Nakinah

A khuhhawnna: Nausen ṭap thlemna'n 'nakin' hi hmanrua a ni. Puitling nuar thlemna'n 'nakin' hi lungawina a ni. Nakin hi a lo thlen hun tur kan hre lo va, a chang chuan hnaivait>-ah a rawn inchhawp nghal chawt a, kan nghahchhuah rual rualin a ral zui nghal a. A chang chuan hla takah dingin min lo hmuak niin kan hria a, kan um pha thei reng reng lo bawk a! Nakin leh naktuk hian ngawi rengin mihringte hi min bia a, naktukte ngat phei hi chu kan dam chhungin vawitekhatmah kan nghakchhuak zo ngai dawn lo tih inhre chung siin kan nghak ṭhuap a. Mahse khua a lo var rual rualin ni khat dangin a tawlh hla leh zel a, nakin leh naktuk te'na min chhaih kual nasatzia hi sawi f> tham a awm asin.

Hman zan chu khawl­thluakneia ka thil dahṭhatte ka en kual mai mai a. En paha ngaihthlakah CCR (ṭhenkhat chu an lungleng nghal ngawt pek ang!) ka zaitir a. An hla pakhat 'Someday never comes' chu vawi tam ka lo ngaithla ve f> tawh ṭhin. A CCR hrim hrima pawh hi naupang nikhaw hre rual kan nih tirh aṭanga kan ralkhat sap hmelhriat kha an ni ve hrim hrim a. Kan pa-te rualin rakzu, um khat Rs 5 (emawni?) a an la lei ṭhin lai, khawlaia 'tape' khai zai v^w v^w ṭhin lai kha a ni a. An 'Hey tonight' a chhuah tak tak zante phei kha chuan, a hlathu an hriat fuh ve lai tak ngei mai kha... nia, ring f> maiin an han 'Zawna pi tonight' (Gonne be tonight) pui p^wr huam mai a! Sap hla kha ti thei angreng f> chu an ni.
Chutiang hun liam tawh hnu chu ka mitthla a, CCR-te pawh an chetla lai kan hmuh ve theih t^k hnua an hla zinga ka duh t^k riau, 'Someday never comes' chu ka tihtur hre lovin ka'n ngaithla leh ta chu a ni a. Kan U Ngura'n, "CCR ngaithla paha motor ka khalh hi chuan ka tlan chak bik tlat zel," a tih ang deuhin, an 'Someday never comes' ka ngaihthlak hi chuan suangtuahna eng eng emaw hi ka lo din thuai thuai zel a.
He hla phuahtu, an zaipuipu ber, John Fogerty chuan hlathu mawlmang angreng fu; mahse ngaihtuah vang vang a, 'a ni dawn teh tak e!' han tih hluaina tham ni si hi fahrah fuihna'na a hman a lo ni a. Naupang mai a la nih laiin a nu leh pa te an inṭhen a, an chhungkaw keh chhan erawh a la hrethiam pha lo. A pa erawh chuan, "Nakinah i la hrethiam chhawm ve mai ang," tiin a thlah a. Hriatthiam tur chu eng'e a nih a hrethiam pha lo.
Mahse, amah Fogerty pawh chuan a pa hniak bawk a zui ve leh a. A nupui nena fapa an neih hnu-in, kum 1966 khan an inṭhen ve leh a, chutih lai chuan an fapa chu kum 5 mi chauh a la ni. A pa ang bawkin Fogerty chuan a fapa hnenah chuan, "Nakinah i la hrethiam chhawm ve mai ang," tih baka thlah ngaihna r>ng a hre bik lo.
Hm^na dinhmunin a dinpuina ṭhin tualch^r lei khawro-ah bawk khan a fapa chu a nghat ve leh a ni!
A pa'n 'nakin' a tiam a, ani paw'n a fapa hnenah 'nakin.'
A pa'n baihvai leh hawihai taka a siam laia a 'nakin' chu a fapa hnenah a hring chhawm ve leh a ni a, nakin chu beiseina beidawntirtu mai mai a ni lo'm ni? Hunah hian 'nakin' a lo herchhuak tak tak ngai lo tih bak Fogerty hian zirchhuah a nei lo va; mahse a zirchhuah ṭhat berah pawh chutiang ni siin, a fapa chu beidawng turin beiseina a siamsak tho lawi si!
Beidawnna ruam aṭangin 'nakin' hian beiseina mei tawi bak min hlan lo ve, tiin a tlangau a. Mahse chumi phenah chuan nakin beiseina hian mihring a siam ve tho tih erawh a hmuhhmaih bik hlek lo vang.
Kan hriatthiam lohte kan hriatthiam theih hun tur chu engtik nge ni ang? Kan duh r>ng vang ni lova kan duh lohzawng a lo thlen chang te, keimahni vang liau liaua engemaw a lo thlen chang te hian, hriatthiam tuma kan beih nasat poh leh, tu emaw mawhpuhna hri a darh chak a ni mai em? Chu chuan min 'muan chuang em? Nge ni a, kan hriatthiam rual rualin hriatthiam lohna chuan min rawn um zui ve nghal ṭhin ni zawk?
Tui fawn ang maiin nun hi a inbuan let ve reng a, a kim lova hria-in he leilung hi kan chhuahsan dawn tih inhre reng chungin a kima hriat kan duh a, kan duhna chuan keimahni chauh ni lovin mi dang pawh a hliam ṭhin a ni lo'm ni?
Mahse chuti chung chuan hrethiam lo chung pawha hrethiam anga awm luih tumna hi kan tisa leh thlarau ngeihzawng tak ni-te hian ka hre ve mai mai ṭhin. Nakin leh naktuk chu lo thleng thei ngai dawn lo mah se, kan nuna an thusawidun ṭhina erawh hi chuan mihringte hi thahrui min pe a, min hnem a, thim chhun tura >ng a awm ang mai hi a ni! Nakin leh naktuk hi lo thleng dawn lo mah se, nakin leh naktuk atan kan inbuatsaih ang a; nakin chuan kan tlu tur hi min kai ding leh ṭhin ang.
Nunhlui chauh neia thlah liam zui thei dinhmunah kan ding miau a. Hun lo thleng tur temlawk thei erawh kan awm miau lo va, chutiang kara nakin beiseina nei lo chuan hun hi a ar-khaw-thim-dai zual a, nun hi a hmang tlachawp zual a, beidawnna nen an inhnimhnai zual bik ni-te hian a lang fo mai ka ti!
Kan thlira kan hmuh si loh hma hun chu kan hmaah a inchhawp ṭheuh a. Nakin beiseina neitu tan chuan khawvel ni hi a >ng a ni! Thimin khawvel a khuh hnu hian khua a lo var leh dawn a, kan rah chin zela hunbi chhiar kan ni miau a, kan hriatthiam theih aiin hriatthiam theih loh thilte a lo thleng tam zawk lo thei lo va, nakin atana inzirchawp zel tura din kan ni miau a, mihring hian 'mihring' ni turin zir tur zawng kan ngah e.
Nakin chu sawtah sawn a ding a, kan rilru puthmang azirin b^wm ruak leh ruak lo min lo pe dawn mai hi a lo ni.