialral han tem tur dang awm chuang lo ni khan kan hria a. Kha kan khawlai hriatthiam ve
aṭang ngei khan alawm, he leilungah hian kan lo chawrchhuah ve a, he khawvel ram zauah-te pawh hian kan lo vah darh ve tak sung sung ni!

Kan dinna khawlai aṭang khan khawvel hi mawl takin kan teh ve a. Kan tehna mawlmang hle mah se, kan khawlai kha intihsiakna khawvela kan ṭobul a ni ve miau a, tuma'n an khawvel hmasaa khawlai kha an sit thei lo ang bawkin, khawlai tluka mihring khalh chhuak nasa-tu hi sawi tur an ngah lo maithei.

Mihringte chantual zau ber mai, khawlaiah hian thawnthu ngaihnawm leh ngaihawm ber ber te; ngeiawm leh nguai nghulhna tham te kha chanin, sawichhuahin a lo awm tawh a. Chan leh sawichhuah mek a la ni zel a, kan hringnun hmunpui ber pawh a ni zel ang. Mihringin a neih a chenna hmun leh inphochhuahna hmunpui chu khawlai hi a ni miau a, chapona thawm thangva-te hi khawlaiah a ri fawn vel a. Kan nihna leh theihna kan lantirna hmun a nih miau avangin he khawlai hian mihring hi ze mak danglam tak tak a chhuahtir a, hnam tin khawlai nun hi an chanchin sawichhawn zelna'na kan hman rim ber pawl pawh a nih chiah r>ng hi a!

Hmelṭha leh hmelchhia an insulpelna hmun; nui ri leh ṭap ri a inchh^wnna hmun; hausa leh rethei te'na an tangka an chhek rikna hmun; thuhriltu leh suamhmang te paw'na chetl^kna'na kan rinrawl; sumdawng leh naupang te paw'na intihsiakna hmunpui bera kan neih; mi tinina kan mihrinna kan chen d^kna hmun kha khawlai hi a nih miau avangin a ṭhenin inthupna'n kan hmang a, a ṭhenin inpenparhna'n. Mihringte khawvel lai tak chu khawlai hi a ni ta ber mai ang em aw?

A thlakhlelhawmin, nunah hian hmun a luah thuk bawk a ni ang, damlo khumbette ṭhatchhuah mek dan kan sawi paw'n, "Khawlaiah pawh a tei chhuak ve leh thei tawh e," kan ti fo.

Hmeichhiain a pian leh hmel phochhuahna'n a rawn hmang a, a rawn inthup chhuak tel bawk a! Hausa-in a sum leh lirthei theuleu kualna'n a rawn hmang a, mi tuallim lo berte zinga chhiar tel fo tlak - thuziakmi paw'n a chhungril a rawn auchhuahpui a, a rawn leihbuakna hmun chu khawlai bawk a ni!

Hnam tin nunah hian tualz^l nun uluk tura infuihna leh inzilhna hi thu ri ngun ber pawl a nih ka ring a. Rui chunga khawlai nun rawn hmangtu chu ngaihsan kan inzirtir mawh khawp a. Khawlaiah kan eiruk thute hi puanzar a ni ang tih kan hlau vek a, kan khumlaizawl nun leh thlarau nun thleng hian khawlaiah tute'n emaw banga ziah tluka chiangin an phochhuak ang tih kan hlau
ṭhup ang a. Kan retheihzia leh kan nikhualohzia te, kan tlawzia leh hurherhzia te 'tlang rel' a ni ang tih hlau reng rengin khawlai hi kan fimkhurpui ve-in, kan ṭih deuh roh bawk a. Fakna ri erawh chuan kan hming hi khawlaiah tlangaupui se, kan sum ngahziate hi tual vaivutah inziak kulh kulh se kan ti deuh fur ang chu!

Inthup ngai mihringte'na inpuanchhuahna'na kan hman - he khawlai hi mihring chhungril leh hmelhmang tehna'n a dawr^wm ve leh thung hlauh lawi si-a hi chu a engemawti kawng hawizawng tak chuan a pamhmai chatuan dawn ta thung a nih hi. Khawlaia mi hlim thei ang ber ziazanga kan nuih thler duai duai lai a, inchhungkhura suamhmangte lal ang hrima kan han khawsa ta tlat maite hi zia lo piah lamah a rapthlak ru tlat a. Khawlaia miṭha leh sawisel bo anga kan lan hnu lawka chhungte laka mi kheuhbeuh leh kherkhiap kan han ni zui leh maite hi pawikhawihna tenawm zet ni-te hian ka hria a. Khawlaia mi phungthlu ber ber anga kan lan hmelmawi hnua mahni in kawngkaa kan pen luh ruala lawmna r>ng r>ng nei ve ngai lo ang hrima kan han t^l zui ṭhinte hi a Hremhmun rim roh ngawt nia!

Kei leh mi ṭhenkhat hi chu khawlaia beram, inchhunga keit> kan ni leh ṭhin! Engatinge, min hmangaihtute (chu mai a ni lo, keini paw'na mi hriata "khawvela ka hmangaihte" ti hiala kan chhal sak sak ngam) si-te lakah hian hmangaihna lawmman aiah thinurna berhbu hi leih buak kan chak zek zek reng ni le? Khawlaia "Ka lawm e" tia nui seih ṭhinte hian tawp hleithei lo ang hiala inchhungkhura kan rawng min bawlsaktute lakah hian lawm hmel put hi kan harsat viau chu le? Kan hmelhriat ngai loh leh an piang ve a ni tih pawh kan hriat ngai hlek lohte laka ṭhatchhuah a, ngaihdam dil maite pawh kan hreh loh hle lai hian eng aiah nge kan khawvel bul inṭanna hmun, kan chhungkuaah hian ṭhatna leh ngaihdamna te hi kan leklam theih leh mang tlat loh roh si chu le?

Khawlaia Kristian ṭha tak nia langte hi kan chenpuite chuan "thar lo hle" angin min hmu letling ve fo a. Khawlaia mi tlawmngai leh taima ber anga langte hi kan chenpuite chuan
ṭhahnemngaihna reng reng nei lo angin min kawl hah ru ve ṭ<n bawk a. Khawlaia kan nui ri leh ṭawngkam duhawm taktakte hi kan chenpuite chuan inchhungah an hre ve ngai lo fo zuk ni a!

Mihring hian khawlaia a mawina hi inchhungah a vulpui thei ngei ang. Kan ṭhatna hi inchhungah ni angin >ng hmasa se, chu chuan khawlaia 'keimahni' chu >n chhuahtir ta zawk se, he leilung luahza-ho nun hi a mawi duhawm ser sawr dawn mang e!

Mi duhawm ber anga inlan ṭhinte hi kan chhungril a no em lawi si avangin hmangaih berte ti-na ngun bertu kan ni awm asin.

Kei leh ka ṭhiante ve >m hi zawng, kheh leh kheuh ngamawm loh khawpa mi pawnlang kan lo nih hi! Khawlaiahte hian awm reng thei zawk i la, kan chhungte paw'n mi kawl nuam tak tur angte paw'n min hmuh phah theih vei hial zawk ang a!

Naktukah eng'e lo thleng dawn kan hre lo. Lan dan leh nun hi chu a in-ang thei lo. Mi hmuha kan lan dan, kan nihna leh kan hna ang chi-te hi chu vawiina mi pawh naktukah a inthlak danglam leh vek thei. Mahse chhungkaw nun erawh chu chuti ang a ni ve si lo. Khawvela hna ṭha leh ropui ber zinga mi chu kan chenpui chhungte laka kan thiltih hi a ni dawn lo'm ni?