Buhfai pek thu

A khuhhawnna: Tute politics khel emaw hi chuan an bialah 'vote' zawnna'n "aikal" tirin buhfai an pe ṭhin! Buhfai petute'na hlawkna an dawn l>t chu eng zah tak ni ang maw? Tute emaw hi chuan a l>t leh tur beiseiin tute emaw an pui a; tute emaw hi chuan 'hna' an hmuh theihna'n eng engemaw s>n hi an pawisa lo. Tute emaw hi chuan 'vaukh^n' chungin sumte hial pawh an pe ṭhin. Mahse thinlunga thianghlimte chuan rul l>t ve thei ngai lo turte hnenah thilpek an hlan ṭhin.... Chuti ang deuh chu Do Thi Dieu Ngoc hian min hrilh thar leh a, ka sawichh^wng lo thei lo.

Pasal ka neih hnua ka nun hrehawm lai ber pawha min hnem ṭhintu thil ka'n hrilh teh ang che u.

Ka nun a beidawn em em lai chuan ka fapa, ka duat-t>-reuha tih loh chuan eng thil mahin min tihlim zo ngai lo. Chutiang nun phurrit hnuaiah chuan nasa takin ka inthunun a, keimah leh keimah ka inchawhphur luih chang a tam mai. Mi dang tana eng thil ṭha emaw tak kan tih hian kan nunah awmzia nasa takin a neih phah tihte pawh ka zirchhuah phah a ni. Ni e, a l>t leh hmu dawn lo tih inhre chung pawha mi dang tana kan tih hian hlimna min pe a, chu hlimna tluka lawmman ropui chu dawn let leh tur ṭha dang a awm lo.

Buddhist chhungkuaa piang leh seilian ka ni a, ka Buddhist ngun mai a ni. Buddha zirtirna anga nun hi ka tum ber a ni a, kan puithiamte bula seilian ngang ka nih avangin, hmeichhe nun danglam tak pawh ka ni reng a. Puithiamte inkulhna Pagoda-ah kum 30 teh meuh hun ka hmang a; mahse chuti chung chuan ka nuna harsatna lo thleng tate chu hneh harsa ka ti fo mai.

Buddhism zirtirnaa harsa ka tih zual em em chu - tawrhna hneh theih dan hi a ni. Engtiang taka nun kawng hi sial tur nge, tihah hian ka buai lek lek fo va, mahni chakna thunun danah hian ka inringhlel fo bawk. Mahse Buddha min duh angin ka nun leh hun ka pe lui zel a, ka bula mite tana mi hnawksak hi chu ka ni ngai lo. Buaina leh harsatna karah pawh mi dang tana ka tih theih ang ang tih ka tum tlat zel a, chu chuan ka thlarau nun pawh a ch^wm let hle.

Kum nga mi vel ka nih laiin putar pakhat, lukhum parh hliap hluap khum a, ipte-pui ak hnuk hnuk ṭhin hi kan inah a lo kal fo va, thirsakawr hi a nei a. Chu pa chuan thla tinin buhfai min rawn dil ṭhin a ni. Ka la hriat reng chu, ka pu khan chu pa chu dam diai hian a lo be ṭhin a, 'Uncle Ba Sieu' tiin a lo ko mai ṭhin a.

Uncle Ba Sieu chu pa cher dawld^ng zet mai; ngilnei leh hawihhawm tak; aw zawi reih mai hi a ni a. Ka hna ka thawh thiam loh avanga beidawng taka ka tlan haw laia kan kawta a lo ding hmelte kha tunah pawh hian chiang takin ka la mitthla thei nia!

Pi leh pute aṭang tawhin, kan ina mi'n kut an rawn dawh reng reng chuan, 'kut ruaka hawtir loh tur' tih hi kan inzirtirna a ni a; buhfai kan pe a nih paw'n, no tl^ng hr<t emaw lek chauha pe lovin, v<m th^ra pe zel turin min zirtir ṭhin. Uncle Ba Sieu pawh chu a lo lan apiangin, buhfai ka lo ṭham ve a nih chuan vum deuh th^rin ka ṭham ṭhin a, chumi bakah chuan tl>m ka pek belh ngei ngei bawk. Chutianga an harsatna phuhruk thei tur awm vela buhfai ka lo ṭhamsak vel lai chuan ka nun a hlim khawp mai ṭhin a, chhungril lamah hian nuam tihnain ka khat veng veng mai ṭhin.

Khatih laia hmeichhe naupang thilphal ve angreng tak kha ka lo ṭhanglian ve ta a. Ka pu chuan a tih dan ngai rengin, khawngaihna leh lainatnaa khat thinlung nei thei turin pathian hnenah a tu leh fate min ṭawngṭaisak reng ṭhin a, mite tina-tu ni lo va, mite damna thlentu ni zawk turin min hrilh chamchi ṭhin a ni.

Tunhnua TV vela r^wng tak taka mite chetna hian ka rilru a ti-na tawp thei lo. Ṭap chunga mi invuiliam lai ka hmuhte hian ka lo ṭap ve ringawt zel a, a changte phei chuan keimah leh keimahte hi ka innuih leh ang lawi a!

Eng pawh ni se..., buhfai ka lei apiang hian kan khaw dai lei (bridge) bula chhungkhaw rethei zualho chu ka lei kep ve nghal ziah ṭhin a, ka hlawh pawh mi dangte’n an hman ve turin ka dah hrang ṭhin. Ngawi rengin chutiang chuan mi dangte ka ṭanpui ve ṭhin a. Thil ṭha ti ka ni em, tih lam erawh ka ngaihtuah teh-chiam hran lo. Ka ngaihtuah fo zawka erawh chu - thil ṭha ti nia ka inhriat hian ka hnena lo let leh tur bei-seia ti ka ni em, tih erawh ka inzawt fo va; thlarau nun lama hlawkna t>l duh vang mai a ni em? A enga pawh chu lo ni se, tute emaw phurrit ka lo chhawk zangkhai a, ka lo ṭanpui ve hian ka tihtur ka ti ve ni maiah ka inngai a, chu'ng mite chu tuihna awm lohna hmuna tuihal dangchara tuikhur nghaktu angah ka chan ṭhin.

Ka sakhaw thil vang leh keima mimal nunina ṭha nia a hriat anga mi dang tana ka inpek viau lai hian, khawvel tisa lungkham lam thil han ngaihtuah hi chuan ka lungngai fo mai. Mi hriat lohva mittui s>n chang pawh hi ka ngah a ni. Ka lakah hian hremna leh malsawmna hi a inthlen pawlh nawk reng a; ka lawmna tawk erawh ka hmu reng tho. Kan university zirlaite leh ka thawhpui te'na ka hna ka thawh ṭhat avangtea lawmthu min hrilhte hian nuam ka ti a, ka nun chawkhlimtu ber erawh chu ka fapa a ni. Ka hnathawk haw hi kawngkaah thlahlel takin min lo hmuak ziah a, chu chuan ka nun hi nasa takin a tihlim a - ka sawi thiam lo.

Mite hian min fak ve luam ṭhin a, mi vannei tak nite hian min hria a. Mahse ka chhungril nun erawh an hre si lo. Mihring dang ang bawka na thei leh hlim thei ve mai chauh ka ni a; kan nui nileng thei lo va, kan ṭap nileng thei hek lo. Amaherawhchu mittui tlak chang leh nuih chang awm tho mah se, ka th^wk tawp thlenga ka duh bera chu - mi dang tana nun hi a ni. Chi ṭha thehtu nih hi ka tum fan reng.

Ka fapa pawh chutiang mi ni tur chuan ka zirtir nasa khawp mai. Pheikhawk nawttu naupang an lo kal changte hian ka fapa chu pawisa ka pe a, chu'ng naupangte chu ka pekchhawntir leh ṭhin. Pian champhaphak lawmna tur nei ve lote hnena buhfai pek nachang hre turin a naupan lai aṭangin ka zirtir ṭhin a, chu chu kei paw'na naupangt> ka nih laia ka lo tih ṭhin dan a nih thu ka hrilh awl lo ṭhin.

Mi dang hlimna tura thil kan pek hian nun kawng dik kan zawh a lo ni.