Hmangaihna a awm lo'm ni?

A khuhhawnna: Kan samah te, kan kawrah te, kan tarmitah te, kan lirtheiah te hian a chang hi chuan hmangaihna-te hi a fu ta chut emaw tih tur ni-te hian ka hre ve mai mai ṭhin a. Ṭhenkhat hmangaihna hi chu thingpui dawrah te, in chh^wng ruknaah te, aw nalh ve hrim hrimah te, khawizu lo deuh luanna leh eng engah emaw-ah te hian a inmung khu vet vet ni-te hian a langin ka'n hre deuh a. Chuti ang ngaihdan chu han pawm thluam dawn i la, a nihna ang anga pawm theih mi a ni hlek lo vang a; han hnawl ngawt dawn i la, tute chhungkaw sa englo hleh ang mai khan, paih ngawt dawn chuan sa a ni ve miau mai bawk si! A thaw ve feih feih chin tawh phawtin dam chhan leh thih chhan tlaka kan ngaih, he hmangaihna hi a khawi lai berah chuan bet hlawm ṭhin ang maw? 

Hmangaihnate hi chu kan sawi bawk ang a, kan luan chhuahpui bawk tur chu a ni phawt mai a. Mahse mipui huapa hmangaihna thu tlangaupui dum dum ṭhintu ṭhenkhat te, mipui tana hmangaih rawngbawl hna thawk tura hlawh neia kan rawih ṭhenkhat te hi chuan hmangaihna kuang hi an f^wn liamtir lo ve lulai ṭhin hian ka hria a, hmangaihna sem zai thiam hi kan mamawh hmasa ni-te hian ka hre ve khanglang ṭhin. Hmuh ngai loh te, hriat ngai loh te, an hnen aṭanga dawn l>t leh tur a awm lo tih chiang bang mai te hmangaih hi hmangaihnaah chuan thawnthu ngaihnawm ber pawl niin ka hria. Chuti ang kawnga entirna pakhat chu ka ṭhiante'n an pho lang ṭhin a ('pho lang' han tih l>mah, tuna ka han sawi hma hi chuan tu ma'n an hre ve lem lovang a). Chu'ng ṭhian duhawmte chuan kum tawpah hian hmun pakhat pan ding nal nal an nei ṭhin a, chu hmun chu kan Jerusalem ve chhang, Aizawl tlaklam daifemah ngei hian a ni. 

Mite’na hlim t^wp hlau lo va, an thlarau che tur dîpa nuam an tawlna hmunah chuan pitar pakhat a awm a. A chenna chu thlam ram ang mai hi a ni. A in kawngkhar chu rangvaa khawr a ni a, tukverh a nei lo. A d^p chhuat chu a ^wng suar a, ṭhenkhat lai phei chu a tliak tawh hial a. Eirawngbawlna gas v^ng vanga mite an mangan em em laiin, ani chuan thing ringin, a tapah chuan lungthu pathum a intung ran a, a bulah pressure cooker pakhat leh dekchi a inh<ng a, piah deuhah ṭin a awm bawk.

Krismas laiin sumdawng nuamsa deuhte’n an thil lakna thlep fe an nuih rukpui ver ver ṭhin, an tih  laiin, chu pitar chu mipui zi nuaih nuaih karah thlangra zuarin bazar lun laiah a tei kual ve sek ṭhin a, mit a la lo teh ang chu! Mi chil a tip<t lovin, Hollywood kalsual ni awm tak takte phei chuan an dawr lo chiang ang tih a chiang reng mai. Huau huau hunpui (ni ta ber) Krismas laia thlangra lo zawrh ve chu, engti ang takin hralh kal ve ang maw? Mahse thlangra bak chu sum ṭh^p chhuahna tur a nei ve lo va, nun zia leh mi ze hrang hrang thlei hrang hman lek lovin a eizawnna chu eng hunah pawh a kawhchhuahpui ve reng ringawt mai a ni.

Tute pi emaw chu ni se la, in chhunga sekrek lo khawih atan paw’n an lainat tawh maithei. Mahse a tan chuan damloh a thiang ve lo va, ṭhutmuan paha titi khawchang vawrh a rem ve lo. A ip taivawnah a tu leh fate ni tin sum dehchhuah vawm khawm han khîn nalh tur chu sawi loh, amah leh a tute tan eitur a dap hram hram a ngai a, chawlh hahdam chu duh ve ṭhin mah se, a dinhmun chuan hahdam a phal ve tlat lo! A tan chuan Chawlhni a awm ve lo va, eng ni pawh hi Thawhṭanni a ni vek a - a zuitu pawh Thawhlehni! 

Thla a lo sik a, inthuam lumna a neih loh chu thu hran, mutbu ṭha a nei lo lehzel a, a chhuat a lo rawpin a lo ^wng ve leh huau zel bawk vei nen... tlangsam par leh tlaizawng te chu mawi viau mah se, thlasik boruakte chu thiang nuam ti ve viau bawk ṭhin mah se, a tan chuan thlasik khua chu a vawt vîn zual bik tlat a, sik leh sa inher velah hian thlasik leh furkhua chu a tan hmelma a tling hial ta ve ang. Mahse, khawsak kawngah hian a dinhmun chu awhawm loh berte zinga ngaih theih ni mah se, Krismas a lo hnai a, chu pitar, chhungkaw dang tana belhfakawm loh tak anga lang chu, a tupa tan chuan khawvela pitar ngainatawm ber a ni tlat a. An r^p in tlawm ve takah chuan pitu-a Masi hmang turin hmangaihna-in an inkuahdun a, hmangaihna mitah chuan khawvel hi a duhawm riai ṭhin zuk ni a maw le! 

Nia, a pi bulah Krismas hunpui hman tumin a tupa chu "Home" aṭangin a haw ve a (Retheih luat avanga 'Home' a awm lo thei lo a ni a). Chu in, thlam ram ang maia thawl>ngah chuan lungmuang takin a pi bul ngeiah a ṭhu a. Kawlphetha leh eng >ng zung mah chhit tur an nei ve zo lo va, lalṭin pakhat chu an >ng neihchhun a ni mai. Chu in, patling hlam khat leh ṭang phel bial emaw ^wrhah chuan Masi chu an hmang pitu ve a. Thawmhnaw thar te, in cheimawina te, eitur tuihnai te, nawmchenna thil dang te chuan an rilru a luah pha lo - chuti ang mangphan chu thiang lovah an ngai thei hial ang. Mahse an thinlungah Messia a ch>ng miau a. He leiah hian hrehawm takin, mite ngaihsak pawh hlawh lovin khawsa ve ṭ>k ṭ>k mah se, rilru-a inngaitlawmte hnena inlar ṭhin Immanuela chu an in tlawm takah chuan a cheng ve miau a, an biak ṭhin "Awma" chuan an tan ka ṭhiante pawh a kohsak a ni r>ng a. Hmangaihna-in bu a khuarna hmunah chuan hmangaihna vang bawkin ka ṭhiante chu an lut khawm a, hmangaihna infawk khawm puak darh chu a tihzia ngawt asin. 

Chu hmun aṭang chuan ṭhiante khan "Ani ai ngawt chuan ka la vannei alawm" tih ngaihdan hrisel tak, an nun her zel atana thuruk duhawm tak an hawn a, an hausa haw hn<r mai. Mahse chuti ang thuruk ṭhami lehburhna'na sum leh a behbawm an bawh tik nî ni chu an tuihal a reh tawh ngai loh hun tur a ni thung ang. Chu pitar chuan in ṭha te, eirawngbawlna leh eng ilo te, >ng te, sum te a nei lo a ni satliah lo, ka ṭhiante anga hmangaih rawngbawl hna thawhsaktu tur a nei ṭha lem lo a ni mai awm mang e. Ani leh kei, leh retheihna-in a bawm khah vel l<kte lakah hian tute emaw chuan mawh an phur chiang mai! 

Minungah chhiar kan ni a, mihringah erawh chhiar kan ni ve lo fo! Minung kan lo nih ve-na azarah hian tute emaw chuan thuneihna tiang an vilik theih phah a, an thl>ng pawh a mawm phah! A minung mila 'supply' hi thiar ni miau hek, khulam aṭang khuan kan chan tlan tur an rawn thawn chho a, chu'ng chu kan zarah tute emaw hian an lo insem zo va, chuti ang a awm tih pawh hre lovin kan pi-ho hian thlangra-te kan lo zuar kual ve ṭhin a nih hi! Kan pite ho tan chuan sawrkar hi a awm ve tih pawh a hriat mang hleihnem! 

Hmangaihna changchawia min rawn tlawhchhuak ṭhintu ṭhenkhat te, pisa lam uap lum ṭhintu ṭhenkhat te, leng kual leh um kual nei reng chunga min liansan leh vuk vuk ṭhintu ṭhenkhat te leh a chuti lam hawia "innghahna" nei riau te hian retheihna bak hi thawhchhuah an nei lo em ni chu aw, tih theih a ni fo. Kalphung tam tak hi chu tute emaw lu, chem lova lakna a ni. Retheih luat vanga thawpik uchuak, mahni intihlum ta te; dinhmun a harsat em avanga suahsual rawngbawl ta te; beidawng ta ngawih ngawih te hian khawi dawhsanah mah thu sawina tur an nei ve lo. An retheihna chu an sual vang leh thatchhiat vanga puhtute lakah phei chuan eng mah beisei lo law law se, an tan a thawventhlak zawk ang. Nia, a fawng ṭha lam chelhtu te, chuti ang mite zarzo pha te, chuti ang mite bulhnaia teihawi pha te tan chuan 'democracy' hi nuamsingkhaw a ni ang. Mahse mipui rorelnaah hian zalenna, intluktlanna leh inunauna te hi "a awm thei tak tak lo" ti ṭhinte ṭhutna hnuaiah kan la kun miau a, siam thar lehna aia chhunzawm zelna tuipui ru tlatte kan la kat nawk avang hian Aizawl daifema kan pi-ho chuan "khawvar" hmuak chhuak thei lovin "zanlai" kan hmang reng mai dawn chu a ni phawt a, hmangaihna-te hi fiah hmasak phawt loh chuan thlahrang emaw kan la tih zui zel loh nakah!

Tute emaw hi chuan tlang pang letliam aṭangin tual an that a ni! Tute emaw hi chuan ral lehlam aṭangin nawhchi leh zu zuar turin mi an kar chhuak a ni! Tute emaw hi chuan in chhung aṭangin pawn khaw vawtah mi an hnawt chhuak a ni! Hmangaihna chu Van aṭang chauh ni lovin, Lei aṭang pawh hian a chhuak tur a ni dawn lo'm ni - tiraw, ka pi?