Tu'nge nia i inhriat?

A khuhhawnna: Min hrilhtu chuan heti hian a ti a: "Mite nihna chu pawh chhuah ang zur zurin i sawi thei nghal maithei. Mahse i chanchin sawi ve dawn ta la, tu'nge nia i inhriat? He leiah hian Pathianin 'engemaw' ni turin a dah che a, he khawvel hian i mawhphurhna leh mihring i nihzia pholang turin a mikhual che a; dawngdaha ṭawihral mai mai turin leilung hian a ko lo che a, i thlen chin apiang i ram a nih zelna turin nunna chuan i hun hman dan a chhiar a ni.

I tlakna leilung chu a rualrem lo a ni thei. I dinhmun i en a, i thiamna leh neih i en a, tlawm ta lua leh t> ta luaah i ngai a ni thei. Hlawhtlinnate hi tute chan tur emaw, tute chanchina chhiar tur emaw tiin, nang chu tlawm taka thlanmuala vui liam turah emaw i indah a ni thei. Mahse ram pangparte hi ngaihtuah la, thlir ṭhin teh. Pucca building chhawng s^nga mi hausa nupuiin tuk tina tui leh leiṭha nena a chawm, rose par sen duk no nghual maite chu ram pangparte hian awtin, an dinhmunah an lungawi loh thu an phunpui ve ngawt lo. An tlakna leilungah hnim dang nen a ruh no no chhuak inelna hrohr^m tak nen an khawsa tlang a. Dimtu leh duattu an nei lo va, ruahtui vantla an ring a, an pian tirh aṭanga an leiṭha hmuh ve chhun chu khawpkham lo eng ang mah se, an tan tlanchhiatna kawng dang reng reng a awm lo. Indip ralna hmunah theihpatawpin
ṭan an khawh a, an nihna tak lanchhuahtir turin par vul a ngai a, chu dinhmun hrehawm tak aṭang chuan ram pangparte hian
ṭanpuitu an ko mai lo - anmahni zungzam ngeiin par an chhuang ṭhin.

Thahrui i nei a, thluak i nei a, suangtuahna leh pen tur ke i nei. Chuti chung chuan hlawhchham saa piangah i inngai tlat dawn a nih chuan, leilung hian hausak a tiam ve thei lo vang che. Vaivut hian i ke hniak chauh a beisei lo va, hniak neitu, nangmah zawk kha khual ṭha ni turin a beisei che a ni.

Nawmsakna khum thlahlel leh tawh chuang lo tura nau piang vannei chu an awm ngei. Naupan lai aṭanga ṭhiante kh<m sa leh dinhmun ṭha luah sa ve hrim hrim chu mihring zingah hian chhiar tur an awm. Mahse khawvela mihring duhawm leh hlawhtling ber berte hi an nuamsa nghal ngawt lo. Tihpalh leh tihfuh thil thua mi hriat hlawh ta chu lo awm mah se, ropui ber ta zawka chu beidawnnain a hneh ve theih loh vanga ropui taka par chhuang ta, khawvel fahrin duhawm berte hi an ni.

Khawvela mihring piang tawh zinga footballer ropui bera an chhal, Pele hi mi beidawng hma chu ni se la, a retheina vanga nunkhawchhuah tum lo mihring chu ni ngai se la, Brazil ramah khuan tukhawkha hriat lohin a tham ral ang. Mahse Brazilian naupang, mawza tumt>l leh grape rah mai mai pawh pet ṭawk ṭawk ṭhin naupang khan profe-ssional footballer a nih lohna chhan tur a hre tlat lo va, a pa ṭhianpa'n a pian champhaphak kum nga-na lawmna'na football a lei chu ama puala a football neih hmasak ber a ni. Chu bulṭanna tl^wmt> hmang chuan khelmualah a inpet hlawhtling a, tunah hian a thih thu hria ni i la, khawvel hi a chiah khat nghal vek ang.

Footballer zinga 'dribbling' thiam bera an sawi ṭhin, Brazilian pa ropui, Garrincha (Pele ṭhianpa) kha zeng che hlei thei lo, rethei tura khuanu hriak thih emaw tih mai tur a ni ṭhin. Mahse zeng natnain a hneh zo lo va, khawvelin a inkhel a thlir ṭhin. Zaithiam Shania Twain hi, an naupan lai chuan ei tur an neih loh vangin a nu'n zingah kaitho lovin a mut tluantir parh ṭhin a, chaw ei tur neih loh vangin tuk pum mut chang an nei ṭhin an ti. Mahse ei tur nei lo khan ei tur nei lo tan chaw pek tur a nei tlat tawh!

Tuina i nei a, hawi zawng i nei a, 'mihring' i ni. Tute mah hi 'hlawhtling rawh' inti ngawt thei kan ni lo; mahse keimahni leh keimahni hi 'hlawhtling rawh' inti thei dinhmunah kan ding vek a, chu chu Pathianin dinhmun rualkhai leh zahawma min dahna pawh a ni. Thiam lo leh tui lo chungin lehkha zir suh. Thiam lawr vek tumin engkim khawih thei nih tum hek suh. Mi dang kutah innghat ngawt lo la, ram pangpar angin i vul chhuah a ṭul a, i hmalam hun chu nangmahah a innghat tlat a ni tih zirchhuak rawh. Mite hlawhtlinna i thlir rualin i hlawhtlin ve theihna tur thlir tel rawh.

Inkhel i en ṭhin a, inkhel i tuichilh a, inkhelh dan phung leh footballer larte chanchin i sawi chipchiar thei viau. Mahse chumi piahah chuan, eng vangin nge i mi ngaihsan zawngte entawna ke i pen ve mai loh? tih zawhnain a hmuak che tih hre tel rawh. Local tournament-a phuahchawp team leh awmhmun r^wt thawmhnaw nena inkhelh a, 'inhlimchhuah' result chauh neih tuma i inkhelh a, ball i pet lirh ve teng teng ngawt hian hmasawnna leh hlawhtlinnain chawi k^n che a tum lo. Pathianni tlaia championship lawm a, uisa bel vil hluah hluah chunga zu no dawm leh ngawt hian eng ram ropui mah a thlen lo vang che. Khelmual chu eng tiat pawh ni rawh se, i ballboot leh sports dress chu eng ang thawmhnaw pawh ni rawh se. In chak leh chak loh lam pawh a ni lo; nangmah kha i pawimawh a, i tuina ber 'line' dinchhuahpui turin i pawimawh ber.

A thuhrimah, sports chauh hian khelmual a nei lo. Hringnun hi khelmual chu a ni a, he khelmualah hian i tlan a ngai a, i chak lohna tur i ven a ngai a, hnehna chang tura i beih a ngai. I tlan thiam lohnaa tlan tura beisei i ni lo va, thiam i intihna line-ah malsawmna chuan engemaw vur che a duh a, tunah i la che si lo.

I inkhel a, thiamna aia thawmhnaw i uluk hmasak zawk a, fitness aia 'big bubble' ṭhial phak leh phak loha i buai hmasak a, insum theihna leh tih tak tak tumna aia 'khelh ve hrim hrim' leh "kotlang A team" mithmuh ngeia chal hreng pha ngat chin nih i tum chhung chuan football khelmualah hian pawimawhna i nei ngai lo vang a, kan thlanga phai vaiho khuan inkhel turin an rawn sawm ngai lo vang che. Footballer inpet hlawhtling ta tam tak hian an mumangah ball an hmu a, ball an mutpui a, ball bawk an thawhpui a, an nun chu khelmualah a tlanin a tlan a ni, tih i ngaihtuah tawh ngai em?

A hlawhtlin hnua Swiss Miss an tih ṭhin, Martina Hingis-i'n kum 16 mi lek a nih laia hmeichhe tennis star tam tak zinga World No.1 ni thei naupang ber a rawn nih theih dan te; Russian star Maria Sharapova-i'n kum 17 mi lek a niha Wimbledon title a rawn lak theihna tura kum 7 mi lek a nih lai, a pa dollar 700 chauh nen, a ba thl^ua tennis a zir tlauh tlauh dan te; chhungkaw rethei tak aṭanga kawtlaia bul ṭan, chumi hnua khawvela footballer ropuia rawn inchherchhuak thei, Brazilian footballer Rivaldo kalkawng bumbohzia te hi i chh<t ngai em?

He leiah hian a chang chuan kan tih tur awm tak kan tih leh tlat si loh te, kan tih awm loh tak kan ngaihpawimawh leh tlat chang te hi a tam ṭhin. Z>p nak emaw, infiamna lamah Mizote hi a rualpawl leh ti ve d<m thei chi kan ni a; chuti chung chuan infiamnaa mi hlawhtling leh awhawm kan la thawnchhuak tam lo. Infiamna chauh pawh a ni lo. Heti taka zaithiam leh a thiam ve lo-te nen lama zai kan intihhmuh a, music video siam kan huai em em hnu pawh hian ram pawna copy sang tel chauh pawh thawnchhuak thei kan la awm ta chuang reng reng lo maite hian hrilh a tihai letling phian.

Mi ṭhenkhat hi chu zaia tui em em, zaithiam leh zai rei thei tura insumk^rna leh mahni aw neihsa chher hrim lehzual tum chuang map lo an ni hlawm. Ṭhenkhat leh thung chu, zaipawla tui hlur mai; mahse zaipawla tui viau e, ti lova solfa bar pui leh pui lo pawh thliar thiam chuang hlek lo, zaipawl uniform-a buai nghal em emte an lo ni a. Pathian tana zai tur an nih inhre lo leka mihring hmaa lan tum ngar ngar ṭhin; hla thluk leh a remna bungraw changkang hmanga zaipawl ṭha din tum chawr maite rilru hi ka hrethiam ve a; Ramthim lama fehchhuah chu sawi loh, mahni hnaa feh chhuak peih mang lo tam takte khan zaipawl an han dan pawimawh em em ang lawi a, nun hi a hahthlak tlang ṭhin ngawt mai.

Tuna fanau nei ta mi tam tak hian an vanglai huna an kawng zawh fuh loh an inchhirpui fo a, "... lo khati ta i la," tia iak tlaivar tur tam tak an awm. Kum 50 lo ral leh ta se, i vanglai nun i hman danah kaikunna tur i nei ang em? Mi dangah buai suh, nangmah kha tu'nge i nih - infiah fo rawh," tiin min hrilhtu chuan min bia a. Sawi tur tam tak a nei a, sawi tur ka nei ve lo va. Mahse sawi ve tur leh ngaihdan nei ve tur mi tam tak an awm hian ka ring ve ṭhin.