Nangmah vang vek!

A khuhhawnna : "Hey, 'Hmeichhia t> t>' min ti elo! 'Hmeichhia' i tih, he ka chhungrilah hian eng'e awm i hria em? Thinlung ruak leh thlan ruak bak engmah hmuh tur i nei chai lo vang! Thinlung ruak maw... ni e, thinlung ruak! Mahse he thinlung ruak hi a ruah nasat >m avangin a chak a, he engmah lovin a hnawh khah thinlung hi eng luan luhna'n mah ka phal lo - zu chauh lo chu!"

An zu inna hmun chu a thim ruih a. Chung lam aṭangin >ng fiah lo riai ruai hian in chhunga awmte chu a chhun paw phual a, hlam bial vela mite bak chu inhmuh chian hleihtheih pawh a ni lo. Chu >ng paw ruih hnuaiah chuan eng rawng mah hi a langsar lo - sual rawng mai lo chu!

Nula chuan a piaha tlangval ding chu meng sal^ deuh t<n hian a melh khai mai a. Tlangval chu dawhkan bawhin a bu deuh nghat nghat reng a, a piaha nula chu it melh paw'n a melh tawh lo. A tirah kha chuan zan khat thilthua han riahbuk thingnawifawm theih mai turah riak a ngai deuh a. Thawm a rik tak deuh luih luih hnuah nula chu melh 'tawk^' mai duhtawk lovin, pawn thim lama han pawh chhuah mai hi a'n tum kha a ni a. Mahse chu nu chu hmeichhia a nih avang ngawta han tawngp^wng n>k ngawt chi a ni hlek lo: inphalrai ahnekin, chu nula chuan a lo liak pherh ta erh zawk mai a ni.

Hrawkb^wka chin chung lam hmangaihna changchawia zan khat n^ reng reng chu han t^l hiarpui vel a tum laiin, chu nula nen chuan an inlim ta z>k a. Tlangvalin tlawm a tum lo va, nula lahin ngawih chuh duh bik hek suh, kutzungchal sai ngat ngata ink^wk tawn chungin an inbauhdun chiam a, zu in ve dangte boruak pawh an tikh^wb^w zo ta a ni.

Chu nula chu thla tir aṭang khan he zu hmunah hian a kal ṭhangte chuan a neitu hmel tluk zetin an chian tawh a, a mikhual lo.

Uluk takin han inchei se la, khawlaiah tuemaw mit lak ngei tumin han inpenparh vel n^ se'ng zawng, he khawvel ram zauah hian hmeichhe chhe lo zingah pawh a tel phak ve hial mahna le. Hnung lam aṭanga a sambu han hmuh ringawt paw'n ngaihven chakawm hi a ni a. Pian nalh tia sawi tur ni lo mah se, nula duhawm tak zawng a ni. Nikum leh a kum hmasa maite kha chuan a kawng kal paw'n thlir zui a hlawh ṭhin. Tunah pawh hian an la thlir zui fo a, an thlir zui fo dan erawh a dang ta.

Tunhma zawng kha chuan nula thawm zawi tak mai; ṭawng tam lo, mi'n an fiam pawha nui sen sen chauh ṭhin kha a ni a. Duhawm famkimin he leilungah hian tlai ni a l>ng ṭhin a. Ama'rawhchu ke van vawr suau khawpin hmangaihna pialtl>p-ah a tawlhthlu ve a, a thlakhlelh hmangaihna chu a kumkhaw nun tichhetu a lo ni ta a; mite'na an hlimpui ṭhin hmangaihna chu, ani chuan a
ṭahpui thung a. Mihringah hian inhnangf^kna tur nei ta lova a inhriat hnuin zu hmunah a inhnangf^k ta ṭhin a nih hi.

A tan chuan dam reina hi hahthlawnna mai a ni. Ral riai riai a, thlanmuala hahdam taka mut hlan a nghakhlel ber a, mahni han intihhlum ngawt chu ni theiin a hre si lo. Mahse a thih theih dan tur a nih phawt chuan, a engti zawng pawha nun ve tawh loh hi a duh bera chu a ni mai a, thih theihna dan zawng zawng chu zawm kim a duh a ni mai!

Chu nula tan chuan nimin kha bumtu a ni a, vawiin pawh hi hrehawmna nikhua; naktuk pawh beidawnna khua tisei thlawn mai mai tur!

A in luah t> fel ren rawnah chuan a leng thlawt tawh lo. A thil hmuh apiang mai chuan a thaw a tipik a, a tlangval nena an lo t^ldun hrep tawhna, a in chu tunhma zawng kha chuan vanram tlafual ang maia a ngaih ṭhin kha a ni a. Tunah chuan leilawt ang hlauh ni tawh maiin a hria a. Riahna'n leh chaw ei-na'n bak a hmang tawh lo va, nuamsingkhaw an lo hman ṭhinna in chu veng thlaf>ma hotel tlabal mek ang lek chauh a ni ta.

A harhfim chang chuan a mitthlaah tlangval pakhat a lo lang ṭhin. Chu tlangval a lo hmangaih chu khawvela a inchhirna tawp hleithei lo siamsaktu a ni. Tlangval ṭhatna leh duhawmna zawng zawng chu nula tan chuan bumna thang a ni a, a tlangval intiamkamna zozaite chu... chu hmeichhe tan chuan Setana thlemna ai pawha rapthlak vek a ni.

Nova hunlai angin tuil>t pawh lo thleng leh se, damkhaw-chhuahpui atana a duh ber, a tlangval chu tunah chuan a thih chhan tur dik tak a lo ni ta zawk a. Mite'na an tleipui ṭhin hmangaihna chu, a tan chuan a nun phur tirittu mai a ni.

A nih duh loh ṭha ṭha chu a nihpui tawh a, a chunga thleng ve ngai lo tura a ngaih thilte chu a thleng ta fo a. Nula nunnem
ṭhin chuan nu rapthlak nih a zak lo va; suangtuahnaah pawha mi chan chhe ber anga mihring hi a inngaih tawh chinah chuan tumah hi inzilh fin theih a ni tawh lo. Beiseina zawng zawng a thamral hnuah chuan, mihring nun hi a thar hlaka din thar leh a nih ngawt loh chuan tleuh fai theih a ni tawh ngai lo.

Kan nula-i pawh chuan a thlawn liau liau a, man lova hlimna a lo dawn tawh ṭhinte chu a beisei thar leh ngam tawh lo va, hlimna chu neih let leh tumin a sum neih ang ang a ch>n a, man lova a neih ṭhin hlimna themn>m tal pawh a lei zo tawh si lo.

A chhia a ṭha pawh thlu lovin, hmingchhiat leh mualpho pawh a d^wn thei tawh lo. A nun chhungril tuih^l chuan tui hna thar a mamawh a. A tuihna, kangchat ve ngai lo tura a lo ngaih ṭhin chuan tunah hian a nunah
ṭhal khawkheng rapthlak ber mai chu a thlentir a, thlaler vaivut ang maiin a khawro ta tlawk tlawk mai a nih hi.

Ṭhian hnena a chhungril bun ruah mai a duhtawk thei lo va, a nun leh thlarau zawng zawngina a tawrhna chu in-uak thawla dam leh thei mai a ni tawh lo. A rilru, a suangtuahna leh a mihring mihrinna zawng zawng chu tihchhiatsak a nih tawh miau avangin a taksa paw'n chu natna tawp thei lo chu tuar ve law law se; a tlin loh chinah a taksa chu vaivutah, a thlarau chu boruakah thamral tawh mai se, tiin a ngaihtuah a. Chu a ngaihtuahna chu amah rau rau-ah a ngaihtuah chhuah ṭhat ber ni hialte'n a inhria zuk nia!

Tlai tin zu a in a, a kham thei lo. Zu chu tui a ti a ni hran lo va, zu dawra kal reng chu nuam pawh a ti hek lo. Mahse a phurrit chh^wkna'n zu a mamawh a, zu hmun a pan a ṭul a, a chahthlak lai chu a nun a nawm ve lai ber niin a hria.

Zu hmun aṭanga phurh haw ngai khawpin, a chang phei chuan ding hleithei lovin a rui (sual) lui fo a, a pum chhunga zu a luh tam poh leh, a chan a ṭha ni maiah a ngai a. Tunah chuan nula fai ser ṭhin kha nula tenawm takah a chang zo tawh a - a pawisa chuang lo. Mihring a nih leh, ran a nih lam pawh a ngaihtuah chang tawh lo va, a ruihna tur a nih phawt chuan a taksa pawh a hralh mai ang! Mahse tumah hi hmangaih leh a duh tawh lo va, tuma hmangaih nih pawh a duh chuang hek lo.

Zu dawra a tluksawp nuaih ṭum paw'n a tih dan pangngaiin in lama a in tur a lei haw ziah tho a. Chuti anga a tih loh chuan a zan ṭhangharhin rilru fim a pu ang a, thil awmdan dik tak hriatchhuah lehna chuan a thinlung chu hling chhun ang maia n^-in a chhun leh ngawr ngawr ang a, a rilru chu a nat ngaiin a na leh ṭhin dawn tih a inhre reng.

A haw leh haw loh pawh hre lova a khuma a lo mut leh ngawt ṭhin ch^ng a tam ber a. A tih fuh loh ch^ng chuan zanah a han ṭhangharh leh hlawl mai ṭhin a, chuti ang hunah chuan a ni, a thinlunga ser chu hlim lan a nih leh ṭhin ni!

Nun hlui ram a fang hman ziah ṭhin a, a mitthlaa mi pakhat lo lang leh teivet ṭhina chu a hua a, a mitthla nuai reh turin zu chu a han tlak nghal pawp zel a! A ngaihtuahnaa a luh fuh ṭum erawh chuan zu hnathawh meuh paw'n a thinlung chu a luan hneh lo ṭhin a, mittui tlak zan a tam ṭhin mang e!

Ni e, kum nga chuang hlimna aiin zan khat lungngaih a rei zawk a, hlimpui tur kan chhekkhawl tam poha kan inhriat leh ṭahpui tur a tam ting a ni mai si!

Chu nula chuan a thinlunga thi hlen tura a duh chu a thi thei lo va, nunna thar a rawn nei leh ṭhin a. Thinlung hliam chu eng damdawi mahin a thawi dam zo lo va, pawn lam lang thei leh kawchhung lam fel lo anga enkawl theih lah a ni chai si lo! Chuti ang phurrit karah chuan a thlarau a ngaihtuah chuang lo va, a taksa phei chu hnawmhn> ang lekah a ngai zo ta si...

A duhthusam ber pawh a taksa, thi thei taksa ngei mai chu a lain^-te'n thlan kotlangah 'Amen' thum hnan dap tawh mai se, tih hi a ni. A duh angin a thi thei mai bawk si lo!

Hlimna a lo tawn ve tawhte chuan thahrui ahnekin, a hrehawmna an belhchhah nasa ting mai a. Hmeichhe zu ngawlvei han nih meuh chu thil nuamhnai a ni hlek lo. Mahse a nun chu ṭhawngaleivir ang maiin a inlumlet but but a, zahthlak leh pawmtlak loh nun tam tak a insiamchawp chu hrehawm tiru veng veng ṭhin mah se, chu lo chu kawng dang zawh tur a hre chuang si lo.

A tlangvalin a kalsan ni aṭang khan a khawvel zawng zawng a hloh fai nghal vek a, a chhia leh ṭha hriatna te nen lama rukbosak a ni tawh a. Atthlak takin, rapthlak takin a nun leh hun hman chu a duh tawh mai a, 'Nula zu ngawlvei ka nih hi' han tih chher chherte chu zahthlakah pawh a ngai duh tawh lo - chu a nihna chu mite'n hre vel vek mahse pawi a ti hek lo.

Mahse... a dinhmun siamtu dik tak chu tu dang ni lovin 'amah' chu a ni tih erawh a inhrechhuak zo si lo! Chu lam a ngaihtuah pha lo. Nun dan bawlhhlawha khawsak duhna hial petu, a tlangval chu mitthi kawtchhuah lo thlen khalh a, mitthi khuaah pawh lo thah nawn leh sak a duh a, amah taka erawh chu a inmanchhuak thei chuang reng reng si lo.

Dema kawh rawn luih luih tur zawng a ni lul bik lo ve. A uai-na hrui chat mek chu ani'n a suih zawm theih tawh si loh chuan, engah nge suih zawmsak tuma mi dang an ch>t hlek loh chu le?