Ka hmuh loh hunah che!

A khuhhawnna: Ka hmuh hma che khan engtin nge khawvel a awm, ka hre lo. Ka hmuh hnu che erawh hi chuan, engtin nge khawvel a awm, tih hi chiang takin ka hria. Mahse ka hmuh theih loh hunah che engtin nge khawvel hi a la awm zel dawn, tih chu, hei hi - ka hre lo.

Thil tam tak ka ngaihtuah ve ṭhin a, thil engkim hi engatinge ka hriat tlat si loh? Ka hre lo. Ka hriat loh turin, ka hriat ve phak reng reng loh tur hian engatinge leilung hi a inthup ṭhin a; eng vangin nge nun hi a inhupbeh tlat ṭhin le? Ka hre lo.

Ka hriat loh thilte hi hre turin, >ng anga chakin thlawk thei i la, khawpui ri angin ropui i la, thlipui ang maiin thiltihtheihna nei ta i la, ka hriat ve phak loh tura thu inthup leh, nun hai hawn tur tam takte chu ka'n vai-hma hmarh hmarh mai tur hi a ni ngai a. Mahse ka hriat loh hi a ṭul ṭhin a, ka hriat loh avang hian a hlutna pawh a pun zawk chang a lo awm ṭhin.

Chu'ng thu phanchang tak takte chu a hmat^wng-ah ka'n ṭheh hmasa che a, a kaihn>m zawng leh no hlep hlepa mi han dawr hi ka thiam ve loh lam chi tak a nih avangin ka hriat loh thil, keimah leh keimaha inhnialna tam tak chawk chhuak ṭhintu hi ka'n theh chhuak hmasa ngawt mai a. Ka thu hi a rumin, chaw n>m han khawrh hmasak pawh ka tum duh ting tang lo a ni e. Mi hrethiam ang che.

Ka hriat loh hi 'eng nge?' tiin ka zawng chiam chiam ṭhin a, kil tin kil tang ka dap tawh a, ka la hre ta chuang lo. Hre chhuak ta chuang lo ngar ngar chung hian thlanah ka liam ka inring a, ka hriat chhuah loh tura chatuan thu inthup leh nun inupbet a lo nih paw'n, a engti zawng mahin vui hmui ka pu lo tluan ang.

Chu ka hriat loh thil chu maw... He nun buaithlak takah hian engatinge i lo luh ve ngawt? Eng vang teh kher hian nge he mihring, a mumal loh kawnga mumal em em mai hi i lo hmelhriat a; leilung hahthlak taka i nun chh^wk z^ngkhaitu ni ngai reng reng lo tur hi engtitiha pawm thei mai nge maw i nih le?

Keimah ka inhriatchian tluka min hre chiang lo hi i vanneihnaah i la chhiar ang a; mahni leh mahni pawh inhre chiang hleithei lo, he mihring danglam i hre chiang lutuk hi i tan vanduaina ni lo hram se ka ti mang e!

Ka hriat chian ber leh, ka hriat chian loh ber chu keimah hi ka ni. Chutih rualin, i nih dan leh i nun dan ka ngaihtuah ve chang hian, keimah ka inhriat ṭhin avangin - nang pawh ka hria che.

Ka inhloh ṭhin angin, nang pawh i inhloh ṭhin. Ka intlansan ṭhin angin, nang pawh i intlansan ṭhin.

Kei chuan khawvel hi a mawi ka ti a, chumi tiat chiah chuan a nunr^wng pawh ka ti. Mahni inhre rauh rauh chung leh, mahni pawh inhre chang tawh lovin, leilungin a zia a chhuah laite chuan ka suangtuahna thla ka kh^wng a. Van chung sang takah khian mu anga thlawkin, boruak zau takah chuan mit lenin, "Khaw'nge tawpna?" tiin ka zawng ruai a. "Khaw'nge chawlhna?" tiin ka melh kual a, kawlkil piah ram, kawlvalenchhamah pawh ka thlawk zel a; mahse tawp thei hlei lo maimawmril, tih ang zel a lo ni. Ka thil hmuhchhuah chuan ka awm a tinuam chuang reng reng si lo.

Luipui luang kawi nguai leh ngawpui ngawi duk mai te; lui khawkrawk leh phairuang hmun te; lungpui tohl^wt leh hnim buk che leih leih thlengin, leilung hrin chhuah mawina leh duhawmna hi ka thlir kual tawh a, an mawina chuan thinlung
rilṭam an tizual mai a ni!

Chuti ang hunah chuan a ngaihna hre lovin ka hawi fo a, keimah chauhin khawvel hi ka luah a; mihring dang leh thil siam dang reng reng hi chu leilung luah ve-tu pawh ni hran lo, eng hun emaw atana lo kal ve mai angahte hian ka ngai ṭhin a; mahse nang chu i dang ta a ni.

Khawvela ka lo chawr chhuah dan hi i hmu lo va, i hre hek lo. Khawvela ka nun dan hi i ngaihtuah lo va, i buai phah hek lo. I hriat hlek loh leh i buai chiam phah hlek lohna, he nunah hian engatinge thu tam tak i sawi tlat lawi si le!?

Zawhna tam tak min zawh i duh a, i thei si lo a ni lo'm ni? Mahse he nun hi i lakah a inphawrh ang a, he mihringa mihring hi a inpuanna hmun apiangah i lang tel ve ṭhin dawn tih ngaihdan chhet> tal erawh chu i neih ka beisei.

Ka thil tih leh ka nihna chu eng pawh lo ni se, engati nge ka nun hi i hriatthiam em em fo? Lungngaia ka kaikunna chen hian engtin nge i kaikun ve theih tlat? Ka lawmna thinlung hi engtin nge i ṭawmpui thiam ve theih tlat ṭhin? Engtik lai khan nge ruah tla phiar phiar leh chhum zing chiai chiai lunglenthlakzia hi fiah k>lha ka hrilh che? Nipui khawlum huam huam leh thingzai khawl rum ri vîn tak, khawharthlak lawi sizia te hi engtik laiin nge ka fah tawh che?

Leilung chhun filh ṭhuau khawpa thla a >n lai te, ṭhal khaw ro laia mal taka phengphehlep a thlawh lep lep lai te; tlai ni tla tur leh zing fîra sava chiar noh noh ngaihnawmzia te hi hman takin kan la sawidun hauh lo chungin, leilung ngainatawmzia lo campaign dun hrep tawh ang hrimin, kan lung a rual thei tlat zel mai te hi... mak tih loh rual em ni dawn?

'Keimah chauh' emaw 'awm' ka tih ṭhin lai khan, nang pawh 'nangmah chauhin' i lo 'awm' ve ṭhin tho a. 'Keimahni chauh' ni tura 'kan awm' tak hnu hian nang leh kei hi boruaka chhul khat kual ngei chu kan lo ni e!

Mihringin a dam chhungin hah takin chawlhna a zawng a; chawlhna hmu lovin, tha leh zung s>ng hah vak siin thlanmualah a liam ṭhin a, thlan khur hi mihringin a lei thuam a sin laia a chawlhna hmuh leh neih awmchhun a ni, tih hi ka thutlukna a ni. Chuti chung si chuan hahdam siai siai-na hi ka mangphan fo a, ka suangtuahna a luah fo a, chu chuan ka nun pawh nasa takin a kaihruai ṭhin. Mahse a tawpah ka buai leh ṭhin a; hei hi khawvel mai a ni, tih hi ka hre chuak leh ṭhin.

Chuti ang hunah chuan khawharna leh malna thlarau chuan min uap ṭhin a. Khawi lai ngaw hnuaia lui tui kangchat tawhna, tute emaw chu hman deuhah an lo kal ve tawh ngei tih hriat theih tura an mei chhemna hnuhma lo darh niaih tawh han hmuh hian nun khawharthlakzia ka chhar tel ta ṭhin a. Kalsan leh chul ta bik repa inhriat changte pawh ka nei ṭhin.

Mite'n tuihna an hmuhna ṭhinah pawh ka dang a ro fo a. Mite'na lengkirah thing zung leh ram hrui an tawn fuh ṭhin laiin, kei chu lungpui chungah ka hawihai fo a; khawvel pharh duai maiah hian thurualpui tur tal nei ila, han tih changte pawh ka nei fo mai. Chuti ang huna mihring v^nzia v^nzia mai chu!

Mahse huaisen a ngai a ni, tih pawh hre lova ka nuna i lo luh nawlh hnu aṭang kha chuan ka hriat hauh lohin 'nun' hi ka chhar thar a. Ka hrilhchawp che pawh ngai hauh lova ka rilru i lo pu sa reng mai te; ka thinlungin luan liam a duh chang apianga 'hetah' i lo ti ringawt mai te hi... a tluka tuikeplung hlu hi awm thei tak maw?

Mite chuan an nunna paw'na a tuar loh tur thleng thlengin khawvel an ch>n a, sum leh pai nen an ri hawk hawk a, dam man hi awm ta hliah hliah-ah an ngai ṭhin. Mahse kei chuan chuti anga han chetna tur ka nei lo va, che turin chuti ang dinhmun chu luah ve ta pawh ni i la, thlarau rethei tak ni tur chuan ka khawsa ngai hauh lo vang.

Kei chuan ram hnim kara violet par chu ka hmu a, a pawl riai a. Inchhuang lo takin hnim zingah a kur lei lei a, zing dai fimin a bual huh hlep ṭhin. Ni sa hnuaiah a p^rte chu a parh ve h>rh h>rh a, ruahtui leh thlifim lo th^wt ch^ng paw'n a chet ze mawi lantir a ṭhulh chuang lo va, chuti ang nun tlo chuan min hneh ṭhin.

Ka violet par kiangah chuan ka hah a dam
ṭhin. Hringnun phurrit hi a tla nghal duak ṭhin a, ^wmn>mt> mah ni se, kei pa phawsawlh pawh hi a dawm zo tho a. Thu phawkphawhraw pui pui te; a chang chuan romei ang maia lung tileng thu leh hla te; khawvel chhum zing leh nun engkim hi ka violet par bulah chuan ka chawlhpui ṭhin a. Ka nun leh hun inchawhchawrawi nuaih mai dawngsawng tura lo par a, nun leh hun duhawmzia min hrilh tura lo par ṭhin, he violet par hian keimahah chuan 'thawh a hai ngai lo!'

Ka hmuh hma khan he violet par hian awmze nei lovin par a lo chhuang lek zawk a nih hi maw le!

A ngeih tur leiṭha leh tui ka pe thiam lo va, kei chu a p^r ch>ntu mi mawl mai ka ni. Mahse a chhiahhlawh rinawm nih ka zak lo va, ka tlin leh theih tawk piah ramah pawh ni se, kei hian 'awm' tih theih zel ka tum nghet fan ang.

Mahse, engtikah emaw chuan ka violet par hmuh phak lohvah hian ka la liam thei a, ani pawh ka hmuh phak lovah an la phun sawn mahna!? He damlai tui fawn vel karah hian nun za tam tak chu lo chawr mah se, hun hlui leh thar chu lo inthlak zel dawn mah se la, kei chuan ka thinlungin ka violet par chu ka hmu reng ang a, a tak hlimthla tal ka hmuh theih loh hun a lo thlen tikah pawh, he thinlungah hian a ṭhang lian zel tho dawn si a...