"Tlangah ruahpui a sur e"

A khuhhawnna: Ruah a han sur a. A hma zawng pawha rilru-a lang lem lo kha tihmakmawhah kan han ngai thar thut a. Ruahsur hmaa kan ti hman ta lo kha pawi kan han ti thar hluai a! Mahse, ruah a han h^n a, ruahsur laia ṭul nia kan hriat kha nakin atan kan hawisan leh mai mai a! Mihring hian ti thei dinhmuna ding lo nia kan inhriat veleh hian hna pawimawh nei hian kan inhre hlawm ch^wk hmel hian ka hria a. Ti thei dinhmuna kan han din meuh hi chuan naupang sikul b^ng ang vang vang hi kan ni duh viau hlawm awm asin. Ruah a han sur a. Ruahsur hma zawnga kan tui paihna kan ngaimawh lem lohte kha kan han hlauthawng thar leh a. Kan kawt hmaia tuihawkluankawr mumal lote felhlelhzia kan han hrechhuak leh uai uai a. Ṭhutthleng leh khum bul ilo vela tukverh khar theihnghilh kan chin fo-te kha a pawi kan han ti ṭan ta chauh ṭhin a! Kawmthlang lungrem, kha chen vawm khat lova kan han muthilhsan mai mai theite kha pawi kan ti ta em em a. Furkhuaa chhiatna thleng thei hrang hrang kan kh^wlkhawm ruih tih hre ṭha duh mang der lova kan hotute leh an ch>k^wite an han tlan sen vir kual zawr zawr mai theite chu, tenawm ti hm>la thlir tur a ni tih kan han hrechhuak ta chauh mai ṭhin a!

Ruah lo sur ṭhin hian vawi tam min zilh tawh a, Kelkang kal ang tluk thiala pawimawh a nihzia erawh kan manchhuak thei mang lo thung a. A chim tur ang ang te, a min tur ang ang te hi han tla hnawk rup phawt se la, chumi hnu-a 'manage' dan chi kim leh ropui ber nia kan hriat - silpouline sem leh lei, thingpui lumna man, a hmun ngeia 'live' a en... tih ang vel hisapte hian Zo chhum angin min bawh ch<k reng mai a ni awm asin!

Kan kawmchhaka lungpui hi a lum hun kher kan nghak chhungkua fo nia! Tin, kha nu khan khua a dur deuh tih hre reng siin a thing pho kha a chhuah hma khan seng fel mai se, a ṭha ni mai tur...

Chuti ang thute chu hmanni ruahsur hnuaiah khan ka ngaihtuah mai mai a. A pawimawh ngaihpawimawh loh avanga furkhua a 'chhiat' t^k em em dante ka ngaihtuah mek lai chuan, chuti ang letling hlauhin, keimahni Pu Hnuna sikulte kha mitthlaah a rawn lang leh roh pek a. Mizo taka sapṭawng kan zir ṭanna hmun kha pachan kan zirna hmun ni-te hian ka'n hre daih pek a - rilru no ber si hian!

Ruahsurte kha 'yesss...!!' kan ti mai a, kan d^wn thui loh vang erawh a ni ta ve ang. Malsawm ruah hian leilung leh mihringah eng chhiatna nge a ken tel, kan ngaihtuah lo. Lawm takin kan do mai a, ruah kan do fo khan hriselna kawngah chakna min pek a neih ka ring hnuhnawh a, rilru lamah phei chuan a ruka paukhauhna thlentu a ni tih erawh ka chiang bal.

Kum 10 kan nih kha chuan kan ramkal kha ruahin min nan haw fo a. Thingbuk leh thing thl^r b>la ruah kan do h^n ch^ng a awm nawk tawh a. Thahrui hi mihring rilru mil tawk zelin a pung tihte chu a taka kan nunchanpui tawh a ni.

Ramhnuaia kamrah ilo nena kan tlat puar mai mai chang a tam a. Nungkhawchhuak tura mihringin a mamawh a tam lohzia a takin kan lo nunpui tawh a. Khaw d^i leh ngaw hnuaiah khan hriatna hi kan fiah mawlh mawlh a, chhelna hi ngaihtuahna thununna aṭangin a zichhuak tihte kha hre hlek si lovin kan zir kha a lo ni a. Khati ang nun tlachawp leh zalen, naupang tana rilru chhertu rothap taktakte kha chhawm chatuan theih ni se ka tih chang ni a tam ta mai.

Inkhuahkhirhna leh indimdawina te, induatna leh induhsakna te hian mihring hi kawng bumboh a chhuitir fo zawk ni-te hian ka hre ve khanglang a. Khampang hnim inh>lpui ai chuan khampang hnim kara intlansiak ziai ziai te, inbawh >nsiak te kha nun hian a lo mamawh zawk daih alawm le!

In chung s^nga rose par ch^wm thau satliah ai chuan ngaw hnuaia tukhawkha hriat loha lo p^r pawl ve satliahte khan zirlai an zir kim zawk ang a, an zir huai zawk ang a, zir tur pawh an hnutchhiah tam zawk ang e.

'Duat' tih lampangahte pawh chuan han pakai chho ta zel ila. Adama thlahte zingah hian duat duh bau lo hi eng zat tak awm ang maw? Beisei ru ran ran ṭhin hi chu a kat tam zawk kan nih ka ring. A enga pawh chu ni se, ‘duat taka min enkawltu tur' kan melh a, kan zawn a, kan tin chhung hi chuan kan derthawnzia leh keimahni-ah tumruhna a n>pzia kan pholang tel tih hriat tel ve-te hi fuh viau dawn hian ka hre ṭhin.

A chang chuan he ‘duat’ zuitu emaw tlukpui emaw ṭawngkam chu ‘nunrawnna’ ni ve-te hian ka hria a. Khawvelah hian dinhmun hi thlang dawn ta ila, ‘duat’ dinhmun chu duhawm tak angin a lang ṭhin ang. Mahse he ‘duat’ hian kan nun a tihchhiat nasatzia leh puitling tur pawh naupang sawngn^wi tak anga a dah ṭhinzia hi kan chhut ngai em?

Induatna hi pawn lam lang theiah chuan a ṭha lam k^wktu pawh lo ni fa hmiang. Mahse chhungril lamah chuan a nun a r^wng ṭhin, tih hi i lo ngaihtuah ve ngai em? Induat hi pawikhawihna bul, rilru piangsual thlentu a ni duh fo a. He kan Zoramah hian taksa piangsual ni lovin, rilru piangsual, thinlunga kutdawh kan ngahzia hi i chhut ngai em? Chutiang ngaihtuahna i neih apiang chuan induat chungchang hi ngaihtuah chhuak ṭhin teh. Thawkchhuaktu aia eiraltu kan pun phah tial tialna chhan te; tunlaia nawmsak lutuknain nakina vanduaina min pek theih dan tur te thleng hian i chhut phah ve ngai em? Induatna hian inhuatna a keng tel a, sual kuhmum a ch^wm ni-te hian i hre ve ngai em?

Mihring tihchhiat kan duh chuan pawisa pe ila, a la chhe zo lo fo a nih chuan duat hle mai ila, kan hlawhtlin ka ring!

Tlangah ruahpui a lo sur tawh hi chuan ngaihtuahnaah lut leh chhuak a insulpel ve nghal zut zut zel a, tlang ruai ṭhehna hnu ang maiin a inpawlhsawp ta nuaih mai a nih hi!