Mary thuchah

A khuhhawnna: Indopui II-na hunlai, kum 1930 chho-ah khan American nu pakhat, la naupang tak; fa pathum nei tawh chuan indona lama a pasalin ring a rawlh hlanin, an fanaute in lama lo enkawl pahin a theih ang angin lehkhabu zuarin a inhlawh kual lauh lauh ṭhin a. Chu sipai nupuiina a ch^ngvawn tlur chu, a nu aṭanga a rochun 'I ti thei' tih hi a ni.

Chhangchhe nu a ni a, chuti chung chuan sum peipun dan dapin mi ina kal l^wrin lehkhabu a zuar kual a ni a. A chem kalna tak ni hmiang, thla ruk chhung lekin a lehkhabu zawrhna aṭangin dollar 25,000 a lei chhuak hman der a. Mahse a phak tawk sumdawnna tenau-a hlawkna a t>l ve mek lai chuan, indona ram aṭanga lo haw, a pasal nen chuan an inṭhen zui hlawl a. A lehkhabu zawrh pawh chhunzawm thei ta lovin kawng dang a dap a, inchhung bungraw lam ti mi, Stanley Home Products lamah intulutin, a sumdawnna ko chu a thlak leh ta a ni.

Mahse chutah pawh chuan cheṭha zui leh viau mah se, sumdawnna lama a theih ve ang tawka a ke penna d^ltu a tawng leh pek a. An hotupa ber, sales director chuan a kaisan ve-na tur chu a dang ping lui tlat mai a, a 'level' pui mipate hlawh ang zah pawh a hlawhtir ve duh bau lo mai a. An 'firm' chuan a chetṭhat chu hlawkpui teh mah se, Khuangchera ang bawkin nopui dawm ni-ah khawrh chhuah a ni ve ta ngai si lo va, kum 25 chhung rim tak leh ph<r taka a lo thawh tawhna, Stanley Home Products chu lunghn<r takin a chhuahsan a. A chunga 'mupui' awm tawh lo turin, mahnia a chheh ang anga ke chhep ve tawh turin kum 1963 khan mahni leh mahni in-boss turin a inchhuah zalen ta a ni.

Chu nu vanduai tumruh chuan a vanneihna kawng ni tura a rin chu a insialchawp a. Tunah chuan a thla khirhsak thei an awm tawh lo va; mi hnuaia kun ral a, mi thla z^pina an n>k per mai mai tur kha tunah chuan khawvelin a hming a lam ta fo a. Hmeichhiate nunkhaw tikalhkimtu leh mipate sumbawm phawrhtir fo-tu a lo ni ta a. Amah chu tu dang ni lovin, Mary Kay Ash a ni.

Kum 1918 May 12-ah Mary hi Hot Wells, Texas-ah a piang a, a lai ah hming chu Mary Kathlyn Wagner a ni. Kum 17 a nihin Ben Rogers nen an innei a. Kum thum an inneih chhungin fa pathum an hring a. Sipai Ben-a chu hriat zui a ni ta lo. Nuthlawi Mary erawh chu a tumruhna vangin h>-ah, an khawvel letliama kan khaw thleng thleng paw'n kan lo hre ve ta!

Vun enkawl dan formula hretu hnen aṭanga thiamna a lei chhawn hnuin, kum 1963 September 13 khan Mary hian Dallas-ah 'risk' ve tak meuhin Mary Kay Inc. a din ve mawp a. Chutih lai chuan kum 45 a ni. A inhlawhna aṭanga dollar 5,000 a lo khawl ve hmangin sumdawnna bul a ṭan a, a fa < Richard Rogers nen nuamsa lem lo takin hma an la ve ṭauh ṭauh a. Dollar 5,000-a bul ṭan khan tunah chuan khawvel hmun hrang hrang aṭangin kum tin dollar tluklehdingawn t>l an hailut ta a. Fit 500 biala zau chu an dawr luah hmasak ber a ni a. Vawiinah hi chuan Mary dawr zauzawng chu kawlkil tawp aṭanga a tawp lehlam thleng ang a ni ta! A tirah dawra thawk mi pakua chauh chhawr kha a ni a, tunah chuan Mary Kay product hi mi eng zatin nge hrawk ch^wmna'n hmang ta ang? Chh<t mi a ni lo ve!

"Mihring hi chi li kan awm a," tiin Mary Kay chuan a sawi a. "Engemaw thlentirtu; lo uipui tuilian thlirtu; mak ti-a lo thlirtu; leh eng l>m mah ngaihtuah lo te kan ni a. Kei chuan naupangt> ka nih lai aṭang tawh khan heng zinga a hmasa ber ang chi hi nih ka lo duh tawh a ni," a ti a. Hlawhtling tura mihringin a mamawh hrang hrangte chu harsa takin a naupan tet aṭangin a zir ṭan tawh niin a sawi.

A pa chu ngawr hri vei a ni a, an hnemhn^npui thei tawh lo. Chutih lai chuan Mary chu kum sarih chauh a la ni a. A sikul banah ina an hna ṭul ang ang a thawh zawh vek hnuah a homework-te a ti thei chauh ṭhin a. Naupang dang angin a chawhnu hun a hmang ve thei ngai lo. Mahse, "Ka dinhmun chu ka pawm mai a ṭul a, ka tihtur chu lungawi takin ka thawk mai a. Naupang tana hna khirhkhan leh tuma kaihhruaina pawh dawng lo pawh ni ila, ka ba a nih chuan ka ti mai a. Hna harsa zualah ka nu'n a thawh dan tur min hrilh ch^nga a sawi tel ve ziah erawh chu, 'Bawihi, i ti thei alawm,' tih hi a ni," a ti.

"I ti thei" - chu ngei chu naupang a nih aṭanga sumdawng lian zinga chhiar tel a nih thlenga Mary ch^ngvawn chu a ni ta ngar ngar a. Mary Kay Cosmetics 'motto' pawh "I ti thei!" (You can do it) tih a ni ta r>ng a ni.

Mary Kay hian a company enkawlna'n Kristian 'rinna' chu nghahchhanah a hmang a. A hlawhfate pawh Pathian dah hmasa ber a, a dawttu-ah chhungkua ngaipawimawh tur leh, an hna chu a pathumnaa dah turin a hrilh ṭhin a ni.

A pa hrisel loh avanga naupang dang anga nun zalen ch>n ve thei lo a ni a. A kovah inchhung sekrek a tla hma a. A pasal nena fanau pawmtlei thei lovin chhungkhua an kehdarh a, chhangchhenu ni chungin lehkhabu zawrh leh inchhung bungraw zawrh hna a thawk a, Stanley firm-a a thawh lai phei chuan tham lo deuh taka enkawl a lo hlawh tawh a. Harsatna thlipui hrang hrangin a nuai a, kaikun lovin a hriam hraih thung a.

Tawn leh hriat a lo neih ve nual tawh avangin hnathawktute harsatna a hriatthiampui a, a bikin hnathawktu hmeichhiate thlavang phei chu a hauh na hle. A lehkhabu ziahah pawh hmeichhe lamṭang a nihzia a thailang nasa a; mi hnuaia thawk chunga ngaihtuahna dik hman thiam a ṭul thu te, company paw’n mipa leh hmeichhia thliar lova kaisanna leh hlawhtlinna an pek a ṭul thu te a ziak a ni.

Suangtuahna a din a, a tak-ram chan turin a thawkchhuak bawk a. Mary chuan, "Mi tam zawk hi chu an theihna hre miah lovin an nung ve ch^wr a, an thi tlaw leh ringawt a. Hmalak hi an zuam hlawl lo ṭhin... Inrintawkna an tlachham a ni," a ti a. "Ins<tin insit ngawt suh. Tlai lo la, hmalak tîm suh. Inthununin inlekkawh ang che," tihte chu Mary Kay aṭanga thu ṭha luangchhuak chu a ni.

"Hmeichhia chu inhlawh tura la tei chhuak ngai lo a ni emaw, nuthlawi leh hmeithai pawh ni se; eizawnna dap mek leh fuihtu nei lo pawh ni rawh se, a pawimawh ber chu - a hlutna belhchhah tum tlat mi a ni tur a ni," tih chu Mary Kay-i thuvuakthlak a ni a. Ani paw'n a tum a, a bei a, khawvela hmeichhe hlu ber zingah a invawrh chhuak a. A thawhrah zar zovin mite an intihhmelṭhatsiak a, amah la hmu ngai reng reng lote paw’n ama hmingin party an buatsaih a; an inzuar a, an inhralh a, ei an zawng a, ei an hmuh phah a, khawvel rim pawh a hmui tui cham cham ta hle!

Mary Kay hi kum 2001 November 22 khan kum 83 mi niin Dallas-ah a boral a. A hlawhtlinna sum pai hmangin hmeichhe cancer veite enkawlna tur te, hleilenna tuartu hmeichhiate inenkawlna tur te, zirna lama ṭanpui hna thawktu tur Mary Kay Ash Charitable Foundation a din hman a. Cancer natna vangin kum 1980 khan a pasal pahnihna Mel chuan a lo boralsan tawh a ni.

"Nangmahah khan tawp chin insiam reng reng suh. Mi tam tak chuan tlin leh theih loh chin an nei tlatin an inhre ṭhin a. I rilru-in a thlen phak chin chin chu i thleng thei. I tum-ram i thleng thei tih inhre reng rawh," tiin a thih hma khan khawvel mihringte min fuih a. "I suangtuahna um-a i ke i chheh chin zelah chakna i chhar ang a, i tawn chhoh chin zelah lawmna tur i chhar dawn tih i inhre lovem ni? I suangtuah ang chin zel i thleng dawn a. Pathian paw'n chu chu a beisei dan che a ni. P>n ngam zel la, 'ka thei' tih hi vawng tlat rawh," titu chuan mual liam tawh mah se, a suangtuahna-te puitlintu chuan a sulhnu chhawm zui zel tur a hnutchhiah ta reih ruih a nih hi.

(Thu dang alai chuan, an thil siamchhuahah Mary Kay-i thinlung lanna a awm ṭhin an ti a, chu chu rawng sen no (pink) a ngainatna hi a ni. An kutchhuak zingah he pink rawng hi a tam ber ve tlat!)