I thu lo!

A khuhhawnna: Tuiril leh tuisik mai i la nih laia 'chhungril khawvel' hmang tura i lo induan ṭan dan leh pawn lam khawvel boruak hip tura i lo mawm chhuah danah hian tuma'n i ngaihdan an la lo va, tual vaivut i pal chhoh tur leh boruak inlumletah hian i thu lo.

Bawkv^k tura thahrui ngai zat te, ke-a ding thei tura thluak hman ṭul hun te, p>n tura tihrawl san mar a ngaih chin te i hre lo. Chakna chu kan taksa p>ng khawiah ber hian nge a inthlun i hrilhfiah thiam lo va; thinlung, thluak leh thahrui thawhhona karah hian engti ang chiahin nge hniak i la hnutchhiah dawn i hre lo va. I tawn tur leh i tem loh tur thlei hrang thiam lova hunbi i hman avang ngawt hian i thiam chan leh chan loh kawngah i thu lo.

Thiamna leh finna hmangin leilungah hian i invaiveng a. Hriatna chu eng'e a nih chiah hre lo mah la, hriatna chuan a pui reng che a. Finna vawrtawp pawhhawn ngei tumin namenlovin i bei a, tha leh thlan tui i s>n ngaihtuah phei chuan he leilungah hian ropui taka hmingchher chu sawi loh, chatuana nung reng tura dam hlen atan pawha mi itawm ber ni mah la, nunna chungchang thu-ah erawh i thu lo.

Mihring taksa ṭhanlen zelna'n hian eng eitur nge ṭha a, engtia ṭanlak dan tur nge tihte hre kim kîm k>lh mah la, ṭhanglian turin engti ang chiahin nge i ruhr>lte chu an insawrbing i hrefiah thei tak tak lo va, tisa tim<r insanmar dan leh insenghawi kual dan te chu hrethiam pawh ni la, i duh dan anga che vel turin i thunun thei taktak lo va, thu pe thei tur pawhin i thu lo.

Lei chhungril hipna avanga sava-te pem kawng thlakthleng thei turin i thu lo va, sava hmul tlakkawlh hun leh ṭo hun chungchangah thu i nei lo va, an ruhrel siamṭhat kawngah lah i thu lo.

Nungchate bial vawngtu i ni lo va, huangah khung mah la, an rilru erawh i thunun hlen theih a ni lo. An ngaihdan puanchhuahtir tumin an hram leh h<k dan te, an kiu leh kh>k dan te i duang thei lo va, awmze neia awka chhuahtirna kawnga i thu loh bakah, awka chhuah hun siamsak kawngah pawh i thu lo.

A chang chuan zan hian khawharna keng tel mah se, a chang chuan hlim zan hi chatuan khawvarin >n chhuahpui thei lo hial se ti khawpin i thlahlel zawk maithei. Mahse khawfing lo chat tur chu i dang thei lo va, zan hun pawhsei leh pawhtawi chungchangah i ngaihdan l^k a ni lo va, khawvar lawm tura arpa-te an chhiar aṭanga an lo khuan hunte tidanglamin, khuang lo turin an kh^ i tichih thei lo va, thim leh >ng inṭhen laia nungcha leh chiapcha te thawmah-te hian i thu mawlh si lo.

A hun pangngaia Ni kai chhuak turin i thu lo va, Ni chelh turin theihna i nei hek lo. A chatuan hunbi chhiara vanzawla thla lo d>t hunte chhiar thiam mah la, thla de leh mang tur te, a vanglai hmang turte hian ni leh thla leh arsi te her vel kawngah i thu lo.

Simeikhu zinkawng i siamsak thei lo va, arsi thi tur leh thi ta-te hipna thahrui i siamsak thei lo. Chhohreiv<ng leh Siruk inthlunzawmna hmuh theih loh 'laihrui' i siam thiam lo va, 'indi' turin Chawngmawii leh Hrangchhuana thu i pe thei hek lo. Rial r<m leh khawpui ri, ṭ>k tla ri un un chungchangahte pawh hian i thu hek lo.

Tuipui aṭanga thlipui inmun mek chu tawrhhlelhawm viau dawn pawhin lang mah se, hnathawk thei lo tur leh thamraltir turin i thu lo.

Tui fawn i pawt kir zo lo va, thlipui chu eng anga michak tan paw'n nuai let zawh rual a ni lo. Leilung chhungrila khawvel innghahna lungpuite intawksir vel danah i thu lo va, lirpui lo nghing tur chelh turin a phuarna hrui i suih nghet thei lo va; khawvela thuneihna s^ng ber pumhmawmtu pawh ni la, tlang lo zikchhuahna kawngah te, phaikuam lo tlakhniamna kawngah te hian i thu lo.

Nunna nei ve ve si-ah, mihring leh hnahn>m nunna inseihleih dan te, nun nei tura an ruang^m indin dan te, nun chelh tura an mamawh chaw leh tui inan lohzia chungchangah te hian i thu lo.

Tuifinriat chhunga nungcha chi hrang hrangte in-ei tawn danah te, an chetvelna leh an ramri chungchangah te, hmar luang leh chhim luang bik chauha cheng tura an inṭhen sawm danah te, an eitur indapthiam thei tura finna an neih mai danah te hian thu i nei lo va. Bawkkhupa kalte leh thlawkthei te tisa inrelbawl danah te, vun leh hmul rawng hrang hranga thuam chungchangah te hian i thu lo.

Thing leh pangpar tan leiṭha leh tui pe thei mah la, an ṭhanlenna taktaka chu i thu a ni lo va, vul hun leh tlakkawlh hun te, chawrno hun leh r>m hunah te thleng hian i thu lo.

I hnu lamah i kir thei lo va, i hma hunah i chuangchhuak ngawt thei lo. Leilung leh a chhunga thil awm zawng zawng hi i hriat kim theih tura ruahman a ni lo va, mahni taksa pawh hrechiang thei taktak tura duan i ni lo va, thuneihna leh thiltihtheihna te hi thi khawp hialin chuh mah la, a tawpna chu i thu lohzia puangtu mai a ni ang. Hmuh theih khawvel mah thunun thei lotu chuan a hmuh theih loh nunna nei thil chi hrang hrang te, nunna nei reng reng lo te chen hian engtinnge 'ka ta' tih tum ang hrima a beih chiam a, a tlan chiam ṭhin? I thuneihna leh theihna piah ramah hian thu zawk a awm a, 'thu zawk' hnuaiah chuan engtia chapo uanna ngaina em em nge maw i nih theih chu le?

Hun reilot> atan nang chu i lo lang ve zuai chauh a ni. I lo lan chhung hi a rei lo em a, intivei tur leh intinei tur khawp chuan i t> lua deuh! Chuvangin 'thu zawk' hnuaiah hian hei hi hre reng rawh - "I thu lo!"