Hnahthel ro

A khuhhawnna: Chuai leh mai mai tura kan vulna ramah hian hnehthel ro hi a tlin rei pawl tak a ni awm mang e. Kan nihna baka lan ropui kan duh avangin in ropui tak takte kan sa a, vantlang mitmei pawh veng seng lovin ram zau tak takte kan valh a, Hamlet-a thawnthu ang maiin "a tawpah chuan ruang ṭawih lungte bawm tur bawkin thlan khurah kan liam leh si!" Hnahthelte erawh hi chu an hn<npui aṭanga an tlak hnuah pawh rei ve f> chu he leilungah hian an la ch^m zui a, an ṭangkai zuina kan hre pha lo mai pawh a.

An ṭangkai laia mihringte nunna thaw pe chhuaktu berte an lo ro va, thingzar ata leiah tlain an lo ṭil zo va, lawmthu sawina chang hre lo mihring chuan hnawmhnawkah kan ngai zui mai a!

Hnah pui an chhuan lai chuan, thlifim rualin an lo thaw ve sang sang a, khawvel boruak lum an z^p dai seng seng a. An hun leh ni a lo tawp a, hnahthel zara kan thu leh hla pian chhuah tamzia te, he kan Zoram sik leh sa hnuaiah hian nun tin tam an khawih nasatzia te chhut zui duh reng reng lovin, mahni mawina ngawt zawngtute chuan hnawmhnawkah kan ngai zui mai a!

Ni sa rum rut hnuaia he khawvel ch^wmtu, lo neitute zar hliahtu ber leh an tisa natna lo venpuitu berte chu an ṭhan a kin a, an th^wk a tawp a; lei vaivuta kir tura leilung an deh ve tlaikhawhnuah, kan hmangaihte tana an lo thawh nasat tawhzia chh<t zuisak duh reng reng lovin ṭhenkhat chuan hnawmhnawk maiah an ngai zui mai a!

Nungcha chumchiap leh savate'na ruahpui leh thlipui laka an inphenna, ngaw hnuaia lui t> leh a chhunga cheng lui sa-te ni sa lutuk laka daihlim siamsaktute nunkhua chu a lo tawp a, an chan erawh chu hnawmhnawk a ni leh mai si!

Chan a han ṭhat a, mamawh nei ta lova mihring kan inhriat chiah hian ramsa < awrh kan nihzia hi a lo lang ta ṭhin a, kan hnung lama thil awm chu kan theihnghilh zui mai ṭhin a. Kan mamawh
ṭhin leh a lova kan awm theih lohna thilte chu hnawmhn>-ah ngaiin, hnawksak ta riauahte kan han ngai a. Mahse Ni hi a chhuah hnuah a tla leh ṭhin tih thu dik, a ngaihtuah chiang peih tana thu dik tlawngawl ngawt ni hlek si lo ang chi erawh kan chhut vek lawi si lo.

Kan han vul a, kan theihtawpa uarin kan han parh ve h^k h^k a, namnul leh palzut chinte kan han nei ve lauh lauh a. Kan mawina chu kan tana thil ṭangkai leh kan tana mi ṭangkaiah te hian thlun behin a awm zawk a, chumi kalsan nasa apiang chu a che buai zui nasa an ni leh mai ṭhin tih ngaihtuah nachang hriate phei chu an tlem pharh pharh ṭhin awm mang e.

Keimahni chauhin khawvelah hian awm ni i la, mamawh chu a tlem ang. Keimahni chauha khawvela awm ta ang hrima inngai hlir awm khawmna emaw tih turah hian mamawh hi a kuh ṭel ṭul thung a. Kan pheikhai siamtu ber, kan mamawhte erawh chu an ṭangkai em avanga hriat zui kan tum chuang lem hlei lo va! Mamawh nei ngai reng reng lo tura khawsak tumin kan han ṭang ph^n ph^n a. Nun a awm chhung chuan mamawh neih belh zui zel tura duan, thlan khura min zalhtu tur pawh mamawh zui zel kan nihnate hi kan chh<t mawh khawp nia.

Chuti ang chuan a ni... thingzara hnahpui an chhuan laite chuan, leia hnahthelte hi nunna kengtu an ni a, leilung mawina pawh an zarah nun nuamin kan ch>n phah a, hnah rim nam ch>k ch>kte hian lung an tiawi ṭhin a ni lo'm ni?

Mahse an zar-kung ata an lo tl^k a, an mawina hnah hring an hloh hnuah an lo ro va, vaivuta kir leh turin leilung hi an d^p ta lek a. Thli a lo th^wt a, thingzara invuan bet ṭang ṭang ṭhinte khan leia an tlak hnuah chuan invawn behna tur an nei ta lo va, an l>ng lawp lawp a. An pawimawh ṭhin tluk zeta ngaimawhtu an tawng tam tulh tulh a, chutih hunah chuan hal ral leh then bo mai an hlawh leh si!

Hnahthel ro an nih hnu pawha leilung mawitu an la nih zui zel dante chu a hmuthiam f>tu tan chauh a ni tawh a. Leiṭha siam zui zel tura an insiam rem dante chu a hrethiam f>tu tan chauh a ni tawh.

Keini aia tlin rei zawk leh ṭangkai theihna mual la ngah zui zawk, hnahthelte mah chuti mai an nih si chuan, mihringte hi kan va n>p awm ta si ve?

Mihringin eng'e a tih theih chu i hria alawm. I vul theih hun lai hian, i tha i thawh theih hun lai hian, i ngaihtuahna i s>n peih hun lai te hian i ram leh hnam tan ṭangkai tum rawh. Chu chu a ni, hm^nah, kum 70 chuang kal ta khan Kaphleia (Fam) chuan an khatih hun laia 'America ramah chuan a damdawi an hmuchhuak tawh a ni awm e,' an tih mai mai chauh la ni ṭhin, ngawr (TB) hri a vei a; khawhar tak leh Zoram siam ṭhat chaka a tuihal lai khan a thih dawn ruaiah he thu hi a sawi a - “Khawvel hi eng nge ka hnutchhiah ang? Ka ram hi eng nge ka hnutchhiah ang? Hnahthel ro angin ka tla bo mai dawn em ni?” a ti a. Ṭawngka mai ni lo, thinlunga Zoram veitu khan a natna ngawr hri aiin Zo nun chu a vei nasa zawk a, hnahthel ro ang mai maia tla bo turin tu mah hi a duh si lo.

A damdawi a la awm hmaa ngawr hri veiin a vei em em he Zoram hi, intheihsiakna hmunah leh intlansiakna hmunah a dam sen vul zawkate hian kan dah ta lek ni-te hian ka hria a, Kaphleia ṭawngkam takin "fa hrin manhla lo" mai kan ni dawn em ni?

He ramah hian awm la, he hnam tan hian ding nghet la, Mizo i nih avanga i hriat ngei turte leh i tih ngei turte chu tih tum tlat rawh. Chu lo liama i duty!

"Hnahthel ro angin kan tla bo mai dawn em ni?"