Zirtirtu Zakaia

A khuhhawnna: Amah Zakaia kha Bible-a achangtu zingah pawh pa langsar pawl tak a nih ka'n ring ve ngawt a. Chutichung chuan, keini ang hmuh ve phak chinah chuan a chanchin chu, amah ang mai - a tawi tek tawk hle. Mahse keimah ang bawka a vangz^wnga ṭhanglian Zakaia tawng chin kha s^ng lo mah se, a tawn chin erawh a sang vei vawi hle a. Chanchinṭha rualin a chanchin ṭha pawh kha darh ve zel se ka ti ve mai mai ṭhin.

Rom michakte rorelna hnuaiah khawvel 'map' dang a awm ve lo ang hiala ngaih theih tura 'Kaisar lal lai ni tla z^m vel hnuaia' Kaisara kutke ni pha zinga tel ve ngat kha a ni a, Zakaia kha a lal ve-na mualah chuan a lal a na ve ngiang a ni ang, an nawm an m^ka an rahbeh, an thlîng leh thluak pawh hip zawh vek pawiti lova an awpbeh mipui lakah khan chhiahkhawnho zingah pawh 'hotupa' ni pha kha a ni a. Eiruk leh lal hrawt kawngah chuan zahpah a nei lo hle ni tur a ni.
Mipui laka an bat, 'enkawltu hna' kha an thawk ve ngei a. Mahse mipui an enkawl dan chu ran enkawl ang vel deuh chauh a nih hmel a. Lalna te, thuneihna te, rorelna te kha an ta a ni tih lantirna'n mipui kha an hmang a ni ber awm asin.
Miretheite tana mi huatthlala ber mai Zakaia-te khua, Jeriko kha mi mak danglam, Isua'n a chhun pelh vuai dawn tih thawm kha a thang nasa hle chu a ni phawt ang a, pa nuamsa Zakaia'n lo hmuh ve hrim hrim a duhna chhan leh vang hriat phak a ni ta lo kha a engemawti zawng tak chuan a pamhmai phian mai.
Zakaia ang bawka mi khabe hnuaia beng tun ve hr< hr< ṭhin kha an awm ve nukin ka ring. Mahse Zakaia anga pa hausa, 'hmuhnawm' thlir tura theipui kunga lo rah ve nul nul duh kha an awm ve dawn em ni aw? Vawiinte pawh hian...?
'Misual zawngtu' leh mite'na 'Misual' an tih ngei mai an han inchapchar dan kha chu keini hriat ve phak a ni ta lo va. Mahse kha 'l^ng camp' rei lo ber maiah khan Zakaia kha pianthar danah pawh 'first class' ang chiin a piangthar tlat a, speaker kha Isua a nih vangte pawh ni fahmiang!
Isua khan Zakaia kha a chian hle ang tih a chiang a, mark 100-ah mark 100 a pe a, "Vawiinah he inah hian chhandamna a lo thleng ta..." tih kha mipui hriatah a puang a. Chu thupuan ropui chu Zakaia thupuan z^ra lo irhchhuak a ni! Zakaia intiamna thupuan kha by-heart lo paw'n mi'n an sawi chhuak thei vek ang tih tur ni mah se, he Zakaia, zero aṭanga hero lo ni ta chanchin hi mite paw'n mak ti nawn fo se ka tih avangin ka ziak ta a ni.
"...ka sum zatve pachhiate hnenah ka pe ang a; tin, tu lakah pawh thil eng pawh lo hl>pru ila, a leh lî-in ka rul leh ang."
He thutiam hi Isua hmaa chham ngam ban phar tur ni ta se, patawi Zakaia aia phar s^ng zawk kan awm ang em?
Zakaia nena an inchhar hma leh chhar hnu pawha "Neih inṭawmza dial dial" leh "Neih zawng zawng pachhiate hnena hlan" policy kalpuitu Isua hi sawrkar vawnfung lawk ber vuantu rawn ni ta roh se, phiarru-in kan khengbet nawn awn awn duh mai hian ka va ring em!
Rom vanglaia mipui tana chhiah phur a rihzia leh, Zakaia-te anghovin Kaisara bituk zat bakah hl>p leh hlawkna uma chhiah an lo lak belh ṭhin te, an lo puanhnuai ṭhin te han ngaihtuah hian Zakaia kha, a awm mai mai pawh 'sawipuitu' ni khawpa pa nuamsa zawng a ni khawp ang le. "Intihzahawmna'n" ringawt paw'n mipuiin thlansa ph<lkaia an thawhchhuah sum chhunkhawmna tuizemah a inbual phar phar theiin ania ka rin ni!
Mahse kha 'misual zawngtu' khan miṭhaah a chhuah ta si a, a tangka ip zahve hlawk chu pachhiate tan a'n sihchhuahsak dawn chu a nia leh... miretheite tan chuan chil p<tna tham!
A eiruk sum lah chu a l>t li ngawtin a'n rul tla dawn bawk a! Miretheite tan chuan 'Dawt Bill' rulh leh ai paw'n... khîtah a la ni, khîtah...!
Mahse kei leh ka chhungte hi chuan kan tangka ip thawrawng tak pawh hi mahni tan takngial paw'n kan hmang phal mang lo va; min chuhpuitu leh eipuitu an awm ang tihte mawlh hi kan hlau! Cheng 100 aṭang hian naupang rethei, hnap tawlh pir p>r; kawr ṭet hniang hnuang ha; sikul pawh kai thei lo khawpa chhiatna tinrengin a chhiatkhum tan paw'n cheng 1 thir takngial pawh kan ui
ṭung mai a. Pek ahn>kin, an thatchhiat vang leh suahsual vangah te kan han puh zui ta dah a! An tana khuarel chu phurhlum ṭhak turin kan thlah liam thei zuk nia mawle!
Sum chauh lo pawh, bungrua, bumna, d^wtbur leh dawibur chi hrang hrang hmanga kan lo invuaklen ve-na te reng reng pawh hi, kan pianthar t^k avanga phawrh lan chu sawi loh, mite'n an lo hre thawi feih a nih paw'n 'piangthar dawthei' nih a ngaih a ṭul hun a lo thleng ta ni maiah kan ngai a. Kei leh ka chhungte hi chuan a leh lî-a rulh l>t chu sawi loh, a leh zaa pung turin, 'Isua zara ka ta' tih ziah hnanin ruahmanna kan siam kaw chuk zel mai asin!
A mawihawih leh nawmchenna chi khat anga ng^ia pachhe ve deuh hlekte hnena kan theh chhuah ve-te hi chuan kan neih sum hrik hi a tithak pha eih lo! Pianthar hmaa dik lo taka kan lo 'dinchhuahpui' kha pianthar hnuah chuan 'malsawmtu kan nih theihna hmanrua' angah ngaiin, inthiam lohna chhete eih pawh nei lovin kan h<m ṭ<n mai a, Zakaia-te chu mawl kan tih roh n^k alai a!
"Lo chhuk rawh..." min ti lawm lawmtu hi awm mah se, a z^r dangah kan pakai zung zung mai asin - keini ve chu!
Mahse, Zakaia 'theipui lawn hma' nun kha damchhantlakah kan ngai miau a, hnung lama min kawktute'n chil min chhahkhum hun a la thleng dawn a. Chu mai chu duhtawk lovin, ramsa chalchang ang maiin kut min la lekkhum dawn tih erawh kan hrechhuak thei dawn lo a nih hi!
'Theipui lawn hnu' nun hahdamzia te, duh­awmzia leh inrochun a himzia te han hrechhuak ni ila chuan le, kan neih tawkt>-ah hian hlimna a awm a, chhet> kan neih belh hian a aia tam kan duh belh phah mai mai a, lungngaih hapta kan 'nawn' ngun ting mai ṭhin tih hriatna 'rohlu' te hi kan chang ve tur!