'Lawmthu' ka duh lo!

A khuhhawnna : A mak teh ṭhin e. Vanah pawh, lei-ah pawh, a nachang hriate k^ aṭangin lawmthu sawina a ri chuah chuah a; he ṭawngkam - 'Ka lawm e' tih mait> hi an dawn loh avangin mi ṭhenkhat chuan vui hmui an put phah thei hial nia! Chutih lai kar a, "Lawmthu ka duh lo..." han tih teh daih chu(h)! Intihtheihthlak lamah emaw, mi hawihhawmte hnarna ṭawngkam angah te emaw a puhthluk theih daih mahna? Chutih rualin, inkungkaihna ṭhat vang emaw pawh a ni thei. He 'lawmthu' hi khel chiam theih thumal a lo nih hi maw!

Driver leh driver

Jonnie Barnett chu kum 30 vel liam ta khan Maryville, Tennessee-a club pakhatah a hrawk ch^wm nana a zai lauh lauh hnuin, a haw lam chuan kawnglakah laklawh lutuk tak maiin chhiat a tawk hlauh mai a. A car ke a th>p a, zan khaw thim hnuaiah a ngaihna hre lovin a hawihai a ni. Chu zan chuan mal-in a kalsan ta ni maite hian a han hre chawpchilh nghal a. Ṭanpuitu hmel a hmu hlauh a nih chuan.... chu hmel tluka ṭha chu a awm mawlh lo vang!

Mite chuan hawihhawm loh vang pawh ni lovin, hlauhthawn an neih vangin an tlan pel fur fur zawk pawh a ni maithei e; a chhana chu eng pawh ni se, he zan kher kher hi chuan Mizo tlawmngaihna-te pawh a hrechhuak rum rumin a rinawm hial!

A Jaguar car ṭawng-
ṭawl tawh lamin 'ke chhe' lam a'n nei ve leh kher pek a! Puitu hmel hmuh mial beiseina thla kh^wngin kawng sirah a ding ran a. A motor ke chhia chu mahni chauha han siam mai chi a nih loh avangin motor dang lo tlante chu lo phar din a han tum sateh
ṭhin a; mahse ṭanpui mi-ah an ngai hlawm lo nge ni, a phar din-a te pawh chuan Jeriko kawnga puithiamte ang mai khan an liamsan leh zel mai si a. Barnett chu a beidawng takzet tawh a ni.

Mahse nun hi a la tawp loh a, hun hi sana b^nin 'chek...chek...' a la tihpui chhung chuan beiseina meisi la ṭek ve chhek chhekt> chauh mai tawh pawh hi meipuiah a la chang thei fo a nih hi! Ni e, Barnett-a tan chu zan khaw thimah chuan beiseina k^wl a lo >ng a, beiseina pawh a neih ngam meuh tawh loh hnuah rawlthar kum 19 mi hian pick up truck a rawn khalh lir phei bap bap mai a. Barnett-a zawn a rawn thlen chuan a ding a - "Buaina i tawk deuh em ni, ka pu?"

Chu rawlthar chu Sil-char tlangdunga driver la nih ve ngei tuma buhfai phur truck handyman hnate pawh lo trained hrep tawh ang mai hian, Barnett-a motor hnuaiah te chuan zei angreng f> hian a inrawlh lut a... a ti nek nek a, a siam ṭha chu a ni ta der mai a. A siam zo an han kal tur chu, Barnett-a chuan lawmthu sawi nan dollar 20 pek hi a han tum rawk a, chu rawlthar driver chuan a lo la duh îkh^w lo mai! La duh lo satliah mai pawh a ni lo, “Ka pu, a ngai reng reng lo. Ka lakah hian engmah bat i nei lo,” te chu a la ti ta deuh deuh!

Mahse Barnett chuan a lawm em avangin pek a han tum nawn leh a, a ṭawngkam thiam theihtawpin lawmthu a hrilh pah mawlh mawlh bawk a. Sum mamawh ti-na ve awm tak, chu rawlthar driver chuan dollar 20 leh a pek tumtu pa hmel pawh chu a melh duh chhin eih lo. Sum leh lawmthu a dawng duh lo ringawt pawh chu 'a puitlinthlak' tawh viau nen, chu rawlthar chuan vantirhkoh ṭawngkam niawm tak hi a la hmang zui ta dah a! Chu ṭawngkam duhawm leh mawi tlukpui chu he khawvelah hian a tam lo asin - “Ka pu, lawm avanga lawmman min pe duh tak tak a nih chuan, nakinah mi dang ṭanpui ngai i hmuh hunah lo ṭanpui ve la, chutih hunah chuan min rawn hrechhuak ṭhin dawn ania...”

Chhei khaw raw... he nau ṭawngkam hi pulpit tlang pawh chang pha ve lo, kum 30 chhung bak he khawvela l>ntir an phal ve t^k loh, Kalvari tlanga a hnuk an chhahsak t^ka thuchah nente pawh khan a va inhmu rem ngai tak em!

Driver kaltlang hla

Jonnie Barnett chuan chu rawlthar driver ṭawngkam chu engtik lai mahin a theihnghilh leh tawh ngai lo. Theihnghilh ahnekin, 'a tak ram' thawnthu tawi a ziah phah a. Chu a thawnthu tawi behchhan v>k chuan a ṭhianpa Rory Lee nen he country hla duhawm zet mai - “The Chain of Love” hi an phuahduh ta a ni.

Tu khaw-kha hriat zui loh driver vanga hla lo piang ta hi a naran lo va, a satliah mai mai lo va, he leia kan dam chhunga zawm ngei chi thawnthu ropui a ni. A mamawhin kan mamawh zawk ni hialte-a ka'n hriat chu! Khai mah aw...

"Tlai khat chu mi pakhat hi a in lam panin a Pontiac car nen a inhawl haw a. A tlan par par lai chuan kawng sirah hian nu tar lam tawh pakhat hian a lo phar ding a, chu nu Mercedes car chu a chhia a ni. Chu khaw kar kawng reh ruih maiah chuan manganna piahah, hlauhna nen chu nu tar tawh lam chuan ṭanpuitu a mamawh ngawih ngawih tih a hriat reng a. Vur sur sung sung hnuaiah chuan a ding khur bauh bauh a. Chu nu pui tur chuan a motor aṭang chuan a zuang thla thuai a- “Ka pi, thlaphang reng reng suh. Hei, nangmah ṭanpuitu tur che ka awm reng alawm," tih pahin, "Ka hming chu 'Joe' ania,” a han tih zawm zat a.

Chu nu chu a lawm hlum lo chauh! Ph<r zet mai hian, “St. Louis lam mi ka ni a. Ka zin kual vel mai mai a ni. I hmaah khan car za chuangin min lo tlansan tawh asin. I lakah hian ka lawm tak meuh a ni," a ti a, lawmthu a hrilh ch<l a.

Joe-a chuan chu pitar car ke chhia chu a han thlaksak zung zung a, tlan leh theia an han peih fel hnu chuan, pitar chuan, “I lakah hian bat ka va ngah tehlul em!" tih pahin lawmthu sawina 'phek' a han phawrh a. Mahse Joe erawh chuan a tangka lam azawngin nun hi a lo thlir ve hauh lo. Heti hian a chhang a -

“Ka lakah hian engmah i ba lo ve. Nangmah ang bawk hian ṭanpui ngaiin ka lo awm ve tawh a, mi fel tak pakhatin ṭum khat chu min lo ṭanpui ve tawh asin. A mi puih dan angin kei paw'n ka pui ve che a ni mai a, lawmthu sawi nana pawisa min pe duh tak tak a nih ngai chuan, hetiang hian mite lo ṭanpui ve zel la, he ‘chhungril nun khaidiat’ hi nangmahah tawptir mai suh ang che."

Lawm tak chungin chu pitar chu a inkhalh chhuak leh ta. M>l khat emaw vel a tlan hnuah kawng sira eng ilo lamna (cafe) tereuht>-ah hian a lut a. Chu hotel-a an khualchhawntu hmeichhe pakhat chuan nui s^ng chung hian eitur a lo chhawpsak a. Thil a ei mawlh mawlh lai chuan a ei tur rawn chhawpsaktu-nu chu a han en chiang a, raipuar ṭeuh tawh leh a nau hrin hun a hlat tawh loh avanga taksa chakvak tawh lo tak a ni tih a hrethiam nghal mai a. (Chuti chunga la inhlawh zui ta cheu chu, a nau neih tur senso tuak a nih a ringthiam nghal a ni maithei, chu pitar chuan)

Pitar chuan khualchhawntu-nu chanchin chu a kip a kawiin a hre vek lo. A hre zui ngai reng reng tawh dawn lo pawh a ni thei e. Mahse, ṭanpui ve theih dan neiin a inhre ta tlat a. Chutichuan, a ei man atan dollar 100 a pe a, khualchhawntu-nu'n a kir a rawn pek leh hun pawh a nghak ta lo. Chu pitar chuan a ṭhutnaah chuan hmuihmai hrukna (napkin) ah khualchhawntu-nu chhiar turin, Joe-a'n a hnena a sawi kha a ziak a -

“Ka lakah hian engmah i ba lo ve. Nangmah ang bawk hian ṭanpui ngaiin ka lo awm ve tawh a, mi fel tak pakhatin ṭum khat chu min lo ṭanpui ve tawh asin. A mi puih dan angin kei paw'n ka pui ve che a ni mai a, lawmthu sawi nana pawisa min pe duh tak tak a nih ngai chuan, hetiang hian mite lo ṭanpui ve zel la, he ‘chhungril nun khaidiat’ hi nangmahah tawptir mai suh ang che."

Chumi zana hotel aṭanga raipuar khualchhawntu-nu haw chu thinlunga nui ver ver chungin a pasal, khuma lo muhil tawh bulah chuan a'n inthawlh ve a. A dollar 100 neih dan leh napkin-a thu inziakte chu a ngaihtuah let neuh neuh a. A pasal muhil tawh beng bulah chuan zawit> hian, “Engmah lungngaihna tur a awm tawh lo, engkim a fel vek tawh e. Ka hmangaih che asin, Joe…” a ti sap a, thinthi diaiin a muhil ve ta s>k s>k a...

Rawngbawl tura chhandam

He hla hi engtik emaw chu la ngaithla ve-in, ngunthluk zetin la chîk ve ngei teh ang che. Hlim taka i nuih b^wk b^wk lai khan tu emaw chu khawi lai hmun kilkhawrah emaw lungngaiin a indawm kun reng a; tu emaw chuan nangmah aṭanga hmangaihna, ngilneihna, duhawmna leh i mihring ze ropui kha a lo nghak reng maithei asin... Mi dangte ṭanpui tur hian t> lua leh lian lua kan awm si lo va.

He hla thiltithei, thiltithei lehzual tura mihringte min kotu - ‘The chain of love’ hi a satu, Clay Walker paw'n a man fuh ve khawp mai a. He hla a hriat hmasak ber
ṭum chuan thil mak danglam takin a ṭh^m er er reng mai ni hian a inhria a, thil beithamt> ti ve lek chauh emaw nia kan lo inhriat ṭhin lai hian thil ropui ber ber kan lo ti reng thei tih a manchhuak ve chiang hle.

Ṭum khat pawh, "Thlawhtheihna-in Denver kan thlawk lut a. Bus-a kan chuan hnu-in restaurant-ah kan chawl a. Pa pakhat, fit 6 chuanga s^ng hian kan dawhkan lam chu a rawn pan a, 'I hla anga min v>ltu hla dang hi ka la ngaithla ngai lo,' a rawn ti tawl mai a. 'Ka rilru hi mi dang bulah pawh ka sawi ngai lo,' a ti leh a, a inher a, a kal ta daih a. Thu dang engmah a sawi lo - autograph pawh min dil hek lo," Walker chuan a ti.

Chutiang vel chu a ni, ṭanpuina kutina thuchah thianghlim leh nung a sawi ṭhin dana chu!

Samari miṭha tehkhin thu-ah khan- "Nang pawh chu ang chuan ti ve rawh" tihte pawh a awm kha mawle!