Thirsakawr

A khuhhawnna: Tluk leh tlak fawmkem a ngai a; ding leh ^wnin, thiam turin thiam loh chan hmasak phawtte pawh a ngai a ni awm e - thirsakawr chuan hi.

Vai film aṭang tawh r>nga thirsakawr ngaisang ve kha kan ni a. Khatia Masanga-te Avon thirsakawr, a ke leh engkim mai filhṭhuau tawh si, pastor in kawng chhuka a huaisen zual deuhin an han tlan thlakpui chhawr chhawrte kha chu, a chuang ve ngam lo tan chuan hnungah chak f>-a um loh ziazang a ni nem!

Silchar tuilian leh phai khawlumte pawh a rawn paltlang vek hnua thirsakawr man an chhiar dan tur kha keini lo hisap thiam ve chi a ni lo. Aizawl aṭanga keini khaw thleng thlenga thirsakawr a rawn luh theih dante kha keini suangtuah thiam chi pawh a ni lo. Mahse chuti taka hlut namenlova hlu, thirsakawr pawh chu a puitling tana a ruang hlawm tlak loh khawpa 'thir chhia' a nih tawh hnu-ah, khati khan kan u-te khan pastor kawng chhuk aṭangin thirsakawr chuan zirna'n thirsakawr tling tawh mang lo kha an hmang thei tlat a, a hunlai khan chuti ang ngaihtuahna huaisen leh finthlak chu pu pha-in ṭawmpui pha lo teh mah ila, ka dawihzepzia ka ngaihtuah ch^ng hian kha thirsakawr hluihlawn tawh kha ka mitthlaah a lo lang ṭhin.

Keini sawi ve dan chuan, a ke khan 'bladder' pawh a nei tawh lo! Plastic leh rubber tel lohna, a hming ang chiaha 'thir'sakawr hle tawh mai kha a ni a. A ṭhutphahte pawh khawi lai bawlhhlawh paihnaah emaw ar in hnuaiah emaw, tute thingkhawn hnuaiah emaw te a awm daih tawh mahna! Mahse, a n^k n>m lai reng reng awm tawh lo, 'horn' tel lo pawha ri chhuah ṭha fe tawh zawk kha naupang huaisen deuh tan chuan thirsakawr duhawm a ni a, kha thirsakawr vang khan vawiin hian a tam zawk chu bike-in an tlan liam ta vur vur mai!

Mual liam ta, amah Pu Gopal Singh-a'n "Belens... belens..." ti chunga chuan a zirtirte khan ke hnih nei lirthei ai maha pawimawh zawk, nun 'belens' hlutzia kan zirchhuak ta em, phei chu ka hre law.

Masanga-te thirsakawr, chhuk zawng chauha tlan thei, chhoh lama a chuang turte tha chhawr hmasa ve phawt ṭhin hlutna kha Thlenga-te thirsakawr khan a rawn luahlan a. Thlenga-te thirsakawrah kha chuan thluak chuanpui ve nachang kan hre ta deuh a, tlukna lam turah herh kawi a ngai tih te, hla tak en a ngai tih te kha a ziak en pah ang ziazangin kan chiang ve ta riau a, tl<k chu sual angah kan ngai ta hial a!

Jackie Chan khan engtin nge a ti e an tih kha - 'A hmangtu-in a zir phawt chuan eng hmanrua pawh hi ralthuam a tling' a ti e, an tia ni lo'm ni?

Hluihlawn tawh thilte hi a hlutna hmu thiamtu tan chuan rangkachak a ni. Ṭawngṭawl leh neihfaka rilbawm ang maia mi ngaihte hi a hmu thiamtu tan chuan 'hma hun' sialtu a ni. Mi'n enga an ngaih loh thilte hi a nachang hre fuhtu tan chuan hlawhtlinna hmanrua a ni.

Chu chu thirsakawr thuhril t^wpna a la ni mai lo. Thunun theitu nia inngai chuan amah a inthunun theih phawt chuan engkim deuhthaw hi a thunun thei. Huaisenna chuan indona zahve a hneh sa a, tumna chuan hnehna rim a nam nghal!

He kan nun hi tiraw, thirsakawr ang mai a ni - ke pahnih a nei! Ke pahnih chauh nei chu ke pali nei nen tehkhin theih a ni lo. Ke pahnih nei chetsualna leh chetfuhna chu ar mit tia lek lungte-in a hril! Thirsakawr anga tluk leh tlak fawmkem ve ṭhin kan nun pawh hi chetsual leh chetfuh inkar chu ar miat tia lek bawk!

A enga pawh chu ni se, thirsakawr chuang thiam tur chuan tha a ngai a, thlantui leh thisen; pem leh dettol te pawh a ngai! Beih a ṭul a, tl<k zuam lo tan din theih a ni lo. Tlu lova tlan thei turin hmalam en a ngai a, a ke vir en chung leh, chhehvel thil ringawt en chung chuan thui tak tlan theih a ni lo.

Hringnun hi thirsakawr ang a ni a, kan tum ram thleng turin kan inrahkal a ngai a; hnung lam leh sir lam ni lovin, kan hmalam chauh kan thlir a ṭul ṭhin a nih hi.

Thirsakawr ke a vir a, mihring paw’n a tum ram a thlen theihna turin, a panna kawngah hliam leh pem pawh a nei ang. Mahse tluk chang leh chauh ch^ng te lo thleng mah se, tho leh tura din mihring kan ni si.... Mahse.... nawr kal ngai reng mai thirsakawr ke chhia-in a hlutna a hloh ṭhin a, nawr kal ngai reng mai mihring paw’n a hlutna a hloh ṭhin.

Nang chu thirsakawr hlui, chho zawnga nawr kal ngai ni lovin, thirsakawr thar khalhtu, nun 'balance' ngaipawimawha tlan chhuak ṭhin ni zel la aw...