Mi vannei ka ni lovem ni?

A khuhhawnna: A neitu ang hrima leilunga l>n a, he hringnun hi chheih per vel tum ta hrim chu, thu kal lam haw lam kan dawnte reng reng hi chanchin ṭha leh khawizu anga lem nuam hlir turah kan beisei fo a, nun vir vel hian kan rilrem zawng leh kan sahmim tipuar zawngin hun hi herchhuahpui se kan ti fo a, mi in hnuaia thiamthainu-te nena mawng tawlhho mai mai lovin, in chung sangah arpa-te nena khuanho ^l ^l kan thlahlel a nih hlawm hi. 

Chhun leh zan a inlan chhawk a, he thim leh >ng inkarah hian naupang kal zir tîr angin pen kan zir tur ni awm hi a ni a. Mahse ni tina pen kan zir kawngah hian kan ngaihhlut ber, sum kaw hmu ang hrima "Kal chhet chhet" ve lote vang hian pen s^u ve chakna thlarau retheiin min tuam a, kan awh apiang kan pawm a, kan it apiang kan bawh ta huam huam a, nun hi a hahthlak khawlo zo ta a nih ber awm hi maw!

Achangtunu leh achangtupa, mite awh rawn leh mite er tham khawpa 'chungl>ng' nih duh ta ṭhiau chu, heti hian kan theihna mual mualah invawrh tumin kan bei a, thlawh k^n tumin kan bei a; kan tlan a, kan intheihsiak mup mup a. Kan beisei kan hmuh loh rual rualin vanduaina chu kan chanah kan dah a, ngui leh chauin nun hi hmang liam ta mai turah ngaiin kan kaikun tlawk tlawk a, nui ri hi bengchheng a chang a, elsenna ang riakah kan chan fo a nih hi maw!

Ropui tum kha kan ropui zo ta lo va, kan kawchhungah kan nun hi a rum a, a ngui nghuai a, chutih hlanin khawvel inlumlet hi a lim pur pur a. Khawsak phung a inthlak danglam zut zut a, awh tur leh neih tur nia kan hriatte a lo thleng zut zut a, sakei seh ai chuan 'nei zo ve lo' han tih tlawng maia chu hlauhawm takt> hian a hlauhawm zawk ta hle ni-te hian a lang a. Chuti ang hunah chuan beiseina aia beidawnna la v^wngtute chuan mitthlaah nghawngt^wk nei lo hruihrual an hmu tai ṭan a, nun hi thlankhura liamsan daih chu hahdamthlak dawn ta riaute hian an han hria a, an mangan dana chu manganthlak tak a ni.

Kan tiapui nia kan hriatte kan han tiat zo ta lo va, kan hnuaia k^wl->k thai satliah ve mai tura kan ngaihte kha kan chungah an thlawk chho ta vuai vuai a, kan um phak ve mai tura kan ngaihte khan min thlau ta vung vung a, kan ban phak mai tur anga langte kha hmuh phak lohva a insuan ta dah rual a! Mahni leh mahni rau rauah pawh kan 'r^u' chu rawih ta riai riai anga a lan mek hnuah hi chuan cho chi kima khawvel kan cho lai ni-te kha chu 'ngaihawm' tia sawi ngam thei dinhmunah pawh ding ta lo ni-te hian kan inhria a. Hun hi hmang daihzai thiam lo berte zingah inchhiar bik em lo mah ila, hun hian keini ang bawka hmangthiam lo ve tho-te chu a duhsak bik zawk tlatte hian kan han hre deuh roh a, kan kawngte chu kan chhut ngun poh leh kan hah a ni ta ber e!

Mahse thimin kan khawvel a zial hnan ta mup mup mek nia kan hriat lai hian, kan tuibela tui tling kan hmuh dan hian a zir lo ve bawk ṭhin asin! Tuibela tui tling hi a thlirtu azirin a intam hleih daih thei a ni. A thlirthiamtu chuan tuibela tui chim chin chu, "A chanve hmawk a tling tawh alawm le," a tih laiin, a thlirthiam lotu chuan, "A chanve laiin a la khat lo," a ti thung a. Tuibela a chanve tui tling tawh thlirtute thlirna mit chuan an rilru hahdamna leh helhkam a hril a, a neih tawh lam en lo va, a la neih loh lam chauh en tlattu tan chuan khawvel hi a va hahthlak ṭhin lulai em!

A hmuthiamtu tan chuan thil pangngai leh holam mai nia kan ngaihte hi thil nam>n a ni lo. Mihring zingah thim leh >ng inṭhenna'na khawfing tichat thei leh chumi hunbi ruat fel thei kan awm loh lai hian, kan thawh ve tel hlek lova khawfing a lo chat maite hi thil namai a ni lo. Zinga ni a han chhuak siar siarte hi a thlirthiamtu tan chuan a phurawm ru riau ṭhin a. Thlifim han thaw vawt hek hek te hi a lo dawngsawnthiamtu tan chuan a thawventhlak hiai hiai a. Khuarel ruhrel han hmuh ngawtte hi chona a tling ṭhin zuk ni a le! 

Tlachhe tur pawh awm lo khawpa chanchhe zinga mi anga chhiar tur mah ni ila, kan chanchhiatna zawn aṭanga khawvel han thlir leh ngawt ṭhina ai chuan, chanchhe chung chung pawha keimahnia rinna nghat ngam te, khawlaia han biaklumlam tur kan la nei kuh ṭel ṭul te hi ngaihtuahchhuak fo ta zawk ila, tute'n emaw keimahniah beiseina an la neih ngam chhung chuan kan nun hi a thlawn lovin, tuteemaw tan 'mi pakhat' ni mai lovin, 'khawvel' kan la ni duai zawk tih inhriat fo-te hi nun damdawi chu a va ni lawi si em! 

'Nih' leh 'neih' khelhna ram zauah hian zahtheihloh leh pawisak lohna hmachhuana mite an inbeih bur bur lai hian kan neihsa leh kan nihna sa-te hi hrethiama tuaihnumthiam ve-te hi a ṭul chang ni a tam a. Hmasawn turin hma lam pan chu kan tihmakmawh ni mah se, kan thlen loh chin kawlkil thlir chung hian kan thlen chin ram zela hi lungawipui thei zel mai ila, "Malin chhiar la, nangma chan mai chu..." tih hla ang duangte hi chu kal zaihin kan sa thei zel mai dawn zuk ni a!

Kan chan apiang chu chhe zawk anga kan ngaih a, kan dinhmun apiang chu hnuaihnung zawk nia kan hriat tlat si chuan, Pathian dinhmun meuh pawh hi luah ila, kan lungawi dawn chuang em ni? Keini aia vannei zawk nia kan hriatte hian anni ai chuan vannei zawkah min ruat ve fo mai lo'ng maw, tih mai maite hi ka ngaihtuah ṭhin. Kan hlimpui thil tur nia kan hriat neitute hian an neiha chu an hlimpui kher ang em? Chuti ang mite chuan kan thil neiha chu an hlimpui theih an inring ang a, min awt let viauin, vannei bik ta hliah hliahah min rawn ngai ve tho ang em? Kan ṭah laia nuite hian ṭah chhan tur an nei lo bik dawn em ni? 

Vanduaina leh vanneihna hi mihringin tehfung a khai dan azir mai a ni lo maw? Vanduaina leh vanneihna hi a hranpaa inthliara inṭhen kual vel lovin, mihringin a ngaihdana innghat mai a ni lo maw? Chuvang chuan en teh: in leh lo ṭha zawk beisei chung hian in leh lo kan neih mek nei ve zo lova mi bathlar ring ve mai mai an tamzia ngaihtuah fo ila; bungbel ṭha zawk tuak chung hian bungbel sawi tur pawh nei ve lova khawlaia vakvai an tamzia ngaihtuah fo ila; ei leh in hnianghnara neih tum chung hian ei leh in thianghlim leh thianghlim lo pawh thliar thei lo khawpa ṭampui mitthiina a nuaihlum mek tamzia ngaihtuah fo ila; lirthei neih ve ngei tuma kan inkhawl chhung hian 'ke lehlam tal nei ve ila aw' ti ngawih ngawihtu mi engemawzat an awm thute hi ngaihtuah fo ila; kawppui neih fuh loh vanga kan beidawn laite hian hmangaih tur leh hmangaihtu pawh la hmu zo ve lo an awm thute hi ngaihtuah fo ila; hna thawh tur inchhek vum thur vanga kan phun nawi laite hian thla tam tak chhung thawk hleithei lova natna-in a bawrh mek an tamziate ngaihtuah fo ila; hlawhchham ni a lo thlen a, nun hi engmahlo mai nia kan hriat ngei ngei laite hian  hlawhchhamna hun pawh nei ve lova mual liam ta an tamziate hi ngaihtuah fo ila. 

Mi harsatna, natna, ^tna, retheihna, chauhna leh thil dang dangah te hian keimahni hi inhmu tel ve zelin, tuna kan nihphung aia chhe zawka ding thei reng dinhmunah kan ding reng tih inhre chungin, chuti anga kan awm loh avanga mi vannei tawpkhawk kan nihziate hi ngaihtuah fo hlawm ila, kan khawvel hi a va zangkhai dawn tehlul em!