Khuangchawi thla zet chu le!

Khuangchawi thla a lo de a, khawvel inawmlemna sekrek hrang hrangina min chim buai a, min pawlh chihchawm viau tawh hnu pawh hian keini Zofate thinlungah hi chuan "Khuangchawi thla" han tih maite hian kori a la tu-in, thinlung tam zawkah hian thu a la sawi thuk hle ni maw, social media lamah chuan Khuangchawi thla chibai an inbuk nak nak a, fiamthu nena "khuang chawi" te pawh an awm. Kan pi pute khuangchawi hun laite chu kan rilru-ah va awm se su lo mah se, thisen hrang hrang luan khawmna ni ve nual tawh mai awm tak, Zofate chhungrilah hian "khuangchawi" a la mawi a, a la pui vet vet viau ni-te hian ka ngaihtuah ve mai mai a, a "Khuangchawi thla" a hrim hrim pawh hi "October" hian awk angin a lem pil hmiah mai ang, tihte a nia, ka hlauh zui tak zel ni!

Hmasang aṭanga kan tlakna leilunga hun thawleng, hun duhthusam, ni leh ruah kara thlantui fara hna thawk ṭhinte tana 'holiday' hun karlak chhenfakawm, sik leh saa hun duhawm ber mai ang hiala an lo chawi fo "favang" hian Zofate lairilah chauh ni lo, a eng hnam hnam emaw-ah chuan hnuhma a nei lian teh zawng a ni ang, he hun hian khawvelah thu leh hla a her chhuak nasa a, khuarel nena inhne nasa keini Zofate chhungrilah ngat phei hi chuan "vangpui lunglen" leh Khuangchawi thla hi chu hun namai a ni lo, heti ang hunah hi chuan hmangaihna-te pawh hian a vawrtawp a thleng ta em maw tih tur hi  ni bik ngat a, hmangaihna thlai chi theh hun leh a rah lawh hun te pawh hi Khuangchawi thla hian a fawmkem roh a ni lo'm ni!     

Nia, favang a lo thleng a, thlasik chhunga tawm bo tur an nih inhria ni ang hrimin khuarelte'n no nghil nghialin leilung hi awih an tum a, an mawi em em vek a. Hawina lam apiangah lungawina thamin zia an chhuah hlawm a. Zan lamah Khuangchawi thla a lo de a, "Arkaidenzan" hun lung tileng leh chatuan thuruk vawngtu ni awm takte kha a lo de zui tak vaw vaw a!

Mihringte hian leilung mawina mausam a, khuarelte kan kalsan nasat poh leh kan chhungril lam hi a kawrawng nasa a, ngaihtuahawm khawpin kan thlaraute pawh hi kan hralh da mek ni-te hian ka hre ṭhin. Siamtu kutchhuak aia a siam mihring kutchhuaka kan lungawi tam nasat poh leh mahni leh mahni hi kan inhralh nasa a, a r^wn kawngah lah hian kan r^wng ta deuh sauh zel ni-te hian ka chhut tel roh a; "Lunglen ka hre lo," ti salh salh ngamte ngat phei hi chuan nun hi a chanve chauhin an hmang ni mai-ah hian ka ngai. An kalna kawngte chu han pal dar hneh viau ṭhin bawk mah se, ngaihawmna ai mahin ngeiawmna lam rawng hi an kai ngun zawk ang em aw, tihte ka ngaihtuahnaah a lut fo mai. 

Chuti ang nun z^m vel karah chuan he Khuangchawi thla hian tute nun emawa ka beisei ngam tawh loh kha beiseiawm thar ta riau hian min hriattir ta ṭhin a. Hmasawnna khawl leh nunphung tharlam mak sak tak tak karah, khuarelte chu "hlawkna" emaw "sum" mit chawngkawr nen ngawt lo chuan an thlir ve tawh lo ang e, tih tur ni awm pui puia khawsak rel ta mekte'na thla hlei nga zan an han tuipui a, an han kurpui a, keini ang bawka "thla em ^t" an la awm ve tih han hriat a, mit ngeia an chetla lai han hmuhte hi hahdamthlak piah lamah lawmna thar chhar belh ang thiala lo inngaih ve phah rawkna tham ni-te hian ka hria a. A chatuan zin kawng zawha van sanga Khuangchawi thla a lo tawlh chhuak leh ṭhin hi a tihzia ṭhin ngawt mai. 

A chhita kan chhit >n phak rual loh, a vir velna kawngah kan thu lohna em em leh kan duh hun huna kan kaih chhuah theih pawh ni lo, thlapuiina a hun bi pangngai chhiara min rawn kan leh ṭhin laia hnuaia lengte khawsazia hi i ngaihtuah ve ngai em maw... a thla hlei nga-a hrim hrim chu thu hran ni se, khuarel-ina mihring a la ko "eih" thei hi lawmawm deuh asin! Siam kan nih phungah mihring hi khuarel nena inhne kumkhua tur, inb^t chatuan tura duan hi kan ni a. Chutih karah chuan mihring hian a mihrinna duhawm tak tlansan tumin, thlawk thei leh k^ng thei ang hiala inngai ni awm hrimin khuarelte hi kan han mausam ta roh mai ṭhin a. Mahse a tawk t>-in khuarel chuan ro a rawn rel leh ṭhin a, lirthei leh Babel in sang piah lamah hian kan nun ruak leh tuihal chuan dang hn^wnna tur a lo mamawh tak meuh mai a. Kan nuna "ruak" hnawh khah theih loh ṭhenkhat chu heti ang chhawrthla eng ruai hian tangka 'leh ngawt ṭhin' ai chuan a lo luah hneh deuh zawk a ni ngei ang chu, lawm ber leh hlim ber ang maiin Khuangchawi thla eng hnuaiah-te kan han t^l vel a, khuarel hmaah chuan mihring hi kan inchawk cham a, kan nihna ngau ngaute hi kan tuipui thiam a, nun duhawm zawkte pawh hi thla hlei nga zanah a lo >ng tel ve ṭhin nia maw le! 

Hmanlaia khuangchawi tur chhungkua-in se-chal, a ki kheh tawh chin ngat pahnih leh tlangphal tur se-pui pakhat an khawng thlu ngei dawn tih hria a, nula leh tlangvalte'n phur em em-a zan tina chawng buh an han deng tlut tlut mai te; sumdeng zu nena han zai tlaivar hup hup a, favang ni eng tharlam sar hnuaia khuallam runpui nen, tlai lama puar el euha ruaipui an han ṭheh mup mup mai te kha kan tunlai khawvelah a nih ang ngai t> t>-a tharthawh leh remchang ṭeuh tawh lo mah se, a eng lai maha kan hnam chanchina la inziak lo, a engti zawng maha Zofate lung tileng hranpa reng reng lo eng k<t em maw nite hmanga ṭhangtharte rilru s<k tum ai ngawt chuan, khuangchawi hunpui, tel ve-na'na itawm fahran leh kan hnam nuna hun chhenfakawm berte zinga mi angte hi chu a eng emawti zawng tala han chawi vul leh a, eng "Chhawrthlapui Zan" angte emaw tal han hman phah hialna chi zawk ni-te hian ka hre ṭhin. Khuangchawi thlaah "Thingfar zan" tenau-te hi han hmang vei ta reuh mai i la, mi tih dan hrang hrang la chhawnga k<t kan phuahchawp ṭhenkhatte ai ngawt hi chuan keimahni tak pawh hian kan tleipui ang a, hnam dang tan paw'n "kan zinga tel ve" nih kha a danglam deuh zak lo'm maw chu le?

Khuangchawi thla han sep kual vel takah chuan, ka rilru-ah mawi reng mai hla pakhat a awm. Chu poem chu hmanlai Persian ṭawnga miril Omar Khayyam-a "Rubaiyat" hla runthlak leh lungkuaiah khan a ch^ng pawimawh a ni thei hialin ka ring ve ri rawk a. Keini hriatthiam phak baka nalh leh mawiin, lal hla ang mai tluak ṭha-in Sangzuala Pa'n a Duhlian ṭawngin a lo dah hlauh pek a. Chu chu a ni, hei hi -

"Thlafam dairial chan hi kei zawng ka zuam lo,

Ka chung chhawrthlapui khi a lo eng ang a,

A riangin piallei ram hi ka chhuahsan chuan

Hril pawh hai ve hian ka ring mang e!"

E khai! A dik a ni lo'm ni, Lalngo!