Meipui ata meipuiah

A khuhhawnna: Kawi tinah "A va hmelṭha tak!" min titu hi tawk ila, mual tinah "A va nuamsa tak!" min titu pel zut ila. Ruam tinah "A va awhawm tak!" tiin min thlir se, tlang tinah "Ani ang hi chu ni ve ila aw...!" ti vawng vawngtu zi huai huai se, vante chu pît dawr tia lekin kan hmu ta ve ang.

Kan duhthusam thilte ch>n tur leh nei tura mihringin a beih nasatzia leh a pal tluk a tamzia hi ka chhut ve mai mai ṭhin. He ṭawih thei taksa hian ṭawih thei lo tisa a put hma hi chuan ram te, thiltihtheihna te, ropuina te hi Pathian kan chuhpui l^wp l^wp a, kan tlankawng hi khawi chinah nge a tawp dawn tih kan hre lo mai chauh a ni.

Kan ding emaw kan ṭhu emaw, kan duh chu 'number one' nih a ni. Chu duhna duhawm zet mai chuan min aizial a, min aikaih a, 'a ber' ni thei dawn ta lo pawh ni ila, a dawttu nih erawh chu kan thiam lo va, kan zei lo va, kan khawr tlat a, number one ralsai thei tur tawka hnaia inchhawp hnaih a, tlir det dette hi nuam ti lo fa awm tak ang maw?

Mahni phak tawk hriat loh hi mihring hri vei ni awm tak a ni. Mahni phak tawk hriat lohna hi thahrui petu pawh a ni ve thei tho bawk. Tlang chuan turin kan phekchhuak a, chutah chuan tlang tlir ila kan ti. Mahse tlang chhip chu ban phak loh hretah a inhawlh lawr zel a; kan rah chin leilung ngheh leh ngheh loh lam thlu lovin tlang chhip lam chu kan pan zel a, Mosia angin Kanan ram luah zo lovin mual kan liam leh ṭhin a!

Mahse mihring hian fuh ve lai kan nei a, tlak hun fuha kan tlak fuh tawh v>k v>k chuan Kanan ram luah ta ang hrimin khawsak kan rel a, luah zo ve lo leh, la luah pha ve lo te awhsîkin kan tal huar huar a, kan lim zuk zuk a, arpa chak zawk ang maiin in chungah kan khuang <l <l ṭhin.

Suangtuahna kan din a, kan suangtuahna kawnga tlan fuh riaua kan inhriat tawh chinah chuan mihring hi mihring ni tawh lovin, mi nung, thlarau pawh nei ve lo ang hialin kan khawsa duh ch^wk. Thler tina 'a thei fa' anga lan tum ta reng renga tlan hi kan ni duh bawk a, kan duhna puitlin tura kan ding leh veia ṭham tur leh pawh tur awm apiang kan vaihma dan han en hi chuan ramsa koham ai mahin kan rapthlak zawk f> awm asin.

Kan mitthla-in in ropui kan din a, mi tumruhte thlarau chang chhah ber ni awm ang hialin kan lang a. Mahse kan tumruh chhan hi mi dang tan chuan kan thihna tura lo ṭawngṭaisak chakawm tak hi kan ni thei dawn hian ka hre ve khanglang ṭhin.

'Neih' leh 'nih' hi kan thupui thlan a ni a, sakhua leh vantlang nuna kan 'hmel' ni ta bera pawh chumi luah phak leh phak lovah chuan a innghat ta ber a ni lo'm ni?

Kan englo th>nna lam a ni emaw kan sual luih rah chhuah duhawm lam a ni emaw, mak leh chapo takin mihring hi kan ding lur lur a. Mahse ngaihtuah teh, Goliatha kha ding to luah lo se la chuan virvawm khan a thlawh kh<m mai tur a!

Mite aia t> ta ngawih ngawiha inhriatna hi sual hnathawh a nih hmel. Chumi tiat chiah sual hnathawh pawh mite aia lian ta lurha inhriatna a nih hmel. A enga pawh chu ni se, neih nei miah lo chung paw'n mihring hi chapo saa din a ni a, zakkep nei chung phei chuan.... sawi teh suh, sawi teh suh!

Politics vanz^wlah, t<ma kahthlak zawh loh muvanlai ang hiala kan inngaih ch^ng a awm. Sumdawnna tualzawlah mi chan aia hraw hraih chang ang hrima kan inngaih ch^ng a awm. Eizawnna leh thiamthil kawng hrang hrangah te, zirna leh nun kawng hrang hrangah te 'a thei hlei hlei' tih tur khawpa chhoh tlan zawt zawt thei kan kat nuk ang a, mi dang chu kan >k tlan tur tawk leka kan ngaih ch^ng pawh a awm ang. Mahni phak tawkah ṭheuha kan meipui a vung vanglai hi chuan mihring hian mihring a nih a theihnghilh ṭhin a. Mihring hian amah chauhin a khawchhuak thei lo tih a manghilh ṭhin a. Mihring hian mamawh neih belh zel tura din a nih hi a hre chang lo ṭhin.

Khuarel hi inmamawh tawn tura siam kan ni a, thla inzah khum phur phur tura siam kan ni lo.

Hrehawmna leh harsatna paltlang tur nei hlek lo mihring zawng la, hlawhchhamin i lo kir leh ang. Kan tawn leh dinhmun te chu lo thuhmun fo lo mah se, lo inthlau lulai ṭhin bawk mah se, chu thil pahnihina a hmeh khawng fo ṭhin mihring kha kan ni vek a, meipui a vung vanglai hian mahni chauh ni lovin, mi dang pawh kan aitir ve zawk tur a ni dawn lo'm ni?

Chatuan meipui tih loh chu alh hlen tur a awm lo va, b^wmr^ng leh arsi alh vung vanglai hi a len leh tet azir mai a ni: a tawpna chu mei mih tho tho!

Keimahnia meipui a alh mek lai hian, he meipui hi a la r>m leh dawn a, a alh chhunga kan sukthlek leh khawsak phung azirin meipuia kan ral tur leh par chhuang zui tur chhum hi a insiam mai chauh a ni.

Kumhlun a awm kumhlun theih lohna khawvelah hian himna leh hlimna kan zawng a, hmel, sum, in leh bungrua te hi meipui anga chapopui tham tur khawpin a kumhlun em maw chu?

Kan innghahnate chu himna'n a tl^k chatuan dawn em? Kan himna ni-a kan ngaihte chuan hlimna min pe chatuan dawn em? Him apiang hi an hlim chuang em? Hlim apiang hi an him chuang em?

Kan himna chu khawiah nge? Kan hlimna chu eng thil nge? Mi aia s^nga kan lawnna thingkungah hian chapo kut kan phar ruala ng<m sawha tla dawt tur chu eng zat tak awm ang maw?

He meipui hi engtia rei nge a alh dawn kan hre lo va, he meipui hi min kang raltu tur mei a ni em kan hre lo. Nang chu Ni angin >ng la, Ni angin lumna pe chhuak la, Ni angin chawṭha siamtu lo ni mawlh teh.