Chibai, Vau thla!

A khuhhawnna: Hlate hi khawvelah a piang zawih zawih reng a, an sa mawlh mawlh a, boruakahte hian a khat mup mup thei tawha m^wi a ni. Mahse hla tlar thum lek, thlîng leh thluak fan nghal raih thei; duhawm leh runthlaka khat; mittui leh lunglenna-in a tuam; khawharna leh inchhir lungchhe ins<t ri nen lama fun tel nghal pakhat; eng hunah pawh phawrh ila, kawchhunga naute khawih che dat dat thei khawpa ze ril nei a awm a. Chu hla chu a thluk tel lo paw’n a mawi nghal vawng vawng a. Beng hriatah ri chhuak lo mah se, thinlungah min chimtir hem hem thei a, a phuahtu hriat phak tawh rual loh hla danglam chu maw...

“Ka nu, lungthlu lova khiangawih chu,
Ṭhalah ṭuahpui leh vau an lo vul Zolentu hnuaiah;
Di kan tawng kan ṭah a ṭul leh ṭhin,”
tih hi a ni!

A tu hraibungdawntuait> emaw tak chuan tirh luih leh nawr luih tawkin, khawvela a ‘dam chhan’ ber mai chu mittui nen a liamsan a ṭul chu a ni phawt mai a! A duhber nena khawvel an lo hnehdun ve tawhna tlang leh mual te chu an nih ang ngait>-in an la inkhawh kham ruak a. Chapchar awllenah, vantlang mitmei ven a ngaih lohna chin ngaw hnuaia an nun leh hun zawng te chu chatuan atana liam hlen vung vung tawh turin a inhlum fel ta chu a ni awm si a...
Nipui a lo thaw a, khiang hnahte an lo chawr no leh hlep hlep a, ngaw hnuaiah hnahthel ro an rap ri riap riap a. Hawina lam apiangah romei a lo z^m paw chiai a, mute thlifim dawng a lo dîr leh cher cher a... Chu’ng zawng aia rilru leh thinlung tithar lehzual tur chuan kham awihṭ>nah, amah C. Ṭhuamluaia ṭawngkam takin ‘mak leh chapo takin’ farṭuah leh vau an lo invul pawlh chuai a. An nun hmanlai chang ta mai mai turte hriatchhuah lehna chuan chemt>-a vih ang maiin a thinlai a khawih na vawng vawng a. Hun liam tawh hnu, duhthusam leh suangtuahna nena hma lam hun an lo thlir ve rauh rauh lai te chu, tihpuitlin ahnekin, duh loh pasal a han neihsan ta a nia leh..!
Hawina lam apiangah farṭuah leh vau an lo vul a, chu’ng khuarel parte’n thu tam an sawi mek lai chuan, fam ta lo chu, a ṭahna tizual ṭhintu, a duhber fo-a nen ngaw hnuaiah an han intawng fuh leh hlauh mai pek a! Chu ram reh ruai mai, thing tin leh par tin lo vul chhing chhengte’n a thinlung mu-hnu an kaihthawhsak pawh tih tawh nak alai a, hmuh fo atana a duh, hmuh fo a ngam si lo nena chutiang boruak zam vel kara han intawn chu le...h! Lungphu a rang mai a ni lo ang: lung hlui a l>ng ang a, lung a chhia ang a, hmeichhe ^wmn>m tana ṭah mai loh chu hmabak dang a awm chuang dawn em ni!?
Nia, chuti ang hun chu a lo thleng a, a lo thleng leh ṭhin a! Zo ngaw dai reih hnuaiah chang lo pawh, he Vau thlaah hian mihring nuna chul da rep tawhte kha an lo parh chhuak thar leh a, he kan Zoram nipui ṭang et awt-ah hian kaihn>m thluka zai kal riai riai hi, thinglunga thianghlimte tan chuan a mawh lul lo ve!
Hna ṭau a'n ṭet zual ang a, indonaa tlawm zawk khua ang maiin khua-te kha a'n reh leh ruai ang a. Tute inchungah emaw laikingin bel a rawh leh mer mer ang a, ni sa vawl vawl hnuaia ar dawkdawl^k leh thingphur keuh ri te pawh a khawharthlak leh zo vek ang. Thingzaina khawl ri mai pawh hi nipui khaw mutchhuak nen chuan a inchawbe ru tlat a, tlai lama naupang tualchai ri nak nakte hi 'mawi' hriatfiahna piah lam a ni tawh ṭhin.
Kha'ng kumthar tual meikhukna vutdukte kha ruahtui hmasa-in a tleuh fai zo tawh a, thlasik khuaa a lai lum luahtu langsar sikri-te pawh maimawmrilin pakilkarah a bawm ṭan a, thawmhnaw lum leh mawza lum te pawh thul mawng lamah an liam thla rawk rawk a, tukkhumvilik leh a thurualpuite pawh hlate khuaah an liam zo ta!
Nia, kan duhtakte vaivuta an kir lehna hmun, he kan Zoramah hian Vau thla a lo herchhuak leh miau a; chapo em em mai leh inthlahrung l>k lovin an lo vul a, lungrualpuiah farṭuah an rawn sawm chhuak ta dah a! A ngaithla thiamte chauhina an hriatthiam theih turin lunglen thupui hlapui an rawn vai a, a ngaihla tawk chauha leilung an rawn chei par hnua mual liam ta duak ang hrima an han reh zui ta vawng vawng mai ṭhin thung hi chu, sawi teh suh: kan thu leh hla te pawh hi an liampui ta duak mai ni-te hian hre ṭhin ia maw le!
Sik leh sa-in min han hr^wm a; a chang chuan awih mut tum ang hrim hian min han ch^wi vel bawk a. Kha'ng fur thlipuite khan a nuai ve-in, thlasik khaw vawtte khan a hr^wm ve nek mai awm si a... Mahse leilung dana an hun ngait>-ah, chatuan par nih tum ang hrimin, piah r^l awih-tlanah te, kham bakbah^iah te, khawi eng ilo-ah te nu fa duat bual hlim ang maia duhawm chîk ch>k mait> khan vau leh farṭuah te an lo vul chhing chheng a, an thurukte chu a ngaithlatu mihring thinlungah puanchhuahin a awm a, b^k chhe l>n tak hian lung a leng vawng vawng a, romei z^m karah suangtuahna-te chu a thamral tak riai riai a...
Thingtlang nula thianghlim, hmangaihna thalfangin a khawh fuh vawi khatna a, a thinlunga hmangaihna nipui lo thaw ṭan mek ang mai hi a ni, he Vau thla pawh hi!
Leilung a insiamrem a, hnah hluite chu hnuai lei-ah an ro riap a. Chung lamah hnah thar dang an lo chawrno ve mek a. Thlifim hlut zualna hun lumah kan her lut a, nipui lo thleng tur chu tlangau ngaihawm - Vau leh Farṭuah te'n an rawn puang a, kan Zoram mual hrang hrang hi an rawn thawi den den a. Chutih kara van sang lama chhum inkhawh kham riakte chu.... Chutiang hunah chuan alawm, kan zaipu-ho Damhauha te, Lalṭanpuia te, Romani te ho khan tlang tluana thang tur hla ruahṭhamloh chu an lo pauchhuahpui ṭhin ni!
He'ng in khir khawng uaihte hian mihring chapo-na mai lo chu auchhuahpui tur an nei tam lo vang. Lirthei tlan zut zutte hian mihring duh^mna mai lo chu puanchhuah tur an nei tam lo vang. Mahse ngawi la, thlir vel la, hawi vel teh: Khuanu'n zan mu lo chhun mu lova a enkawl, khuarelte hian hrilh tur che an nei a ni! Ngawi rengin an chanpual chu an rawn tlingtla a, an chantual leilung hi lemchanna hmun ni lovin luanchhuahna leh lanchhuahna hmunah an rawn chhuah a, nang lah chuan Siamtu kuthnute chu tukhum chhah chhawnsanin, i mihringpui kuthnu chuan i lung a l>n zawk mauh mai si a le!
I tel lovin khuarelte hi an mawi reng a, an aia mawi zawk turin an beisei chauh zawk che a ni!
Siam i nihna anga lungawi mai turte hian vawi eng zat tak ko tawh ang che maw?