Kan chantawk hi kan phU lo!

A khuhhawnna: Vawi khat n^ reng reng chu mi nung damte zingah hian thih duh zawkna eng 'rau emaw hi a thawk vek tawh hian ka ring. A chang chuan nun hi kan ning a, nun hi anchhia mai ni ang hrima ngaih chang ni i nei ve ṭhin em? Engkim hi duhthusam loh thil vek; ninawm leh khamawm hluah hluah leh lei anchhedawng entirna ni maiin i inhre ve ṭhin em? Nundan leh nihdan dang zawk i lungkham ve fo em?

Mahni phur hi mi dang phur ai chuan rit zawk veka hriat a awl awm mang e. Chuti ang karah chuan kan tana
ṭha zawk tur anga lang thil hi a vang vel vek ni hian a hriat a. Kan chantawk ni anga langte leh kan kova l<mte, kan sualchhuah leh kan tuh rah ni awm takte hi pawm chunga hnawl a awl duh phian mai.

Mit ṭha lo hian mi tibuai ve fo ni hian ka hria a. Ṭul lovah ngaihtuahna awmze nei lo leh hah thlawnna mai mai turte hi ka han pu ve ren rawn ṭhin a. Mahni boruakah kan tal hah ṭun laia engkhawkhaa min ngaihsak lem lotu han tawn fuh chang ni phei chuan thin a ur letling roh a. Mahni chan hi hmuh fuh a awl fuat fuat viau nia!

Kan dinhmun leh kan chanpual nia kan hriat hi vanduaina leh vanneihna tehfunga hmangin kan teh ch^wk ni-te hian ka hria a. Kan chan loh lam, kan suangtuahnaa a ṭha lam nia kan hriat kan chan loh hian vanduai-ah kan indah a, kan vanneihna lam erawh chu kan chhut duh zen zen lo ni awm hian a lang.

Kan u pakhatin, "Ka lehkha zir laia engineer nih tum em em kha ka ni a, lo ni ta ila chuan ka in in-in hlum daih tawh ang," a tih kha a dikna chen a awm ang. Mi ṭhenkhat hi chuan suangtuahna ṭha tak takte dinin, chumi chu um eltiang mah ila, kan suangtuahna a taka kan chanpui loh hi kan vanneihna a ni mai awm mang e. Keia mit ṭha lo (han ti ve teh sek ila) hian harsatna karah lawmna ka chhar ve fo mai. Mit ṭhat loh azarah nun hlutna ka hmuhthiam phah ve fo a, mi dang nuna harsatna awmte chu hriatthiampui ve deuh lek lekte hian ka inhriat phah a. Mitdel chunga kawng kama an han zai ngatte phei hi chu, an tan lawmna chhar tur hi khawvelah a tam ber hial zawk ang em aw, te ka tih phah fo mai.

Khaw hmu lo chunga mi, hlim taka a zai theih chuan kei, a khaw hmu zawka hi zuang tur ka ni!

Heti ang thu ka ngaih-tuah mek lai hian hmana Singapore lam mi, Wendy Tan tawnhriat kha ka hre-chhuak leh ṭhin. Ani paw'n thawkkhat lai khan khawvel hi a hlim thim lamzawngin a thlir ve ṭhin a. Mahse a ṭhianpa nena an titidunna aṭangin a khawvel thlirdan leh nun duhdan a lo danglam ta a. Chuta ṭang chuan alawm, heti hian a tih tak ni:

"Ka ṭhianpa chuan hmun hnihah hna a hmuh thu min hrilh a: a thawk kawp nghe nghe a. Mahse chuti chung chuan thla khata a hlawh chu a beitham hle a, han khawsak ngaihna awmin ka hre lo a ni. Ka ṭhianpa erawh chu a hlim em em tho va, hlawh tlemt> nen pawha a hlim em em reng thei mai chu mak ka ti takzet a.

A chhan chu a nu leh pa, 'tar' kan tih tawh ang chi a ch^wm a ngai a, a nupui leh fanute pahnih chu a kuta innghat an nih bakah, in luah man a pek a la ngai vei bawk nen, chhungkaw han chawmna tham a hlawh lovin ka hria a ni.

Ani erawh chuan ngaihdan dang daih a nei a, hlawh beithamt> hlawh chung pawha a lungawi em em chhan chu India ram a tlawh aṭanga a chhar a nih thu a sawi.

Kum hnih khat kal ta mai khan India ramah ka
ṭhianpa chu a zin a. Chutah chuan Indian nu pakhatin a fapa ban a tan luihsak ch^wt ch^wt lai a hmu mauh mai pek a nih chu!

Naupang kum li mi lek chu na tuarin a ṭ> tuarh tuarh a, a nu hmelah khawngaihna a lang lo.

Chu a thil hmuh chuan ka ṭhianpa chu tun thleng hian a la tiṭim uaih uaih thei nia!

Chutianga Indian nu-in a fapa ban a tan chhan chu eng dang vang a ni law, a fapa kutbul chuan kawtthlerah kut a dawh theih dawn vang a ni!

Chumi ṭum chuan ka ṭhianpa chuan a chhang ei lai, a ei zawh lek lek tawh chu khawlaiah chuan a'n thlauh lui a, chu veleh, naupang panga paruk vel hian a chhang chu an rawn bawr nghal huk a, an inchuhna lamah eitlak lohvin tual vaivutah an tal ngap zo ta vek a. Mahse chung naupangte chuan ṭam luatah pawisak an nei lo: ka ṭhianpa chhang pakhat la ken lai chu an chuhpui ta zel mai a ni!

Amah hruaitu (guide) chu chhang zawrhna dawr pan thuai turin ka ṭhianpa chuan a han ti a. Chhang dawr pahnih aṭangin chhang chu a lei ta ngheng mai a. A zuartute lah, inhralh loh hlau an lo ni bawk nen, ka ṭhianpa'n chhang a leinaah chuan ṭhahnem an lo ngaihpui ngang mai a!

Chhang chu 400 vel lai a lei a, dollar 100 d^wn a seng a ni. Ni tin mamawh dang lei nan dollar 100 vel a hmang tel bawk a. Chhang tam tham zet mai chu kawtthlerah chuan a sem ta a. Naupang te, piangsualte tan an ni tin mamawh dang a sem nghal zel bawk a, puitling ṭhenkhatin an lo dawng ve bawk a.

Chutia ka ṭhianpa'n chhang leh thil dang a'n sem hnu chuan, mirethei, eitur nei lova rilṭam em em maite chuan anmahni eitur petu, ka ṭhianpa chu khawvela pa ropui ber ang hrimin, lawmin an au dur dur mai a, a hmaah chuan kunin chibai an buk a; chutih laia ka
ṭhianpa rilru-a lian tlat erawh chu - chhang pakhat, dollar 1 pawh tling lo duha eng vanga mahni zahawmna pawh hum zo lo nge an nih chu le, tih a ni.

Amah leh amah a inzawt a, amah v>kina a chhanna a ngaihtuahchhuaha chu - 'Ka va vannei em!' tih hi a ni.

Fuke kim a nei a, mi vannei a ni. Hna a nei a, mi vannei a ni. Chhungte a la nei a, mi vannei a ni. Chaw tui loh thu sawi theiin a la awm a, mi vannei a ni. Thawmhnaw hak tur a nei a, mi vannei a ni... A bulhnaia mirethei, engmah nei lote chu a han en ṭhin a, ani chuan engkim a nei niin a inhria a, a va vannei chungchuang bik tak em!

Mahse chu’ng miretheite chan^i chu tute nge chhuhsak ṭhin ang le?

Ka ṭhianpa'n a thil tawn a'n sawi aṭang chuan kei pawh, ka thlirna a dang ta daih mai... Tuna ka dinhmunte hi ka ngaihtuah a, dinhmun ṭha takah ka lo ding reng alawm mawle!

Kutbul chunga kutdawhte dinhmun tur chu han ngaihtuah ve mah teh, tuna i dinhmun kha a awhawm viau mai lo'ng maw?"

Kan chantawk hi kan hai fo a, chutih mek laiin kan phu lo fo zawk a nih hi maw le!